Saggaria 13:3 - Labrador Inuttitut Heritage Bible

³ Pijomârporlo, nalautaijoᴋalerpat sulle, atâtangata anânangatalo ernertalauktûk tâpsominga oᴋautijomârpâk: Inôjuksaungilatit; saglonernik oᴋâlagavit Nâlekab atingane; atâtangatalo anânangatalo ernertârtûk tâpsominga kapijomârpâk, nalautailerpat.

Saggaria 13:3 Iomraidhean Croise

Jeremia 23:25

Tusarsimavunga nalautaijut oᴋausinginik, saglovlutik nalautaijut attimne, oᴋarlutik: Sinnaktomalauᴋpunga, sinnaktomalauᴋpunga.

Jeremia 23:34

Nalautaijorle, ajoᴋertuijorlo, inuillo oᴋartut: Nâlekab Nâlekab inerterijutauᴋojanganik! Inuk taimna iglomioᴋatingillo sugiaromavakka.

Jeremia 28:15

Nalautaijublo Jeremiab nalautaijoᴋ Hannania oᴋautivâ: Tusalerit Hannania; Nâlakab tililaungilâtit; inuillo ukkua sungertuteᴋartipatit saglonermik.

Hesekiel 13:23

Taimaimat mattoma kingorngane takotitjutinik uivêrinartunik takojungnailârpose saglonerniglo nelautaijungnailuse: inuᴋotikkalo piulijomavakka aggapsingnit; ᴋaujijuksaulârposelo uvanga Nâlegaugama.

Hesekiel 14:9

Nelautaijorlo uivêrijaulerpat oᴋautsimiglo oᴋarune, tagva uvanga Nâlegaᴋ nelautaijoᴋ tâmna uivêrilaukpara, aggakkalo issagomavakka tâpsomunga, pêjaromavaralo inuᴋotima Israêlitit akornganit.

Hesekiel 43:7

Oᴋautivângalo: Inûb erninga, tamanna tagga iksivautaᴋsoarma ininga, itikamalo alungita iningat, inigitsainaromârtara Israêlib ᴋitorngangita akorngane issoᴋangitomut; Israêliblo ᴋitorngangita attera ivsornaitoᴋ ivsornartitsungnairomârpât kingorngane, tâpkoalônêt ataningitalônêt, assiniarnermingnut atanermiglônêt timevininginut poᴋtonermingne;

Mattêuse 10:37

Atâtaminik anânaminiglônêt uvamnit naglingnersak, illaᴋarniangilak uvamnik. Ernerminiglo paningminiglo uvamnit naglingnersak, illaᴋarniangilak uvamnik.

Lukase 14:26

Uvamnut tikitub, atâtane, anânanelo, nulianelo, ᴋitornganelo, ᴋatangutinelo, nangminerlo inôtsine ômigingipagit, tâmna ilinniartigijungnangilara.

II Korintemiunut 5:16

Mânamit tagva kinamik illitarsingilagut uviningmit; Kristûse illitarilauralloaraptigo uviningme, mâna taimâk illitarijungnairpavut.

Deuteronomy 18:20

Nelautaijorle iktoriktaivlune oᴋauseᴋartok atimne, oᴋautauᴋolungitamnik tâpsomunga, Gûdillônêt assima atingane oᴋartok, nelautaijok tâmna toᴋojuksauvok.

Deuteronomy 33:9

Tâmna atâtane anânanelo pivlugik oᴋarpok: Takungilâka; ᴋatangutinelo ilitaringilait, ᴋitornganelo ᴋaujimangilait; tâpkoa oᴋautsitit maliluarpait, angerᴋatigêngnerijallo serᴋomitailivât.