Saggaria 1:2 - Labrador Inuttitut Heritage Bible

² Nâlekab angijomik atâtagilauktase nâmaksingijutigilaukpait.

Saggaria 1:2 Iomraidhean Croise

II Atannit 22:19

Tamanna pivlugo, omattit auksititaulaungmat oᴋautsinut tussarlauktarnut, nikkanarsarlauravillo illingnik Nâlekab sângane, tussarlauravit oᴋauserilauktamnik, iglugasaksuit tamakkoa innungillo pitjutigillugit, asserortaujuksaungmatta, ominarsijaujuksaungmattalo, annoraᴋotitillo allilaurangne, kugviorlauravillo sâmne; tagva uvanga tussarlaurivara, Nâlegak oᴋarpok.

II Atannit 23:26

Sullele Nâlekab ningarnime ilunngertudlarninga, Judakunik ningarutijame, allarlungila, ningaksainerit tamaita pivlugit, Manassib ningaksaijutigijangit tapsominga.

Esra 9:13

Tamakkoalo tamaita tikkitautigijapta, pinniarniâluvut, passijaksaudlarnivullo pivlugit, kingorngane, igvit Gudivut pitlarnikinersarilaukpaptigut pijuksauniptingnit idluitullinivut pitjutigellugit, piulijauneᴋartilaukpaptigullo, sorlo mana imat.

Imgerut 60:1

Gude ajâktuilauktotit siamartitsilauktotillo uvaptingnik, ningalauktotillo, ama mannigortigut.

Jeremia 32:23

Tikipâllo pigilugolo; nippîlle nâlangilât, arvertalungilallônêt maligaksauᴋojarne; tamaita perᴋolauᴋtatit tâpkonunga piniaraksauᴋovlugit pinialungilait; tamanna pivlugo idluitoᴋ manna ilûnât tikitipat tâpkonunga;

Jeremia 44:6

Tamanna pivlugo ningaumajârnera ᴋaningaumajârneralo kovijauvuk, ikoâlalauᴋpuglo Judab iglugasaksoangine Jerusalemiblo apᴋosineâlungine; tâpkoalo asserortaumavut inuilangorlutiglo sorlo uvlome pingmatta.

Jeremiab Ogguarutigijangit 5:7

Atâtavut idluitulidlalaukput, itsungnaipullo; uvagullo idluituliningit erᴋsukpavut.

Hesekiel 22:31

Tamanna pivlugo ningaumajârnera ilivara tâpkonunga; nungutipakka ᴋaningaumajârnima ikomanganut: apᴋutingit ilivakka niaᴋunginut, oᴋarpoᴋ Nâlegaᴋ Nâlegaujoᴋ.

Hesekiel 8:18

Tamanna pivlugo uvangatauᴋ ningaumajârnerme piniaromavunga: ijîkka nâpkigosungniangilâk, uvangalo naiperᴋutigosungniangilanga; ᴋaigarsugaloaruniglo siutimnut nippenut angijunut, sulle tusaromangilakka.

Saggaria 1:15

Inôᴋatigêksuillo nipungajut angijomik nâmaksingijutigivakka: angijôngitomik nâmaksingilaurama, tâpkoa ikajorput nangminermingnik ajortomut.

Saggaria 7:12

Ilâ, ômatitik aligoᴋtut ilingatipait, tusarᴋonagit perᴋojanik oᴋautsiniglo Nâlekab Zebaotib tilijanginik anernermigut nalautaijutigut sivorlertutigut; tamanna pivlugo ningarnek angijok tikipok Nâlekamit Zebaotemit.

Saggaria 8:14

Imâk oᴋarmat Nâlegak Zebaot: Sorlo isumaᴋalaurama ajortomik piniarvigijomavluse, atâtapse ningarsarmanga, oᴋarpok Nâlegak Zebaot, annusingolaunginamalo;

Apostelit Piniarningit 7:52

Nalautaijut nalît atâtagijapsingnut unangmijaulaungilât, toᴋotaulaungilâllô? Sivorngagut oᴋâlalauktut idluartub tâpsoma tikitsomârninganik! mâna tâpsominga pititsijungolaurivose inuartungolapselo.