Saggaria 1:4 - Labrador Inuttitut Heritage Bible

⁴ Atâtapsetut îniarase, tâpkonunga nalautaijut sivorlit ᴋaigarsulaukput, oᴋarlutik: Imâk oᴋarpok Nâlegak Zebaot: Uteritse mâna apᴋotigijapsingnit idluitunit, piniarnipsingnillo idluitunit; tâpkoale tusângilat, nâlalungilallo uvamnik, oᴋarpok Nâlegak.

Saggaria 1:4 Iomraidhean Croise

II Kronika 30:6

Tagva akpangertut aivut, aglait attanniub angajoᴋaᴋotingitalo agganginit pijut, naksarlugit, Israelitit, Judakullo illunatik akkorngattigut, attanniublo perᴋojanga malliklugo oᴋarput: ᴋittorngaujose Israelemut, sâleritse Nalekamut, Abrahab, Isaakiblo Israeliblo Gudinganut; tagva tamna sâlerniarivok amiakojunut illipsingnit, ᴋemâlauktunut Assiriamiut attanningata agganginit;

II Kronika 30:7

Atâtagijapsetullo ᴋattangutigijapsetullo idluitullilauktutitut Nalekamut atâtagijamik Gudinganut, tunnilauktangititullo tamanna pivlugo asserornartomut, sorlo nangminek takkogapse, îniarase.

II Kronika 34:21

Nalegak apperiartorsiuk pivlunga, Israelitillo amiakungit pivlugit, Judakullo pivlugit, aglait nachvartaumajut pitjutigallugit; Nalekab ningarninga kovijaumajok uvaptingnut angijovaksôngmat, atâtagijapta Nalekab oᴋausingit mallilaungimagit, pinniartaililutik sorlo aglaksimangmat aglangne tapᴋonane.

Esra 9:7

Atâtagijapta nalliuninganit passijaksaudlalaukpogut uvlok tamanna tikkidlugo; idluitullinivullo pitjutigellugit uvagut, attannivullo, ajochertuijôvullo, tunnijaumavogut nunat attannertangita agganginut, saviksoarmut, parngnanairsimavingmullo, aksartaunermullo, kênaptalo kangusuktitauninginut, sorlo uvlorme tamattomane illingangmat.

Nehemia 9:16

Atâtagijavulle piojorilerlaukput, tappatolerlutiglo, Nâlelugatiglo perᴋojarnik.

Nehemia 9:26

Kissianele tappatolerlaukput, akkerartorpâtillo, Malligaksauᴋojattit egipait tunnumingnut, Nallautaijoᴋotitillo nakterpait, kigligiutsijut tapᴋonunga, salertuksaungmatta illingnut, oᴋarnerlutjilutiglo angijomik.

Nehemia 9:30

Igvillo jârit unnuktut nâvlugit ᴋenuêrsârvigilaukpattit, kigligiutsivioᴋolaukpâttillo annernermut, nallautaijoᴋotingnêtomut; ilaliorlaungilâlle siutimingnut. Tamana pivlugo tunnilaukpattit inuᴋattigêksuit nunanetut agganginut.

Imgerut 78:8

Atâtagijangititullo îlerᴋonagit, ᴋittorngarêngolauktutitut ᴋemaijut Nâlekamik, tappatojullo; ômatteᴋalaungitut soᴋᴋosijuitunik, anerneᴋalaungitullo nertornartomik ungajomik Gûdemik.

Jesaiase 31:6

Uttervigisiuk tâmna angijomik tunnutase, Israêlikkut illipse.

Jeremia 18:11

Taimaimat, attê, oᴋâlalerit Judamiunut Jerusalemiunullo, oᴋarlutit: Imâk Nâlagaᴋ oᴋarpoᴋ: Ahâk, âᴋiksoivunga idluitomik ilipsingnut, kajusimaneliorlungalo ilipse pivluse; uteritse mâna ilûnase atunit apᴋutipsingnit idluitunit, ilusiselo piniarniselo âᴋiksorlugit.

Jeremia 23:22

Nangilaurunigle kajusimavimne, inuᴋotikka tusartinajalauᴋpait oᴋausimnik, sâgiartinajarpaillo apᴋutigijanginit idluitunit, piniarnerijangitalo idluininginit.

Jeremia 25:8

Tamanna pivlugo imâk oᴋarpoᴋ Nâlagaᴋ Zebaot: Oᴋausikka tusaromalaunginapsigik,

Jeremia 26:5

Tusaromanagillo kivgama nalautaijut oᴋausingit tililauᴋtama ilipsingnut, makisaraivlunga tililugillo, tusaromalaungitasele.

Jeremia 3:12

Ailerit, oᴋautsillo tamakkoa oᴋâlautigikit, avunga sângavlutit, oᴋarlutillo: Uterittôᴋ, Israêle kingupiartortotit, Nâlagaᴋ oᴋarpoᴋ; ningarlunga takonâtsainaromangilagit, nâpkiniktôgama, Nâlagaᴋ oᴋarpoᴋ, soraijunangalo ningaumajâromangilanga.

Jeremia 3:14

Uteritsetôᴋ, ᴋitorngaujose kingupiartorsimajose, Nâlagaᴋ oᴋarpoᴋ, aipaujomagama ilipsingnut; katersoromagapse, atauseᴋ iglugasaksoarnit, magguglo ᴋitorngarênit, tikiutitsomavapselo Zionemut:

Jeremia 35:15

Kivgakkalo nalautaijut ilûnatik tiligivakka ilipsingnut, makisaraivlunga tililugillo, oᴋarᴋovlugit: Sâgiaritsetoᴋ ilûnase atunit apᴋotigijapsingnit idluitunit piniarniselo âᴋiksorsigiᴋ Gudiblo assingit malingniarasigik kivgartoromavlugit, tagva nunaᴋaromârpose nuname tunijamne ilipsingnut atâtapsingnullo; siutisele manilungilase, nâlalungilapsingalônêt.

Jeremia 4:1

Uteromaguvit, Israêle, Nâlagaᴋ oᴋarpoᴋ, utertuksauvotit uvamnut; maᴋojungnartulinitillo pêjaromagungne kênama sânganit, pêrniangilagit;

Jeremia 44:16

Oᴋauseᴋ oᴋautigijat uvaptingnut Nâlakab attingane pitjutigivlugo, nâlagomangilaptigit.

Hesekiel 14:6

Taimaimat Israêlib ᴋitorngangit oᴋautikit: Imâk oᴋarpoᴋ Nâlegaᴋ Nâlegaujoᴋ: Uteritse, allaivluselo gudingoapsingnik, kênaselo sangutisigik maᴋojungnartulinipsingnit tamainit.

Hesekiel 20:18

Sunaᴋajuitomelo ᴋitorngangit oᴋautivakka: Arvertarniarase atâtapse maligaksauᴋojangine, nâlengniaraselo perᴋojanginik, ivsornartiniaraselo ilipsingnik gudingoanginut;

Hesekiel 33:11

Oᴋautikit: Sorlo mikseᴋârtomik inôgama, oᴋarpoᴋ Nâlegaᴋ Nâlegaujoᴋ, idluitulijub toᴋunga ᴋuviagingilara; idluitulijorle sâgiangârune apᴋotigijaminit inôvlunelo: sâgiaritse, sâgiaritse apᴋotigijapsingnit idluitunit: sôᴋ toᴋojomavisê, ilipse Israelib ᴋitorngangît?

Hesekiel 33:4

Tagva neliat tusarune tiptulautib nipinganik, kamananelo, saviksoarlo tikipat pêjarlugolo, tagva tâpsoma aunga niaᴋominêtsomârpoᴋ.

Daniel 9:6

Nâlangilavullo kivgatit nalautaijut, attini oᴋâlajut ataniptingnut, angajoᴋâᴋsoarijaptingnullo, atâtagijaptingnullo, nunablo inunginut tamainut.

Hosea 14:1

Israele, utilaurit Nâlekamut Gudingnut, oggosimagavit idluinitit pivlugit.

Amos 5:24

Idluarsainerle kôlerle imektut, idluarnerlo kôksoatut.

Migga 2:6

Nalautaidlarase (oᴋarput): nalautaitsainarput. Nelautaijuksaungilat tâpkonunga; pasiklernerit sorairnialungilat.

Saggaria 1:3

Taimaimat oᴋautikit: Imâk oᴋarpok Nâlegak Zebaot: Uteritse uvamnut, oᴋarpok Nâlegak Zebaot, uvangalo uteromagivunga ilipsingnut, oᴋarpok Nâlegak Zebaot.

Saggaria 7:7

Tusaraksaringilasê oᴋautsit Nâlekab oᴋauserilauktangit nalautaijutigut sivorlitigut, Jerusalem inuktaᴋalaungmat pilluangongmattalo, iglugasaksuillo tâpsoma avatânêtut seᴋinerdlerlo naternangillo nunagijaulaungmattâ?

Apostelit Piniarningit 26:20

Oᴋâlavlungale sivorlermik Damaskusemêtunut Jerusalemêtunullo, ilûnainullo nuname Jûdêamêtunut, taimaktauk nalojunut, ᴋakialerᴋovlugit sâgiarᴋovlugillo Gûdemut ᴋaᴋialernerublo piniarᴋojanginik idluartunik piniarᴋovlugit.

Apostelit Piniarningit 3:19

Tagva mâna ᴋaᴋialeritse sâgiarluselo, ajornise pêjartauᴋovlugit.

I Pêtrusib 1:18

Kaujimavluse nunguniartomit silberemullônêt goldemullônêt piulijaunginapse piusekullupsingnit atâtanut adsiunipsingnit;