Saggaria 1:11 - Labrador Inuttitut Heritage Bible

¹¹ Tâpkoalo Nâlekab engelinga nangertok ikpigait tipitsiariktut akorngane kiovât, oᴋarlutiglo: Nuna ingerarvigilaukpavut utitarluta, ahâglo, nuna ilûnane nipungavok erᴋasungilarlo.

Saggaria 1:11 Iomraidhean Croise

Hiobe 1:7

Nâlegarle Sâtanasemut oᴋarpok: Nakit pivît? Sâtanasib Nâlegak kiovâ oᴋarlunelo: Nuna ingergavigilaukpara.

Imgerut 68:17

Gûdib aksalloaleᴋotingit, tausendit tausendertorlugit unnuktigijôvut; Nâlegak tâpkoa akkornganêpok Sinaimêtut ivsornaitome sorlo.

Jesaiase 14:7

Mãnale sillaᴋsoarmiut illũnatik merngoerserput ᴋikkarlutiglo; igiaᴋomijarput.

Daniel 10:20

Tagva oᴋarpoᴋ: Kaujimavêt tikitjutigijamnik ilingnût? Mâna utiromavunga Persiab angajoᴋâᴋsoanga sorᴋsugvigijomavlugo; aularumalo, ahâk, Griggit angajoᴋâᴋsoanga tikilârpoᴋ.

Saggaria 1:10

Angullo ukpigait tipitsiariktut akorngane kiovlune oᴋarpok: Makoangovut Nâlekab tilijangit arvertarᴋovlugit utitaᴋattarlutik nunakut.

Saggaria 1:15

Inôᴋatigêksuillo nipungajut angijomik nâmaksingijutigivakka: angijôngitomik nâmaksingilaurama, tâpkoa ikajorput nangminermingnik ajortomut.

Saggaria 1:8

Unnuarme takotitjutikut takovunga, ahâglo, angut ikimajok horsemut aupaluktamut, tâmnalo nangerpok ukpigait tipitsiariktut taggalinermêtut akorngane; tâpsomalo tunuane horseᴋarpok aupaluktanik, milaktaniglo, ᴋaᴋortaniglo.

Saggaria 6:7

Aupaluktalîglo aularpûk ingerarviksarsiorlutik utitaᴋattarlutik nuname; tâmnalo oᴋarpoᴋ: Aularitse, nuname utitaᴋattarluse. Tagva nuname utitaᴋattarput.

Mattêuse 13:41

Inûb Erningata Engeline tilijomârpait; taipkoalo sinaungajut tamaita idluitulijullo katitsomârpait.

Mattêuse 13:49

Taimaitsomârivok silaksûb naggatiksangane. Engelit avititsartoromârpait idluitut idluartunit,

Mattêuse 25:31

Inûble Erninga ânanaunermine tikikune, Engelit ajungitut tamaita illagilugit, iksivajomârpok iksivautamine ânanaunersoalingme.

I Tessalônikamiunut 5:3

Oᴋaromârpatta: Terlingnatuinarpoᴋ, sivôranartoᴋangilaᴋ; asserornartub tagva tagvainaᴋ tikidlaromârpait, sôrlo ânianartûb arnaᴋ ernisuktoᴋ tikidlarmago; ᴋemâjungnaromângilallo.

II Tessalônikamiunut 1:7

Ilipsele kappiasuktitaujose, merngoêrserviksaᴋaromârpose illagiluta, Nâlegaᴋ Jêsuse saᴋᴋijârtitauniarpat ᴋilangmit, Engeline pitsartujoᴋsuit illagilugit,

Takotitaunermik 1:1

Tamadja Jêsusib Kristûsib takotitangit, Gûdib tunijangit tâpsomunga, takotitjutigilugit kivgaminut, mânakut neliutuksat; tamakkoalo nalonailivait, Engeline tiligamiuk kivgaminut Johannesemut.