Ruth 4:1 - Labrador Inuttitut Heritage Bible

¹ Boase takpaungarpok itterviksoarmut, ingilunelo tagvane. Ahâglo kingormguijuksak taimna ᴋângermat, Boasib oᴋarᴋattigivâ oᴋarlunelo: ᴋailaurit, ingilutillo maunga, tamaungalônêt. ᴋailaukporlo ingilunelo.

Ruth 4:1 Iomraidhean Croise

Genesis 19:1

Engelik magguk taipkoa Sodomamut tikkipuk unnulertilugo, Lotele Sodomab itertarviksoangane iksivavoᴋ. Lotiblo takogamigik, nikovipoᴋ pagreartorlugik, nunamut okkolerlune.

Genesis 23:10

Efronelo iksivavoᴋ Hêtib ᴋitorngangita akorngane. Tagva Efronib Hêtitereojub Abraha kiovâ, Hêtib ᴋitorngangit tussartilugit, ilûnaita iglugasaksuit itertarviksoangagut itertut, oᴋarlunelo:

Genesis 34:20

Hemorelo erningalo Siggeme iglugasait itertarvianut tikkinamik, iglugasait inungit oᴋarvigivait oᴋarlutik:

II Samuel 15:2

Absalomelo taimak uvlâkut annijajovok, nangeriartorlunelo apᴋosiniub kiglinganut ittertârviub kannitanganut. Kinalo passiklerneᴋalaurangat, attanniub idluarsaivianut aijomalaurangat; Absalomib ᴋaiᴋova ingminut, oᴋarlunelo: Iglugasaksuit nallianit pivît? Tamnalo tagva oᴋalaukpat: Kivgait Israelib kinguvarêngita illanganit pivok;

II Kronika 18:9

Israelitillo attanningat, Josafatelo Judakut attanningat iksivavuk attunit iksivautaksoaᴋotimingne annorarsimavlutik attanneksiutinik, iksivavugle inneme Samariab itterviksoangata sillatanêtome; nallautaijullo illunatik nallautaivut tapᴋoa sângangne.

Hiobe 29:7

Annilaurama iglugasaksuit upᴋoaksoanginut, iksivautaralo âkiksortaukolaurapᴋo apᴋosinerme iglut akkorngane;

Hiobe 31:21

Aggakka aulalaukpakka illiarsuk akkerartorlugo, itterviksoarme illilertortaunasugilaurama?

Imgerut 69:12

Ittertarvingme iksivajut ᴋanneᴋadlarvigivânga, immerᴋattauvingnelo imgertigivânga.

Salomob Okâl 31:23

Uinga oᴋausionginarpok iglugasaksuit itterviksoangine nunaᴋattigêt angajoᴋâksoangit iksivaᴋattigikpagit.

Jesaiase 55:1

Atte, illũnase imeruktose, imermut ᴋaititse, kênaujaᴋangitoselo, ᴋaititse pissiniarluse nerrivluselo! Attê, ᴋaititse, vainemiglo immungmiglo pissiniaritse kênaujaᴋarase akkiliutiksaᴋaraselo.

Jeremia 32:10

Aglaillo nalonaijaijut aglavigilauᴋpakka attimnik nalonaikuserlugillo, kigligiutjijuksallo najûtiᴋovakka, kênaujallo kiktitautingne ôktorpakka.

Amos 5:15

Ajortok ômigisiuk, ajungitok ungagilugo, idluarsainerlo atortautisiuk itertarvingme; immaᴋâ Nâlekab, Gudib Zebaotib, Josefib amiakoa saimarsaivigijomârpait.

Saggaria 2:6

Atê, atê, ᴋemâgitse nunamit avanêtomit, oᴋarpok Nâlegak, siamartigapse sorlo ᴋilaub anoringit sitamat, oᴋarpok Nâlegak.

Deuteronomy 16:18

Idluarsaijunik aulatsijuksaniglo ilijijuksauvotit ilingnut itertarvingne tamaine Nâlekab tunijangane ilingnut, kinguvângoᴋatigêngnitit maliklugit; tâpkoalo idluarsainermut nelâgôrtomut inuit idluarsaraksarivait.

Deuteronomy 17:5

Tagva angut tâmna arnarlônêt tâmna ajortomik tamattominga piniartok anititaksarivat itertarvingnut, angutaukpallônêt arnaukpallônêt, ujarᴋanullo miloraksarivat, toᴋodlugo.

Deuteronomy 21:19

Atâtame anânamelo tigujaksarivâk âlugolo iglugasaksoaᴋotime angajoᴋânginut, najugangata itertarvianut;

Deuteronomy 25:7

Angutible tâpsoma idluaringipago sakkine nuliarilugo, tagva sakkia majorartuksauvok itertarvingmut angajoᴋaujunut, oᴋarlunelo: Ukkoara ᴋunuvok kinguvâksarsivlune ᴋatangutime atitsiarijanganik Israêleme, piniarvigijomangilângalo ukkoangojûb piniaraksarijanganik.

Josua 20:4

Kemâjorlo iglugasaksuit tapkoa illanganut nangertuksauvok sillatâne iglugasaksuit upkoaksoangata sângane, oᴋartuksaulunelo illinganerminik iglugasaksuit angajoᴋaunerôjungita sângane; tagvalo illallioraksarivât ingmingnut iglugasaksoarnut, inniksaᴋartilugolo, tagvane nunaᴋarᴋovlugo.

Ruth 3:12

Mânnalo miksekârtôvok, uvanga kingormguijôgama; Pittaᴋarporle atautsemik ᴋanninersaujomik uvamnit.

Ruth 3:18

Tamnale oᴋarpok: Innilangalerit panîk, Tukkisiᴋârtinak, ᴋanok illingajoᴋarniarnermik; angut tamna innilanganiangimat naggaserᴋârtinane tamattominga uvlome.