Numbers 9:6 - Labrador Inuttitut Heritage Bible

⁶ Inuᴋalauᴋporlo ivsornartitaujunik inuk toᴋungajoᴋ pivlugo, taimaimallo aularviksiorᴋataujungnangilat uvlorme tâpsomane; tâpkoalo Mosesib Aroniblo sânganôrput uvlorme tâpsomane.

Numbers 9:6 Iomraidhean Croise

Exodus 18:15

Mosesiblo sakinne oᴋautiva: Inuit unneᴋsiorvigingmanga unertutijaujomavlutik Gûdemik:

Exodus 18:19

Nipiga tusaruk mânna, ajoᴋertoromavagit, Gûdiblo ilagijomavâtit: Igvit inuit pivlugit sakᴋijârit Gûdib sângane, âtsijungnarᴋovlutit sujuksautigijanginik Gûdemut:

Exodus 18:26

Tâpkoalo inuit idluarsarpait naliutune tamaine: oᴋumaitut âpait Mosesemut, pijariakitulle tamaita nangminek idluarsaijutigivait.

Leviticus 21:11

Toᴋungajûblo timinganut itertuksaungilak, atâtanelônêt anânanelônêt pivlugo ivsornartituksaungilak nangminerminik;

Leviticus 24:11

Arnablo Israêlitiojûb erningata Atek oᴋarnilutigivâ mittautigilugolo; âpâlo Mosesemut. Anânangalo ateᴋarpok Selomitemik, Dibrib paninganik, kinguvârêt Danekut ilanganik.

Numbers 15:33

ᴋejungniglo katersijoᴋ naipitingita âpât Mosesemut Aronemullo ilagêktoᴋsoarnullo tamainut.

Numbers 19:11

Inuk toᴋungajûb timinganik aktoajoᴋ ivsornarniarpoᴋ uvlunik sevenenik;

Numbers 19:14

Tamadja maligaksaᴋ inuk inojungnaipat tuperme; ilûnatik itertut tupermut, tupermêtullo ilûnatik ivsornarniarput uvlunik sevenenik.

Numbers 19:16

Silamelo aktoajoᴋ toᴋotaumajomik saviksoarmut, ingminiglônêt toᴋolauᴋtomik, inûblônêt sauninganik, iluvermiglônêt, ivsornarniarpoᴋ uvlunik sevenenik.

Numbers 19:18

Inuglo ivsornaitoᴋ tigusiniarpoᴋ isupinik (ᴋesertutinik) missuklugillo imermut, serparsautigilugolo tupermut perᴋutinginullo, inungnullo tagvanêlauᴋtunut, tâpsomungalo aktoalauᴋtomut saunermik, toᴋotaujomiglônêt, ingminiglônêt toᴋolauᴋtomik, iluvermiglônêt;

Numbers 27:2

Nangerpullo Mosesib Eliasariblo ajoᴋertuijûb, angajoᴋâllo, ilagêktoᴋsuillo ilûnatik, sângane, ilagêktut tupingata upkoangane, oᴋarlutik:

Numbers 27:5

Mosesiblo tâpkoa pitjutigijangat âpâ Nâlekab sânganut.

Numbers 5:2

Israêlib ᴋitorngangit perᴋokit avitsiᴋovlugit tangmârvingmit kalaᴋadlartunik ilûnainik, ilûnainiglo ᴋanimaseâlulingnik assiniarnerub pitanganik, ilûnainiglo toᴋungajunut ivsornartitaujunik;

Numbers 9:7

Oᴋautilugiglo: Ivsornarpogut inuk toᴋungajoᴋ pivlugo; suna pivlugole agviartauvitâ tunitjiᴋataujungnarluta Nâlekab tunergusiarijaksanganik neliutome perᴋojaujome Israêlikut akornganê?

Johannese 18:28

Tagva Jêsuse aularutivât Kaifasemit iglûb kinglisiniarviub sânganut. Uvlângovorlo. Kiglisiniarvingmullo itingilat, ivjornaromanatik, saugârsugle aularviksiorutiksak nerrijomavlugo.