Saggaria 10:6 - Labrador Inuttitut Heritage Bible

⁶ Jûdablo ᴋitorngangit pitsartutitsomârpakka, Josefiblo ᴋitorngangit piulijomârpakka, iniksaᴋartitsomârivakkalo, nâpkigijomârapkit; ajaktortaumalaungitutitullo îtsomârivut; Nâlegauvlunga Gudeovunga tâpkonunga, tusaromârpakkalo.

Saggaria 10:6 Iomraidhean Croise

Saggaria 13:9

Pingajuingillo ikomakôrtitsomârpakka, sujungaititsomârpakkalo, sorlo silbere sujungaititaungmat, nautsertoromârpakkalo, sorlo golde nautsertortaungmat: atera ᴋaigarsugvigijomârpât, tusaromârpakkalo; oᴋaromârpunga: Tamadja inuᴋotigijakka; tâpkoalo oᴋaromârput: Nâlegak Gudigivara.

Saggaria 10:12

Pitsartutitsomârpakkalo Nâlekame; ingeraromârpullo tâpsoma atingane, oᴋarpok Nâlegak.

Jeremia 3:18

Naliutome tâpsomane Judab ᴋitorngangit aijomârput Israêlib ᴋitornganginut, tikiᴋatigêgomârpullo nunamit avanêtomit nunamut kingormgutijaksautilauᴋtamnut atâtagilauᴋtapsingnut.

Saggaria 8:11

Mânale inuit makkoa amiakunginut ilinganialungilanga sorlo uvlune sivorlerne ilingalaurama, oᴋarpok Nâlegak Zebaot.

Hosea 1:11

Judablo ᴋitorngangit Israêliblo ᴋitorngangit katijomârput, ingmingnullo atauseᴋ nâlegangortitsomârpât, majoraromârpullo nunamit, Jesreelib uvluksanga angijodlaromârmat.

Hesekiel 36:37

Imâk oᴋarpoᴋ Nâlegaᴋ Nâlegaujoᴋ: Mattominga sulle ᴋenuviojomârpunga Israêlib ᴋitornganginut, taimailiorvigivlugit piᴋovlunga; inungit unuksititsomârpakka sorlo saukat.

Jesaiase 41:10

Sivoraniarnak, uvanga illagigamga; nangiarniarnak, uvanga Gûdigigamga. Pitsartutipagit ikajorlutillo, illa serngnigivagit tallerpimnut idluarsaijomut.

Migga 7:16

Inôᴋatigêksuit takolârput, pitsartunitiglo tamât kangusûtigilugit; ᴋanitik matulârpait aggangmingnut, siutingillo tusângitôjomârput.

Migga 5:8

Jâkoblo amiakungit ilingalârput nunaᴋatigêksuit akorngane inôᴋatigêksuillo unuktut akorngane loevetut nergjutit napârtolingmêtut akorngane, loevearaᴋtullo saukat katimgajut akorngane; apᴋutigijarangamigit tullerajârivoᴋ aliktuilunelo, saputsijuksaᴋangilarlo.

Migga 4:13

Nikovigit katijuklutillo, Zionib paninga; nakjut kikiangortitsomârapko, itikatillo ᴋaᴋorlingordlugit; inôᴋatigêksuillo unuktut serᴋalilârpatit, akluiningillo ilingatilârpatit Nâlekamut, perᴋutingillo silaksûb ilûnangata Nâleganganut.

Hosea 2:23

Tâmnalo karngasoromârpara uvamnut nuname; tâmnalo nâpkigijaulaungitoᴋ nâpkigijomârpara; ipkoalo inuᴋutaulaungitut uvamnut oᴋautitsomârpakka: Inuᴋotigivapse; tâpkoalo oᴋaromârput: Gudigivaptigit.

Jesaiase 14:1

Nalekab Jâko nâpkigijomârpâ, Israêle aneriluarlugo, âtillugik nunangangnut. Takkorngartallo tikkitsomârput, Jâkokkunut kattimgajomavlutik.

Hesekiel 39:25

Tamanna pivlugo imâk oᴋarpoᴋ Nâlegaᴋ Nâlegaujoᴋ: Mâna Jâkob aularutijauninga utertitsomârpara, Israêliblo ᴋitorngangit ilûnaita nâpkigijomarpakka; ateralo ivsornaitoᴋ ilungertûtigijomârpara.

Hesekiel 37:16

Igvillo, inûb erninga, ajaupiamik atautsimik tigusilerit, aglagvigilugolo: Judab pinga, Israêliblo ᴋitorngangita tâpsoma ilagijangita pingat, ajaupiamiglo tâpsoma assianik tigusigit aglagvigilugolo: Josefib pinga, Efraimib ajaupianga, Israêliblo ᴋitorngangita ilûnatik tapsoma ilagijangita pingat:

Hesekiel 36:11

Inuillo nergjutillo unuksititsomârpakka ilipsingne, unuksijomârput kinguvâksatârlutiglo; inigijaujomârposelo sorlo sivornganetut, ajungituliviginersarijomârpapse sivornganenit; ᴋaujijuksaulârposelo uvangaugama Nâlegaᴋ.

Jeremia 31:31

Ahâk, uvlut naliutijomârput, oᴋarpoᴋ Nâlagaᴋ, tagva Israêlikut Judakullo angiᴋatigijomavakka;

Jeremia 31:20

Efraim ernerivigo erdlingnartôᴋ? Kitorngauvâ ᴋuvianartôᴋ? Suadlarlugo oᴋarvigijarangapko, sulle nagligilugo erᴋaumavara; tamanna pivlugo iluga aulavoᴋ tâmna pivlugo; nâpkigijomadlarpara ila, oᴋarpoᴋ Nâlagaᴋ.

Jeremia 31:1

Naliutome taipsomane, oᴋarpoᴋ Nâlagaᴋ, Gudigijomârpânga Israêlib kinguvârêngita ilûnatik, uvangalo inuᴋutigijomârpakka.

Jeremia 30:18

Imâk oᴋarpoᴋ Nâlagaᴋ: Ahâk, Jâkob tuppingit aularutijaujut utertitsomârpakka, innigijangillo nâpkigijomârpakka; iglugasaksuillo ᴋarmaᴋalârput ᴋaᴋᴋârulangmingne, igloᴋsoarlo takojaujomârpok innigilauᴋtamine.

Jeremia 23:6

Tâpsoma uvlungane Juda piulijaujomârpoᴋ, Israêlelo terliklune nunaᴋaromârpoᴋ, tamannalo attinga atserartautiginiartanga: Nâlagaᴋ idluarsijutigijavut.

Imgerut 89:21

Aggakka soᴋᴋosijuilutik tâpsomanêtuksauvut tallermalo pitsartutitaksarivâ.

Migga 4:6

Uvlorme tâpsomane, oᴋarpoᴋ Nâlegaᴋ, tusiaktut katersoromârpakka, ajaktortaujullo pikaluktakkalo katititsomârpakka;

Obadia 1:18

Jâkoblo ᴋitorngangitaumaujomârput, Jôsefiblo ᴋitorngangit ikomaujomârput, Esauiblo ᴋitorngangit iviub kipakungititut ilârput, amiakoᴋaromângilarlo Esauib ᴋitornganginit; Nâlekab tamanna oᴋautigingmago.

Hosea 1:7

Judable ᴋitorngangit nâpkigijomavakka, Nâlekamullo Gudinganut piulijomavakka, piulijomangilakkalo pitiksimut, saviksoarmullônêt, unatarnermullônêt, horsenullônêt, horsenelônêt ablângajunut.

Jesaiase 11:12

Saimaseromârporlo kattilerutiksaujunik nallojunut, unangmijaujullo Israêlitit kattititsomârpait, siamanggajullo Jûdamiut kattersoromârpait nuaᴋsûb kiglinginit sittamanit.

Jesaiase 54:4

Sivoraniarnak, kangusuktitauniatsanginavit; illerasungniarnak, kangusungniatsanginavit; uigasûnivit kangusûtigijanga puigoromârpat uigarnionivillo kangunarninga erᴋaumajungnairomârpat.

Jesaiase 54:8

Kanningaumajârnermut tikkitauvlunga sivikitomik kenara ijerpara illingnut, saimarsainermulle soraijuitomut nâpkigijomârivagit, oᴋarpoᴋ Nâlegaᴋ piulijit.

Saggaria 1:16

Tamanna pivlugo imâk oᴋarpok Nâlegak: Jerusalemut utilerivunga nâpkiningnelijarlunga; igluksara tagvane igloliortaujuksauvok, oᴋarpok Nâlegak Zebaot, noᴋakserpalaullo isivitaulârpok Jerusalemut.

Saggaria 9:16

Nâlekablo Gudingata piulijomârpait uvlorme tâpsomane inuᴋotigijamitut saugaᴋutaujutitut; niaᴋôtib ujarangititut îtsomârmatta, ᴋebleriklutik nunangane.

Jeremia 30:20

Kitorngangillo sivornganetut itsomârput, ilagêktungillo tungatitaujomârput sâmne, oᴋumaiksartitsijullo tâpkoninga pidlaromârpakka.

Hosea 14:9

Kina ilisimavâ, tamakkoa tukkisijungnarlugît? Issumagiktôvlune, tamakkoa ilitarilugît? Nâlekab apᴋotigijangit idluadlarmatta, idluartullo tâpkonane arvertartuksauvut; tapatojulle oggolârput tâpkonane.

Migga 5:3

Taimaimat tâpsoma tunijomârpait ernisuktoᴋ erniᴋârtinago; taipsomane ᴋatangutime amiakungit utilârput Israêlib ᴋitornganginut.