Numbers 8:11 - Labrador Inuttitut Heritage Bible

¹¹ Aroniblo Levikut tunergutigijaksarivait tunergutiksaᴋ isautijauᴋattartoᴋ Nâlekab sângane Israêlikut pivlugit, kivgartortuksauᴋovlugit Nâlekab kivgartortauningane.

Numbers 8:11 Iomraidhean Croise

Exodus 29:24

Tamakkoalo ilûnnaita pitilârpatit Aronib agganginut, erningitalo agganginut; isautiᴋatarlugillo tunergutautilugit Nâlekab sângane.

Leviticus 7:30

Aggangme nangminerijame Nâlekab tunergusiaksangit ikomakut ᴋaitaksarivait; sakiak tunnoᴋartilugo ᴋaitaksarivâ, sakiak senervaiᴋitârtitauᴋattarᴋovlugo tunergutauvlune sanervaiᴋitârtitaujok Nâlekab sângane.

Leviticus 7:34

Sakiak sannervaiᴋitârtitaksak tallerlo issârutiksak tigugapkit Israêlib ᴋitorngangita tunergutiksanginit ᴋujaliutiksanit tunilugillo ajoᴋertuijomut Aronemut erninginullo soᴋosijuitomik perᴋutauᴋovlugit tâpkonunga Israêlib ᴋitornganginit.

Leviticus 8:27

Ilûnaitalo pitipait Aronib erningitalo agganginut, sanervaiᴋitârtiᴋattarpaillo tunergutautilugit sanervaiᴋitârtitaujut Nâlekab sângane.

Leviticus 8:29

Mosesiblo sakiak tiguvâ sanervaiᴋitârtiᴋattarlugolo tunergutautilugo sanervaiᴋitârtitaujok Nâlekab sângane; tamanna Mosesib ningersiarivâ angusâlormit ivsornaijutaujomit, sôrlo Nâlekab Mosese perᴋolaungmago.

Numbers 6:20

Ajoᴋertuijûblo issautiᴋattaraksarivait tunergutiksauᴋovlugit isautijaujoᴋ Nâlekab sângane; tamakkoa ivsornaiput ajoᴋertuijomut, sakkiaᴋ isautijauᴋattartoᴋ talerlo isautijaujoᴋ ᴋongmut ilagilugik; mattomalo kingorngane apsimautijovineᴋ vainetorungnarpoᴋ.

Deuteronomy 10:8

Neliutomelo tâpsomane Nâlekab kinguvârêt Levikut ingmikôrtipait akigarᴋovlugit Nâlekab angerᴋatigêngnerijangata iklervinganik, nangerᴋovlugillo Nâlekab sângane tâmna kivgartorlugo, saimarsaiᴋovlugillo tâpsoma atingane, uvlome tikidlugo.