Saggaria 11:3 - Labrador Inuttitut Heritage Bible

³ Mianersijut erinaluaᴋijut nipingit tusaksauvok; pinnarijangat aserortaungmat. Loevearait erinaluaᴋijut nipingat tusaksauvok, Jordanib pinnarsautigijanga aserortaungmat.

Saggaria 11:3 Iomraidhean Croise

Imgerut 22:21

Iᴋajunga Loevib torkluanit, piulilungalo tuktuvâluit nakjunginnit.

Jesaiase 5:29

Nipliadlarput loevititut, nipliavut loeviaraᴋtitut, kallingoarlutik aᴋsârnigarijatik tiguvait angerautivlugillo tigujiniktoᴋangilarlo.

Jesaiase 65:15

Attiselo ᴋemagomârpasse anerijamnut ôminautiksangortillugo, Nâlekab Gûdib toᴋotsomârmasse; kivganele atseraromârpait attermik assianik.

Jeremia 2:15

Loeviarait ᴋallingoarput tâpsomunga, ᴋuggudlarpullo; nunangallo asserorpât; iglugasaksoangit nungutauvut ikomamut, inuᴋarungnailutik.

Jeremia 2:30

Sulingitomik ᴋitorngase annausimavakka, nâlalaungilat sugiarnimnik; saviksoaᴋotise nungutsisimavut nalautaijoᴋotipsingnik, loevetut asseroijotut.

Jeremia 26:6

Tagva iglo tamanna ilingatitsomavara sorlo Sîlo ilingangmat, iglugasaksuillo tamakkoa ôminarsitiksangortitsomavakka inôᴋatigêksoarnut tamainut nunamêtunut.

Jeremia 49:19

Ahâk, loevetut majuaromârpoᴋ Jordanib supininganit iniksamut aulatjairtomut; tuavitomigle ᴋemâtitsomârpara tâpsomangat; annerijaujorlo angajoᴋângortitsomârpara tâpsomunga; kina uvaptun ingmât? Kia naliuneᴋarᴋojomavângâ? Kinaunâlo mianersijoᴋ sâmne nangertuksâᴋ?

Jeremia 50:44

Ahâk, majuaromârpoᴋ loevetut Jordanib kutjerninganit iniksamut sôngojomut; erinesulungale ᴋemâtitsomârpakka tâpsomangat; annerijaujorlo angajoᴋângortitsomârpara tâpsomunga; kina uvaptun ingmât? Kia naliuneᴋarᴋojomavângâ? kinauvâlo mianersijoᴋ sâmne nangerungnartôᴋ?

Jeremia 7:4

Sagloᴋattarnerit tatiginiarasigik, oᴋartut: Tamadja Nâlakab tempelinga, Nâlakab tempelinga, Nâlakab tempelinga.

Hesekiel 19:2

Oᴋarlutillo: Anânavit suna adsigivaûk? Loeve arnaᴋ; loevit akorngane aᴋopivoᴋ, piarᴋane sârliarpait loevearait akorngane.

Hosea 10:5

Samariamiut noggangoat Bet-avenemêtut oggorijomârpait, inungita kiksautigivât, ajoᴋertuijungitatauᴋ ᴋuviasuteᴋalauᴋtut tâpsominga, pinnarnarnerilauᴋtanga pêjartaungmat.

Joel 1:13

Kaigitse, poksajanik atisileritse, ogguarluselo, ilipse ajoᴋertuijose; ᴋeadlaritse, ilipse kivgartortose tunerguservingme; ᴋaigitse, poksajanik atisimavluse, inangagitse unnuaᴋ nâvlugo, ilipse kivgartortose Gudimnik; senaugaᴋ tunergutiksaᴋ, tunergutiksarlo imiksaᴋ ᴋaitaujungnairmatta Gudipse iglunganut.

Amos 8:8

Tamanna pivlugo nuna sajukpilâdlartuksaungilâk? Ilûnatiglo tagvane nunalit kiksartuksaungilât? Ilâ, kôksoatut kutjilârpok; kôktoᴋsôlivlune kôkilivlunelo Egiptenib kôksoangatut.

Sefania 1:10

Uvlormelo tâpsomane ᴋôrᴋsudlartut nippingit tusaksaujomârput itertarvingmit aulasagatalingmit, oᴋarpok Nâlegak, erinaluaᴋinermiglo iglunit allerpânit, kataᴋallânermiglo ᴋakᴋanit.

Sefania 3:11

Uvlorme tâpsomane kangusûtiginiangilatit piniarnitit tamaita, idluitulinerijatit uvamnut: taipsomane ilupsingnit pêjaromârapkit piojorinerit pingijaitoksônerillo, kingornganelo pingijaijungnairomârpotit ᴋaᴋaᴋotimne ivsornaitome.

Sefania 3:3

Angajoᴋâᴋsuit tâpkonanêtut loeveovut ᴋalingoartut; idluarsaijungit amarôvut unuksiortut; piksaᴋumitârilungilat.

Saggaria 11:2

Erinaluaᴋilerit, ᴋeblariktotit, sidere oggosimangmat, piojôjullo aserortaungmatta; erinaluaᴋileritse, Basanib napârtungit sôngojoksuit ilipse, napârtolik avaluliorsimajok ukpimat.

Saggaria 11:8

Mianersijullo pingasut kipipakka takᴋerme atauserme; ariulaurapkit, tâpkoalo tarningita ᴋuinagivânga.

Mattêuse 15:14

Allarsigik! Tautungitôvut, tautungitullo tâpkoa tessiortigivait; tautungitub tautungiᴋatine tessioruniuk, tamarmik tâva itersamut katakpuk.

Apostelit Piniarningit 7:52

Nalautaijut nalît atâtagijapsingnut unangmijaulaungilât, toᴋotaulaungilâllô? Sivorngagut oᴋâlalauktut idluartub tâpsoma tikitsomârninganik! mâna tâpsominga pititsijungolaurivose inuartungolapselo.