Saggaria 10:5 - Labrador Inuttitut Heritage Bible

⁵ Pitsartujoksoatutitullo îtsomârput, ômigijitik tullerarlugit aᴋilupiarme apᴋosineâlungnêtome unatarvingme; sorᴋsugomârpullo, Nâlekab ilagingmagit; ikimajullo horsinut ila ᴋemalârput.

Saggaria 10:5 Iomraidhean Croise

II Samuel 22:43

Toggarlugit serᴋallititsomavakka sannektitut nuname, allorluktitut apᴋosinerme serᴋallititsomavakka, siamartitsomalugillo.

II Samuel 22:8

Nuna sajukpilulaukpok, aulatitaulunelo, ᴋillaub tungavingit aulavut, sajukpilutiglo ningaumajartillugo.

II Atannit 9:33

Tamna oᴋarpok: Kattaktisiuk unnunga. Kattaktipâllo; aungalo serᴋerarpok iglub senneranganut horsinullo; tullerajarpâllo.

Imgerut 18:42

Toggarlugit serᴋalitipakka sanniktitut annoreme, pêjarpakka allorluktitut apᴋosinerme.

Imgerut 20:7

Ipkoa aksalloalingnik tattiksaᴋarput, ipkoalo horsinik; uvagulle Nâlekab Gûdipta attingannik.

Imgerut 33:16

Attanniub pitsartunersoarne ikajortigingila; innuk sôngojok piulijaulungilak pitsartunersoanganut.

Imgerut 44:5

Illikut ômigijivut toggarlugit serᴋalitsomavavut; atterne tullerlugit serᴋomitsomavavut akkerartortivut.

Imgerut 45:3

Saviksuit tapseruserutigiuk makkitikut angutaudlartotit, pinnanarsitilutillo ânanâmik;

Jesaiase 10:6

Tillijomavara nunaᴋatigênut nertornalungitunut, perᴋojomavaralo nunaᴋatigênut ningaumajutigijamnut, arᴋtaijaurᴋovlugit aᴋsârtaurᴋovlugillo tullerajartaurᴋovlugillo tâpsomunga aktalukutitut iglut akkornganne.

Jesaiase 25:10

Nâlekab aggangit ᴋaᴋᴋamik mattominga tupveᴋaromârput. Moabele tukkartaujomârpoᴋ attânut, sôrlo ivivinît tukkartauvangmatta annarvingmut.

Jesaiase 31:1

Kappianarmek attâlertut Egiptenemut ikajortaujomamut, horsit tattigivlugit, ᴋammutillo sungertûtigivlugit, unudlarmatta, sorsuktuksallo horselijartut, pitsartudlarmatta; ivlernartitorle Israêlikkune ârlorvigingilât Nâlegarlo apperᴋutiginago.

Jesaiase 41:12

Kenneromârpattit, nagvârnagillo inuit akkerartortut illingnut, suksaujungnairtitaujomârput nungutauvlutiglo inuit sorsuktut illingnut.

Jesaiase 41:25

Avangat ᴋairᴋojivunga, tikkiporlo seᴋinerub nuivianit attimnik opigosuktoᴋ. Attanerutsit tikkipait machaᴋtut illingatillugit, machaliortitut tukkartortotut machamik.

Jesaiase 8:9

Idluitullititse, nunaᴋatigêktose, serᴋomitaujomârpose. Tussaleritse, illũnase ungasiktome nunaᴋartose: parngnaileritse, serᴋomitaujomârpose — illa parngnaileritse, serᴋomitaujomârpose.

Hesekiel 38:15

Kaijomârpotillo inigijarnit taggapasiktomit, igvit, inugiartoᴋsuillo ilagijatit, ilûnatik ikimavlutik horsinut, katimgajoᴋsuit, sorᴋsuktoᴋsuillo sôngojut;

Amos 2:15

Pitiksimiglo atorpaktok nangerungnarniangilak; sukalidlartomiglo aᴋpangertok piuliniangilak nangminerminik; horsemelônêt ikimajok piuliniangilak nangminerminik;

Migga 5:8

Jâkoblo amiakungit ilingalârput nunaᴋatigêksuit akorngane inôᴋatigêksuillo unuktut akorngane loevetut nergjutit napârtolingmêtut akorngane, loevearaᴋtullo saukat katimgajut akorngane; apᴋutigijarangamigit tullerajârivoᴋ aliktuilunelo, saputsijuksaᴋangilarlo.

Migga 7:10

Tamannalo ômigijima takolârpâ, uliktaulârporlo kangusungnermut, uvamnut oᴋalauᴋtoᴋ: Nâlegaᴋ Gudît naûk? Ijingma takolârpâ, mânalo tullerajârtaulârpoᴋ sorlo aᴋilupik apᴋosinerme.

Haggai 2:22

Ataniovîllo iksivautaᴋsoangat oggotitsomârpara, inôᴋatigêksuillo ataniovingita pitsartuningit assiroromârpakka; ᴋamutillo aksaloalit unatautit oggotitsomârpakka, ikimajingillo; horsillo ikimajingillo oggotuksauvut, ilûnatik aipamik saviksoanginut.

Saggaria 12:4

Uvlorme tâpsomane, oᴋarpok Nâlegak, horsit ilûnaita ᴋaggaidlaromârpakka, ikimajungillo isumairutitilugit; ijîkkalo uitatitsomârpâka Jûdab ᴋitornganginut, inôᴋatigêksuillo horsingit tamaita annaujomârpakka tautugungnaitilugit.

Saggaria 12:8

Uvlorme tâpsomane Nâlekab Jerusalemiut serngnigilârpait; sukkôjullo tâpkoa akorngane Dâvidetut ilârput uvlorme tâpsomane; Dâvidekullo Gudetut îtsomârput, Nâlekab engelingatut tâpkoa sângine.

Saggaria 14:13

Pijomârporlo uvlorme tâpsomane pikablâdlartoᴋaromârmat Nâlekamit tâpkoa akorngane; ilûnatik atunit inôᴋatime aggangit tigumitoromârpait; aggangmingnullo sillugêgomârput.

Saggaria 14:3

Nâlegak tagva anijomârpok inôᴋatigêksuillo tâpkoa sorᴋsukvigilugit, taimak sorlo sorᴋsulaurame unatadlarnerub uvlungane.

Saggaria 9:13

Juda ᴋelugapko pitiksitut, Efraimelo noᴋaktigilugo; ernitillo, Zione, aulajârtitsomârpakka akkerartorᴋovlugit ernernik, Grîkenlande, pitsartujûblo saviksoangatut îtitsomârpagit.

Mattêuse 28:20

Ajoᴋertorsigiglo malerᴋovlugit tamainik perᴋojamnik ilipsingnut, Ahâglo, uvlut tamaita najutsainarniarpapse, silaksûb naggatânut.

Mattêuse 4:3

Oktortublo Sâtanasib tikipâ oᴋautivlugolo: Gûdib ernerikpatit, ujarᴋat ukkua oᴋautikit, ᴋakᴋôjaulerᴋovlugit.

Lukase 24:19

Aperivaglo: Sumîk? Kiovâk: Jêsuse Nazaremiok pivlugo, nalautaijôlauktoᴋ pitsartudlarlune, piniarnernut oᴋautsinullo, Gûdemelo inungnelo tamaine.

Apostelit Piniarningit 18:24

Jûdele Efêsusemut tikipok, Apollusemik atilik, Aleksandriame inûlertok angut oᴋaloriktoᴋ, aglangniglo ilisimatsiartok.

Apostelit Piniarningit 7:22

Môseselo ajoᴋertortaulerpok Egiptenemiut ilisimaninginik tamainik, pitsartudlalilarmelo oᴋautsinik piniarnerniglo.

II Korintemiunut 10:4

Sakkuvut sorsungnermut atortavut uviningmit pingimatta, pitsartûneliksôvulle Gûdib sângane ungalujijoᴋsuit asserorlugit.

Deuteronomy 20:1

Unatariartoruvit ômigijingnik, takolutillo horsenik, ᴋamutiniglo unatautinik, inungniglo unorᴋijarnik, erᴋsigijaksarilungilatit, Nâlegak Gûdît tikiutjijît nunamit Egiptenemit ilingnêngmat.

II Timôteusemut 4:17

Nâlekable nangeᴋatigivânga nakoksitilungalo, oᴋausek tamanna nâmaktomik oᴋautigijauᴋovlugo uvapkut, nalojullo ilûnatik tussaumavât. Piulijauvungalo Loevib sigguanit.

II Timôteusemut 4:7

Sorsulaukpunga ajungitomik sorsugiamik, arvertarnimnik nâmaksititsilaukpunga, okpernermêtsainalaukpunga.

Josua 10:14

Uvloᴋalaungilarlo adseᴋartomik ominga, sivorngagullonêt kingorngagullonêt, Nalekab nalegvianik angutib nippinganik; Nalegak sorsungmat Israelitit pivlugit.

Josua 10:42

Attanillo tapkoa, nunangit illaliudlugit salagivait attautsekut; Nalegak Israelib Gudinga sorsungmat Israelitit pivlugit.

Takotitaunermik 19:17

Engelemiglo takovunga seᴋinerme nangertomik; nippersoarmullo nipliadlarpok tingmitjanut ilûnainut ᴋilaub atâgut tingijunut oᴋarlune: ᴋaititse katimalerluse Gûdeviksôjub nerrimârvianut;

I Samuel 16:18

Tagva nukapitset tapkoa illangat kiovok, oᴋarlunelo: Ahâk, takkolaukpara Isaib Bethlehemiub erningita illangat, tamna nokakseralingmik attutsiarungnarpok, anguteôjok erᴋinaitok, sorsugungnartok, sillatôjorlo sunatuinarne, pinnarnartorlo, Nalekablo illagiva.