Numbers 9:13 - Labrador Inuttitut Heritage Bible

¹³ Inugle ivsornartitaungitoᴋ aularsimangitorlo uvloᴋsiorᴋatautailijorle uvloᴋsiorvingmik, tâmna avitaujuksauvoᴋ inôᴋatiminit; tunitjilaunginame Nâlekab tunergusiarijaksanganik neliutome perᴋojaujome, tâmna nangmartuksauvoᴋ idluinerminik.

Numbers 9:13 Iomraidhean Croise

Genesis 17:14

Angullo kippimaneᴋangitoᴋ kippijaungipat uviningme amingata nuvuagut tâpsoma tarninga pêjartaujomârpoᴋ inôᴋatiminit, angernera tappagingmago.

Exodus 12:15

Uvlut 7 nâvlugit ᴋakᴋôjaᴋtortuksauvose sêrnarsauteᴋangitunik; uvlorme sivorlerpâme sêrnarsaut iglupsingnit pêraksarivase; tagva uvlormit sivorlerpâmit uvlut 7ingat tikidlugo ᴋakᴋôjaktortok sêrnarsautelingmik, tarne tâmna avitaujuksauvok Israêlikunit.

Exodus 12:19

Uvlut 7 nâvlugit sêrnarsaut naipitaujuksaungilak iglupsingne; sêrnarsautelingmik nerrijub, tâpsoma tarninga avitaujuksauvok ilagênit Israêlikunit, takorngartaugunelônêt inûlersimajôgunelônêt nuname.

Exodus 12:47

Ilagêktut Israêlikut ilûnnatik taimailiortuksauvut.

Exodus 30:33

Nalliat akutsijok adsinganik, nallialônêt pititsijok tâpsoma ilanganik takorngartamut, avitaumariktuksauvok inôᴋatiminit.

Exodus 30:38

Nalliat taimailiortok adsinganik, naimajomavlugo, avitaumariktuksauvoᴋ inôᴋatiminit.

Hesekiel 23:49

Ilijivigilârpâselo kangunartulinipsingnik, gudingoapsingniglo akkiniartaujutigijomârpase: ᴋaujijuksauvoselo uvanga Nâlegaᴋ Nâlegaugama.

Leviticus 17:10

Inuillo naliat Israêlib ᴋitornganginit, ilagingitapselônêt akunapsingnêtut naliat auktortok; kênara sâtitsomavara tarnelingmut tâpsomunga auktortomut, avigomavaralo inôᴋatime akornganit.

Leviticus 17:4

ᴋaiᴋârnagolo ilagêktut tupingata upkoangata sânganut, tujutigijomavlugo Nâlekamut Nâlekab tupingata sângane; auk ilingatitauniarpok angutimut tâpsomunga; kovisilaukpok aungmik; angullo tâmna avitaujuksauvok inôᴋatime akornganit;

Leviticus 20:20

Angutiblo akkame angamelônêt nulianga tutikpago, akkame angamelônêt kangunarninga ulêrpâ; idluinitik nangmaraksarivakik; ᴋitorngaᴋaratik toᴋojuksauvûk.

Leviticus 22:9

Tamanna pivlugo perᴋojakka maligaksarivait, idluinermik pititsiᴋonagit nangminermingnut, toᴋoᴋonagillo idluinermingne tapanermingnut; Uvangaugama Nâlegak ivsornaititsijok tâpkoninga.

Leviticus 24:15

Israêliblo ᴋitorngangit oᴋarvigijaksarivatit, oᴋarlutit: Oᴋarnilutjijok Gûdiminik nangmartuksauvok ajornerminik.

Numbers 19:13

Aktoajoᴋ inûb toᴋungajûb timinganik sujungaitiluganelo nangminerminik, sujuivoᴋ Nâlekab tupinganik; taimaitorlo avitaujuksauvoᴋ Israêlikunit; imeᴋ sujungailisautiksaᴋ serparsautaulaungimat tâpsomunga, ivsornarniarpoᴋ; ivsornarninga tâpsomanêpoᴋ suli.

Numbers 19:20

Inugle ivsornartitaujoᴋ sujungailungitorlo nangminerminik, tâmna avitaujuksauvoᴋ ilagêktunit, Nâlekab ivsornaitoviᴋotinga sujungmago; imeᴋ sujungailisautiksaᴋ serparsautaulaungilaᴋ tâpsomunga; ivsornarpoᴋ.

Numbers 5:31

Angullo idluitoêrutijauniarpoᴋ, arnarlo nangmarniarpoᴋ ajornerminik.

Numbers 9:7

Oᴋautilugiglo: Ivsornarpogut inuk toᴋungajoᴋ pivlugo; suna pivlugole agviartauvitâ tunitjiᴋataujungnarluta Nâlekab tunergusiarijaksanganik neliutome perᴋojaujome Israêlikut akornganê?

Ebrêerinut 12:25

Udsertoritse, oᴋâlajomik tapatoᴋonase, Taipkoa, nuname oᴋâlatilugo tapatôlauᴋtut, ᴋemâjungnalaungimatta, tagva uvagut piluartomik ᴋemâjungnangilagut ᴋilangmit oᴋâlajoᴋ tapagiguptigo.

Ebrêerinut 2:3

ᴋanoᴋ uvagut ᴋemâjungnarᴋitâ, piulijauneᴋ taimak angitigijoᴋ kamagingikuptigô? Tamanna Nâlekab oᴋautigiᴋâlaungmago, tamattominga tussartut ᴋaujijautipât uvaptingnut.

Ebrêerinut 6:6

(Taimaitut) kiglormut (sâlutik) katakunik, ama Gûdib Erninga ingmingne seningajolingmut kikiaktorunitsuk, mitautigivlugolo, ama nutângortitauningat sâgiarnermut ajornavingmat.

Ebrêerinut 9:28

Taimaktauᴋ Kristuse atausiardlune tunergutautitaumavoᴋ unuktoᴋsuit idluituliningit pêjarlugit. Aipânigle saᴋᴋeromârpoᴋ ajortolionane neriuktunut tâpsominga, piulijaujutiksauvlune.