Saggaria 11:9 - Labrador Inuttitut Heritage Bible

⁹ Oᴋarpunga tagva: Nerripᴋaromangilapse: toᴋolertok toᴋole; tamaromajullo tamarlit; amiakôjullo atunit nerrilit asimik uvininginik.

Saggaria 11:9 Iomraidhean Croise

Jeremia 19:9

Nerrititsomârpakkalo ernermik uvininginik paningmiglo uvininginik, ilûnatiglo nerrijomârput ilanârijamik uvininginik, ilumajaunerme siorniornartunalo, ômigijingita inôsingitalo pinasuartingita siorniortitsiningine tâpkoninga.

Jeremia 23:33

Inuillo ukkua, nalautaijûblônêt ajoᴋertuijûblônêt aperikpatit, oᴋarlutik: Sunauvâ Nâlakab inerterijutauᴋojanga? tagva oᴋarvigijaksarivatit: Inerterijutauᴋojanga imaipoᴋ: Allaromavapse, oᴋarpoᴋ Nâlagaᴋ.

Jeremia 23:39

Tamanna pivlugo, ahâk, puigoromamarikpapse; ilipselo iglugasaksuillo tunilauᴋtakka ilipsingnut atâtapsingnullo ajaktoromavapse najukamnit;

Jeremia 43:11

Tikituksauvorlo nunalo Egipten sâlagilugo; toᴋomullo pijuksat tunijaujomârput toᴋomut, aularutijaunermut pijuksat aularutijaunermut, saviksoarmullo pijuksat saviksoarmut.

Hesekiel 5:10

Taimaimat angajoᴋât nerrijomârput ᴋitorngamingnik ilingne, ᴋitorngallo nerrijomârput angajoᴋâmingnik; erᴋartuinikkalo piniaromavakka ilingne, amiakotillo tamaita siamartitsomârpakka anorinut tamainut.

Hosea 4:6

Inuᴋotikka asserortauvut ilisimaneᴋanginamik; ilisimaneᴋ ajaktorangne, uvangatauᴋ ajaktoromagivagit, uvamnut ajoᴋertuijôᴋonak; Gudivît perᴋojangit puigorangne, uvangatauᴋ puigoromagivunga ᴋitorngarnik.

Saggaria 13:8

Pijomârporlo nuname ilûnâne, oᴋarpok Nâlegak, avgoâk maggûk kipijaujomarmatta toᴋolutiglo, pingajuingille amiakôjomârput.

Mattêuse 15:14

Allarsigik! Tautungitôvut, tautungitullo tâpkoa tessiortigivait; tautungitub tautungiᴋatine tessioruniuk, tamarmik tâva itersamut katakpuk.

Mattêuse 21:19

Napârtomiglo paungatannaᴋarpaktomik apᴋosiniub saniane takkogame, nelipsarpâ; merᴋutuinalik takkogamiuk, oᴋautivâ: Mattoma kingorngane ilingne perortoᴋarniarungnaimarigle paunganik. Napârtorlo paungatannaᴋarpaktok panersârpok tagvainak.

Mattêuse 21:43

Tamanna pivlugo oᴋautivapse: Gûdib nâlegauvia aᴋsârnigaujomârpok ilipsingnit, tunijauvlunalo nalojunut paunganginik ᴋaitsijunut.

Johannese 12:35

Tagva Jêsusib oᴋautivait: ᴋaumajûb sulle anikitomik najorniarpâse. Arvertaritse, ᴋaumajomik najorteᴋartiluse, tâᴋtomut tikitaulerᴋonase. Tâktome arvertartok ᴋaujimangilak namut ainerminik.

Johannese 8:21

Tagva Jêsusib ama oᴋautivait: Aularniarpunga ᴋeneromârpapsingalo, toᴋoluselo ajornipsingne; aiviginiartara tikitsungnangilase.

Johannese 8:24

Taimâk toᴋojomârnipsingnik ajornipsingne oᴋautilaukpapse; toᴋojomârapse ajornipsingne, okpingikupse uvangaugama.

Takotitaunermik 22:11

Idluitomik piniartok idluitomik pitsainarle; ipektujorlo ipektutsainarle; idluartorle idluatsainarle, ivjornaitorlo ivjornaitsainarle!