Saggaria 2:6 - Labrador Inuttitut Heritage Bible

⁶ Atê, atê, ᴋemâgitse nunamit avanêtomit, oᴋarpok Nâlegak, siamartigapse sorlo ᴋilaub anoringit sitamat, oᴋarpok Nâlegak.

Saggaria 2:6 Iomraidhean Croise

Genesis 19:17

Aulartimatikik, (Nâlegak) oᴋarpok: Inôtsit piulijartoruk; ᴋeviarniarnak noᴋanganiarnaktauᴋ tamattoma erᴋâne ilûnâne. Kaᴋᴋamut ᴋemâlerit nungutaurᴋonak.

Imgerut 44:2

Aggangnut nallojut aulartilaukpâttit, taipkoale ineᴋartilaukpâttit; innuᴋattigêksuit asserorlaukpâttit, taipkoale siamartilaukpâttit.

Jesaiase 48:20

Aularitse Bâbelemit! ᴋemâtitse Kaldêarinit, nertordlerutiksanik imgerluse! Tamanna oᴋautigisiuk tussartautillugolo ᴋaujijautillugolo sillaᴋsûb issua tikkidlugo! Oᴋaritse: Nâlekab kivgane Jâko piulivâ.

Jesaiase 55:1

Atte, illũnase imeruktose, imermut ᴋaititse, kênaujaᴋangitoselo, ᴋaititse pissiniarluse nerrivluselo! Attê, ᴋaititse, vainemiglo immungmiglo pissiniaritse kênaujaᴋarase akkiliutiksaᴋaraselo.

Jeremia 1:14

Nâlakablo oᴋautivânga: Avangat kapianartoᴋ anijomârpoᴋ ilûnainut nunamêtunut.

Jeremia 15:4

Egitautitsomavakkalo sunatuinarnut ataniovit nunamêtut akorngane, Manasse, Hiskiab erninga, Judab ataninga pivlugo, piniarnerilauᴋtanga Jerusaleme pitjutigilugo.

Jeremia 3:18

Naliutome tâpsomane Judab ᴋitorngangit aijomârput Israêlib ᴋitornganginut, tikiᴋatigêgomârpullo nunamit avanêtomit nunamut kingormgutijaksautilauᴋtamnut atâtagilauᴋtapsingnut.

Jeremia 31:10

Nâlakab oᴋausinga tusarsiuk, inôᴋatigêksoangojose ilipse, oᴋautigisiuglo ᴋikertane ungasiktune; oᴋaritselo: Israêlikunik siamartitsilauᴋtûb katersoromârivait ama, pairijomârlugillo, sorlo saukanik mianersijûb saukane pairingmagit.

Jeremia 31:38

Ahâk, uvlut naliutijomârput, oᴋarpoᴋ Nâlagaᴋ, iglugasaksuit igloliortaujomârmatta Nâlakamut Hananêlib nuvugusinganit terreᴋub itertarvia tikidlugo.

Jeremia 31:8

Ahâk, tamaungartitsomârpakka nunamit taggardlermit, katersoromârpakkalo nunaᴋsûb kiglinginit issuklerpânit, tautungitut, tussiaktullo, singaijullo, ernisuktullo ilautilugit, katimgajoᴋsôvlutik uteromârput tamaunga.

Jeremia 50:8

Babilonemit ᴋemâtitse, Kaldêamiut nunanganit anigitse, ilingagitselo tuktungajutitut angusaluktitut saukat sivurâne.

Jeremia 51:45

Inukotikka, anititse tâpsomangat, ilûnaselo atunit piuligitse Nâlakab ningaumajârninganit ilungertortomit.

Jeremia 51:50

Saviksoarmit aulartose, ingeradlaritse, ᴋikkarniarase; Nâlagaᴋ erᴋarsiuk ungasiktome, Jerusalemelo ômamiutarisiuk.

Jeremia 51:6

Babilonemit ᴋemâtitse, ilûnase atunit inôsise piulisigik; kipijauᴋatauniarase idluituliningane; Nâlakab akkiniarviksanga naliutingmat; akkiniaromârpâ akkiniartaujuksauningatut.

Hesekiel 11:16

Tamanna pivlugo oᴋarit: Imâk oᴋarpoᴋ Nâlegaᴋ Nâlegaujoᴋ: Kaningitomut nûlauraloarapse inôᴋatigêksuit akornganut, siamartilauraloarapselo nunanut, sulle katimaviksârsôjomavunga ilipsingnut nunane tikivigijapsingne.

Hesekiel 17:21

Kemâᴋatingillo ilûnatik siamangajut ilûnâne saviksoarmut oggotitaujomârput, amiakôjullo siamartitaulârput annorenut tamainut: ᴋaujijuksaulârposelo uvanga Nâlegaujunga oᴋautigilaurapko.

Hesekiel 5:10

Taimaimat angajoᴋât nerrijomârput ᴋitorngamingnik ilingne, ᴋitorngallo nerrijomârput angajoᴋâmingnik; erᴋartuinikkalo piniaromavakka ilingne, amiakotillo tamaita siamartitsomârpakka anorinut tamainut.

Hesekiel 5:12

Aviksimajavit pingajuangit toᴋojuksaulârput nûsilingnartomut, perlernermullo nungulârput ilingne; pingajuangillo amatoᴋolârput avatingne; amalo pingajuangit siamartilârpakka anorenut tamainut, kingorninginelo saviksoaᴋ amujomavara.

Daniel 11:4

Nikovisimalerpalli ataniovinga siᴋomitaujomârpoᴋ, avgorlugo ᴋilaub anoringinut sitamanut; kinguvânginu-ungitorli, atanioninilônêt atanionirilauᴋtani maliklugo-ungitoᴋ; ataniovingali tigujaujomârmat, tâpkoa assinginut pijaksauvluni.

Amos 9:9

Tagva ahâk, perᴋojijomavunga, Israêliblo ᴋitorngangit aulajârtitsomârpakka inôᴋatigêksuit ilûnatik akorngane, sorlo sanaugaksat aulajârtitaungmatta killapatâme, atausiarsuglônêlle nunamut katangniangilak.

Saggaria 1:16

Tamanna pivlugo imâk oᴋarpok Nâlegak: Jerusalemut utilerivunga nâpkiningnelijarlunga; igluksara tagvane igloliortaujuksauvok, oᴋarpok Nâlegak Zebaot, noᴋakserpalaullo isivitaulârpok Jerusalemut.

Saggaria 2:7

Atê, Zion, nunaᴋartotit Babilonib paniane, ᴋemâlerit.

Mattêuse 24:31

Engelinalo tilijomârpait tiptulautilijartut nipperᴋortojunik; anerijangillo katitilugit anorenit sitamanit, ᴋilaub issuanit issuanut.

Markuse 13:27

Engelinelo tilijomârpait, katitilugillo anerijane anorenit sitamanit, nunab issuanit ᴋilaub issuanut.

Deuteronomy 28:64

Nâlekablo siamartitsomârpâtit inôᴋatigêksuit akorngane nunab issuanit aipânit nunab issuanut aipanganut; tagvanelo Gûdib assingit, igvit atâtagijavîllônêt ilitarilaungitase, kivgartulârpase, ᴋejuit ujargallo.

Takotitaunermik 18:4

Nippemiglo assianik tussarpunga ᴋilangmit, oᴋartomik: Tâpsomangat anititse inuᴋotikka, illangiuterᴋonase, kappiasuktitauninginik.

Ruth 4:1

Boase takpaungarpok itterviksoarmut, ingilunelo tagvane. Ahâglo kingormguijuksak taimna ᴋângermat, Boasib oᴋarᴋattigivâ oᴋarlunelo: ᴋailaurit, ingilutillo maunga, tamaungalônêt. ᴋailaukporlo ingilunelo.