Saggaria 1:3 - Labrador Inuttitut Heritage Bible

³ Taimaimat oᴋautikit: Imâk oᴋarpok Nâlegak Zebaot: Uteritse uvamnut, oᴋarpok Nâlegak Zebaot, uvangalo uteromagivunga ilipsingnut, oᴋarpok Nâlegak Zebaot.

Saggaria 1:3 Iomraidhean Croise

II Kronika 15:2

Tamna annivok Assa pachreartorlugo, oᴋautilâlo: Nalaksinga, Assa Judamiôjoselo, Benjaminemiôjoselo illunase! Nalekab illagivâse, illipse illagigapsiuk; ᴋennerniarupsiuglo tagva nachvartauᴋoniarpok illipsingnut; allarniarupsiugle, tagva allarniarivâse.

II Kronika 15:4

Sagiaromârpattalo kappianartonermingne Nalekamut Israelib Gudinganut, ᴋenneromârpatsuglo, tagva nachvartauᴋoniarpok.

Nehemia 9:28

Merngoêrserviksaᴋalauruniglo mumiktilerput idluitullilutik sângne. Tagva ᴋemalaukpâttit omigijingita agganginut, atanniotiᴋovlugit tapᴋonunga. Tagva sâlerput nipliarlutiglo ilingnut; igvillo tussarlaukpâttit ᴋilangmit piuliᴋattarlugillo napᴋoarosuktoksônernut,

Hiobe 22:23

Sâlerniaruvit ajugaᴋangitomut, tagva sanajauniarpotit; idluinerlo ungasiktiniarpet iglungnit.

Jesaiase 31:6

Uttervigisiuk tâmna angijomik tunnutase, Israêlikkut illipse.

Jesaiase 44:22

Idluitullinitit pêjarpakka nuvujatut (tiktautillugit) ajortullinitillo pujortut. Sâviginga, piuligapkit.

Jeremia 12:15

Imaitsomârporlo: Nussuksimajarêrupkit, uteromârivunga nâpkigijomavlugillo; tikiutitsomalerivakkalo atunit kingormgutijaminut, atunillo nunaminut.

Jeremia 25:5

Oᴋarlutik: Sâgiaritse mâna ilûnase apᴋotigijapsingnit idluitunit, piniarnipselo idluininginit, nunaᴋaritselo nuname Nâlakab tunijangane ilipsingnut atâtagijapsingnullo itsarsoarmit issoᴋangitomullo;

Jeremia 3:1

Oᴋarpullo: Angut avigune nuliaminit, nuliangalo aularpat tâpsomangat assianiglo uiniklune, utilârivâ ama tâpsomungâ? Nuna tâmna ivsornartitaunajangilâᴋ?

Jeremia 3:22

Uteritsetôᴋ, ᴋitorngaujose kingupiartorsimajose, kingupiartornise inûlijomavakka. Ahâk, ᴋaivogut ilingnut, tagva igvit Nâlagauvotit Gudigivaptigillo.

Jeremia 35:15

Kivgakkalo nalautaijut ilûnatik tiligivakka ilipsingnut, makisaraivlunga tililugillo, oᴋarᴋovlugit: Sâgiaritsetoᴋ ilûnase atunit apᴋotigijapsingnit idluitunit piniarniselo âᴋiksorsigiᴋ Gudiblo assingit malingniarasigik kivgartoromavlugit, tagva nunaᴋaromârpose nuname tunijamne ilipsingnut atâtapsingnullo; siutisele manilungilase, nâlalungilapsingalônêt.

Jeremia 4:1

Uteromaguvit, Israêle, Nâlagaᴋ oᴋarpoᴋ, utertuksauvotit uvamnut; maᴋojungnartulinitillo pêjaromagungne kênama sânganit, pêrniangilagit;

Hesekiel 18:19

Oᴋasôngovosele: Suna pivlugo ernerub atâtame idluituliningit nangmalungilagît? Erneᴋ perᴋojat maliklugit idluartomiglo piniarune, perᴋojakkalo nâlegunigit piniarlugillo, inôjuksauvoᴋ.

Hesekiel 18:31

Tapanise tamaita tapanerimajase iperarsigik, ômatetâritselo anernetârluselo: sôᴋ toᴋojomavisê, ilipse Israêlib ᴋitorngangît?

Hesekiel 18:32

Toᴋolertûb toᴋunga ᴋuviaginginapko, oᴋarpoᴋ Nâlegaᴋ Nâlegaujoᴋ; taimaimat sâgiaritse inôᴋovluse.

Hesekiel 33:11

Oᴋautikit: Sorlo mikseᴋârtomik inôgama, oᴋarpoᴋ Nâlegaᴋ Nâlegaujoᴋ, idluitulijub toᴋunga ᴋuviagingilara; idluitulijorle sâgiangârune apᴋotigijaminit inôvlunelo: sâgiaritse, sâgiaritse apᴋotigijapsingnit idluitunit: sôᴋ toᴋojomavisê, ilipse Israelib ᴋitorngangît?

Hosea 14:1

Israele, utilaurit Nâlekamut Gudingnut, oggosimagavit idluinitit pivlugit.

Hosea 14:4

Kingupiartorsimaningit inûlijomavakka, ᴋunutuivlunga nagligijomavakka; ningarnera sangumat tâpsomangat.

Hosea 6:1

Kaileritse, Nâlekamut utilerta; tâpsoma aliktulauᴋpâtigut, tâpsomalo inûlilârpâtigut; tâpsoma annaulauᴋpâtigut, tâpsomalo mangipsertulârpâtigut.

Joel 2:12

Sullele, sulle, oᴋarpoᴋ Nâlegaᴋ, sâgiaritse uvamnut ômamut tamânut, nerritailivluse, ᴋeavluselo, kiksarluselo;

Mâlaki 3:7

Atâtapse uvlunginit aglât sanguvose maligaksauᴋojamnit, nâlengnagillo. Uteritse uvamnut, uvangalo uteromagivunga ilipsingnut, oᴋarpoᴋ Nâlegaᴋ Zebaot. Oᴋarposele: ᴋanoᴋ ilivluta utertuksauvitâ?