Saggaria 13:2 - Labrador Inuttitut Heritage Bible

² Pijomârporlo uvlorme tâpsomane, oᴋarpok Nâlegak Zebaot, kipisijomârama gudingoat atinginik nunamit, erᴋaumajaujungnairomârpullo; nalautaijullo anernerlo ivsornartok aulartitsomârpakka nunamit.

Saggaria 13:2 Iomraidhean Croise

I Atannit 22:22

Tamna oᴋarpok, aularomavunga, annerniojomalungalo nellagôngitok taipsoma nellautaijoᴋotingita ᴋaningine ilûnnaine. Tamnalo oᴋarpok: Igvit tillioraksarivat, sullidlarniarpotillo, aularit taimailiorlutillo.

Imgerut 16:4

Taipkoa assianik pinasuartut, âniaᴋarniarput unnuktunnik; tunnergutingenik imiksamik aungôjomik tunnijijomalungilanga, attingillonêt taijomalungilakka ᴋannimnut.

Exodus 22:13

Alliktortaukpat âliuk nalonaijautigivlugo, alliktortarlo tauksitaurᴋojaksaringilâ.

Exodus 23:13

Tamaitalo oᴋauserijakka ilipsingnut nâlaksigik: gûdillo asima atingit erᴋaumaniarasigik, ᴋanernillônêt tusartauniaratik.

Jesaiase 2:18

Gûdingoalle illũnatik nungutaujomârput.

Jesaiase 2:20

Tamannale pilerpat, inuit Gûdingoaᴋotitik silbereojut goldeojullo, sannajatik tuksiarviorᴋovlugit, egitsomârpait terrianiangajunut inalukanullo,

Jeremia 29:23

Silainartomik piniarmanik Israêleme, assiniarmaniglo inôᴋatimik nulianginut, saglovlutiglo oᴋâlamanik attimne, uvamnut perᴋojaungitunik, uvangalo ᴋaujimajôvunga kigligiutjijôvungalo, oᴋarpoᴋ Nâlagaᴋ.

Hesekiel 12:24

Piungitunik takotitjuteᴋarungnairomârmat, uivêrinartuniglo nelautainerluktoᴋarungnailârmat Israêlib ᴋitorngangita akorngane.

Hesekiel 13:23

Taimaimat mattoma kingorngane takotitjutinik uivêrinartunik takojungnailârpose saglonerniglo nelautaijungnailuse: inuᴋotikkalo piulijomavakka aggapsingnit; ᴋaujijuksaulârposelo uvanga Nâlegaugama.

Hesekiel 14:9

Nelautaijorlo uivêrijaulerpat oᴋautsimiglo oᴋarune, tagva uvanga Nâlegaᴋ nelautaijoᴋ tâmna uivêrilaukpara, aggakkalo issagomavakka tâpsomunga, pêjaromavaralo inuᴋotima Israêlitit akornganit.

Hesekiel 30:13

Imâk oᴋarpoᴋ Nâlegaᴋ Nâlegaujoᴋ: gudingoattauᴋ asseroromârpakka, gudingoaliarimajullo Nôfemetut sorairtitsomârlugit; kingorngane angajoᴋâᴋsoaᴋarungnairtuksauvoᴋ Egiptenemit pijomik; nunamelo Egipteneme sivôraneᴋaromârpoᴋ.

Hesekiel 36:25

Serparsarvigijomârpapselo imermik ivsornaitomik ivsornailârpose tagva; salumainipsingnit tamainit, gudingoapsingnillo tamainit epᴋêjaromârpapse.

Hesekiel 36:29

Piulijomârpapselo salumainerijapsingnit tamainit, ᴋaᴋᴋôjaksallo perorᴋojomârpakka unuksitilugillo, tikitauᴋojomângilapselo kângnartomut.

Hesekiel 37:23

Ivsornartitsomângilallo nangminermingnik kingorngane gudingoaᴋotimingnut, piniarnernullônêt maᴋojungnartunut, tapanerijamiglônêt nelianut; piulijomârpakkale inigijanginit tamainit idluitulivigilauᴋtanginit, ivsornaititsomârpakkalo: taimaglo inuᴋutaujomârput uvamnut, Gudeojomârpungalo tâpkonunga.

Hesekiel 43:7

Oᴋautivângalo: Inûb erninga, tamanna tagga iksivautaᴋsoarma ininga, itikamalo alungita iningat, inigitsainaromârtara Israêlib ᴋitorngangita akorngane issoᴋangitomut; Israêliblo ᴋitorngangita attera ivsornaitoᴋ ivsornartitsungnairomârpât kingorngane, tâpkoalônêt ataningitalônêt, assiniarnermingnut atanermiglônêt timevininginut poᴋtonermingne;

Hesekiel 6:6

Nunagijapsingne tamaine iglugasaksuit asserortaujomârput, poᴋtoniselo ᴋemaktaujomârput; tunerguserviksase asserortauᴋovlugit ᴋemaktauᴋovlugillo, gudingoaliarimajaselo serᴋomitauᴋovlugit pijungnaiᴋovlugillo, seᴋinermullo napartitase nakkatauᴋovlugit, suliarimajaselo nungutauᴋovlugit.

Hosea 14:8

Efraim oᴋalârpoᴋ: Gudingoat suksarivigît sullê? Uvanga kiolauᴋpunga, kamagijomavaralo; ᴋeblariktotut tungujortatut ipunga; uvamne paungatit nagvârtaujuksauvut.

Hosea 2:17

Baalit attingit pêjaromagapkit ᴋaninganit, attingitigut erᴋaumajaujungnairomârmatta.

Hosea 2:19

Nuliarijomavagillo nâksaungitomut; ilâ, nuliarijomavagit idluarnerme, erᴋartuitsiarnermelo, naglingnermelo, nâpkiningnermelo.

Migga 2:11

Inuk saglojomik anernelik saglovlune oᴋarpat: Nalautaivigijomavagit vainemik imiksamiglo pitsartujomik; tâmna ilâ nalautaijôlârpoᴋ inungnut ukkununga.

Sefania 2:11

Nâlegak erᴋsinadlaromârpok tâpkonunga, nuname Gûdeojut ilûnaita perlertitsomârmagit; opigijaksarivâllo inuit, ilûnatik inimingnit, ilâ, inôᴋatigêksuit ilûnatik kiglingit.

Mattêuse 12:43

Anernek idluitok inungmit anigame, ingergavok sunaᴋangitokut, merngoerserviksarsiorlune, nagvâranalo.

Mattêuse 7:15

Ulloreasugitse nalautainerluktunik; taipkoa saugat aminginik annorâᴋardlutik tikipâse; ilumikulle amarôvut kêsuktoksuit.

Lukase 11:20

Sâtanasit Gûdib aggangitigut anitikupkit, Gûdib nâlegauvingata tagva tikipâse.

Deuteronomy 12:3

Tunerguservingillo oggotitaksarivase, napajoliarimajangillo naviklugit, napârtoᴋotingillo ikomamut nungulugit; inungoaliarimajangillo Gûdigijomavlugit nablorsigik; atingillo pêjaraksarivase nunamit tâpsomangat.

Deuteronomy 18:20

Nelautaijorle iktoriktaivlune oᴋauseᴋartok atimne, oᴋautauᴋolungitamnik tâpsomunga, Gûdillônêt assima atingane oᴋartok, nelautaijok tâmna toᴋojuksauvok.

Josua 23:7

Inuᴋattigêt amiakojut makkoa illipsingnetut akkornganut piᴋonase; issumaksarsiorᴋonaselo angerᴋonaselo Gudingoata attingine, kivgartorᴋonaselonêt tapkoninga, tuksiarviginagillonêt.

Takotitaunermik 18:2

Aksororlunelo nipliavok nippersoarmut oᴋarlune: Ochomavok, ochomavok Babilône angijoksoak, iniksauvlunelo Sâtanasinut, iterviksauvlunelo anernernut maᴋojungnartunut tamainut, iterviksauvlunelo tingmitjanut ivsornartunut erᴋsinartunullo tamainut.

Takotitaunermik 19:20

Nergjut tagva tigujauvok, tâmnalo illagilugo nelautaijok nelangaitok, tâpsoma takoane tatamnartulidlalauktok, tamakkonunga tamartilaungmagit nergjutsûb nelunaikutanganik tigusimajut, adsingoanganiglo tuksiarveᴋalauktut; tâpkoa magguk ômavlutik egitauvuk ᴋôrᴋumut orᴋsorutelingmik ikomaᴋsoalingmut.