8 Uvingiartoromârpakka, katersorlugillo; piuligapkit; unuksivaliajomârpullo sorlo unuksilaungmatta.
Judakulle Israelitillo taimâk unuktigijôlaukput siorᴋatitut imarbiksub siksanganêtutitut, nerrivullo, immerlutiglo, serridlalaularmiglo.
Israêlikut, kinguvâktâᴋatarlutik pivallialerput unuksivallialutiglo angijororpalliadlarlutiglo; nunalo nâmavât tâpkoa.
Idluitullinitit pêjarpakka nuvujatut (tiktautillugit) ajortullinitillo pujortut. Sâviginga, piuligapkit.
Aularitse Bâbelemit! ᴋemâtitse Kaldêarinit, nertordlerutiksanik imgerluse! Tamanna oᴋautigisiuk tussartautillugolo ᴋaujijautillugolo sillaᴋsûb issua tikkidlugo! Oᴋaritse: Nâlekab kivgane Jâko piulivâ.
Saimaseromârpoᴋ kattilerutiksaujomik nallojunut ungasiktomẽtunut, taipkoalo ᴋairᴋojomârpait nunaᴋsûb kiglinganit. Ahâglo, tuavidlarlutik akpangeromârput ômunga.
Nâlekablo uttertitangit uttileromârput, Zionemulle tikkitsomârput iggiaᴋomijarlutik, ᴋuviasungnerub nâksaungitub ᴋollangiaromârpait, ᴋuviasungnerub serrinerublo tikkitsomârpait, kiksarnerlo anersauminerlo ᴋemâjomârpuk.
Nalliutome taipsomane Nâlegaᴋ kôkoviaromârpoᴋ, niviuvait Egiptenib kôksoangata issuanẽtut igupsaujârtullo Assiriab nunanganẽtut ᴋairᴋovlugit.
Tagva tikkitsomârput illũnamatsiatiglo ᴋikkaromârput kôrune sivinganariktune ᴋairtullo ᴋongnângine ukpiganelo kakkilautilingne tamaine iviksukatalingnelo tamaine.
Sorlo ᴋilaub katimgajoᴋsoaᴋotingit kititaujungnangimatta, sorlolo imarbiub siorangit ôktortaujungnangimatta; taimak unuksititsomârivakka kivgama Dâvidib kinguvângit, Levikullo kivgartortut uvamnik.
Israêlib ᴋitorngangit imarbiub siorangititut ôktortaujungnangitutitut kititaujungnangitutitullo unuktigijomârmatta, pijomârporle, inine oᴋautijauvigilauᴋtangine: Inuᴋutaulungilase uvamnut; tagvane oᴋautijaujomârput: Kitorngauvose Gudemut ômatsainartomut.
Katersoromarpapse ilûnase, Jâko; katersoromârpakka Israêlib amiakungit; katersoromârpakka saukatitut Bosrame; katimgajutitut nerrinasugvingmingnêtutitut pervaludlaromârput inuit unuktovaksôningit maliklugit.
Igvillo ômât, auk ilingnut angerutaulauktok pitjutigilugo parngnanairsortaumajoᴋotitit aulartitsomârpakka itsarmit imeᴋangitomit.
ᴋaititse uvamnut tamapse, ajulertose kappiasuktoselo, nakoᴋsititsomavapse.
Anernerlo nuliaksarlo oᴋarpuk: ᴋait! Tamatttomingalo tussartok oᴋarle: ᴋait! Imeruktorlo ᴋaile, pijomajorlo imermik ômanartomik pile akkeᴋangitomik.
Mattoma kingorngane takogivunga, ahâglo, inugasaksoarnik kititaujungnangitunik kimut, nelojunit tamainit, inugasaksoarnillo, ingmigôlingajuniglo oᴋauselingnit, iksivautaᴋsûb sângane nangertunik, Saugârsûblo sângane, annorârsimajunik ᴋaᴋortanik, aggangmingnelo Palminik tigumiarlutik.