Numbers 8:8 - Labrador Inuttitut Heritage Bible

⁸ Tâpkoalo tuktuvak inôtsuk, tunergutiksangalo nerᴋiksaᴋ, senaugatsiaᴋ orᴋsumut akusimajoᴋ, tigujaksarivakit, igvillo tuktuvaub tâpsoma assia inôtsuk tigujaksarivat tunergutiksauᴋovlugo ajortoêrutiksamik.

Numbers 8:8 Iomraidhean Croise

Exodus 29:1

Imailiorvigijaksarivatillo ivsornaitilugit kivgartorᴋovlugit uvamnut ajoᴋertuijônerme: Tigusijuksauvotit tuktuvangmik, saukangniglo angusâlungnik maggûngnik ᴋanoetoᴋangitungnik,

Exodus 29:3

Amârgaujarmullo atautsemut ilijaksarivatit, amârgaujarmelo ᴋaitaksarivatit, tuktuvak saukaglo angusâluk maggûk ilagivlugit.

Jesaiase 53:10

Kissianele Nâlekab idluarivâ, nerᴋerᴋsudlartitsomavlugo ãniatitsomavlugolo. Tarninga (nangminerminik) tunergutiksatut sattûtiksatut tunikpat, kinguvâksaminik takojomârpoᴋ, uvluksane unuksitillugit, Nâlekablo idluarijanga pivalliatitaujomârpok aggangitigut.

Leviticus 1:3

Tunergutiksak ôtaksaukpat tuktuvangnit, tunergusertuksauvok angusâlormik ᴋanoêtoᴋangitomik: tunergutigijaksarivâ ilagêktut tupingata upkoangata sângane, ᴋuviagijauᴋovlugo Nâlekamut.

Leviticus 16:3

Imaitulijarlune Aron itertuksauvok ivsornaitovingmut: tuktuvârarmik tunergutiksamik ajoᴋêrutiksamik, saugarmiglo angusâlormik tunergutiksamik ôtaksamik.

Leviticus 2:1

Tunergusertoᴋarpallo tunergumik nerᴋiksamik Nâlekamut, tunergutiksaᴋartuksauvok sanaugatsiarmik, orᴋsumiglo koverijaksarivâ, ilijivigivlugolo tipitsiariksaumik:

Leviticus 4:14

Ajornek idluitulinerijangat ᴋaujijaulerpat, ilagêt tunitjijuksauvut tuktuvangmik inôtsungmik ajoᴋêrutiksamik, âlugolo ilagêktut tupingata sânganut.

Leviticus 4:3

Ajoᴋertuijok mingoartaumajok idluitulikpat inugasaksuit sinaungajutauninginut; ajornine piniarnerijane pitjutigellugo tunergusertuksauvok tuktuvangmik inôtsungmik ᴋanoêtoᴋangitomik Nâlekamut ajoᴋêrutiksamik.

Leviticus 8:2

Aron erningillo ilagilugit tigukit, annorâllo, orᴋsôrlo mingoarutiksak, tuktuvâglo tunergutiksak ajoᴋêrutiksak, saugâglo angusâluk maggûk, amargaujarlo pubjusauteᴋangitomik niaᴋojaktalik;

Rômiunut 8:3

Perᴋojab ajortanga, uviningmut ajulertitaumangmat, tamanna Gûdib pivâ, Ernine tiligamiuk, uviningmut ajortolingmut adsioᴋovlugo, tunergutiksauᴋovlugolo ajornerit pivlugit, ajortorlo uviningmioᴋ erᴋartorpâ;

II Korintemiunut 5:21

Ajortomik ᴋaujimangitoᴋ ajortungortilaungmago pivluta; uvagut tâpsomane idluartungortitauᴋovluta Gûdib sângane nâmagijaujomik.