Numbers 7:89 - Labrador Inuttitut Heritage Bible

⁸⁹ Mosesiblo, iterame ilagêktut tupinganut oᴋaᴋatigijomavlugo, Nippe tusarpâ tâpsomunga oᴋartoᴋ iksivaviub saimarvigijauviub ᴋollânit, iklervingmêtomit kigligiutjineᴋtalingmit, kerubîk akorngangnit; tâpsomalo oᴋarvigivâ.

Numbers 7:89 Iomraidhean Croise

I Atannit 6:23

Kamanelo inneme kinguanetome, Kerubingoaᴋartitsivok Maggûngnik. Kerubingoaglo sanavak, kamanetuksak inneme kinguanetome, tallitut tallimaujortutitut poktutigijuk, napârtub orksuliuk ᴋejunganit.

Imgerut 80:1

Igvit Israelib mianerijinga tussalaurit Josefekunik pairᴋsijotit saukatitut; sakᴋijâlaurit iksivajotit Kêrubit ᴋângine.

Imgerut 99:1

Nalegak attanniôvok, tamanna pivlugo innuᴋattigêksuit sajukput; iksivavok Kêrubit ᴋângine, tamanna pivlugo sillaksoak aulavok.

Exodus 40:34

Tagva nuvujab ilagêktut tupingat ulikpâ, Nâlekablo ânanauningata tupek ilumavâ.

Exodus 40:35

Moseselo iterungnangilak ilagêktut tupinganut, nuvujab ᴋânganêngmat, Nâlekablo ânanauningata tupek ilumangmago.

Leviticus 1:1

Nâlekablo Mosese ᴋaigarsugvigivâ, oᴋautilugolo ilagêktut tupinganit, oᴋarlune:

Numbers 1:1

Nâlekablo Mosese oᴋarvigivâ Sinaib sunaᴋajuitungane, ilagêktut tupingane, taᴋᴋiub aipangata uvlungita sivorlerpângane, jârib nunamit Egiptenemit aularvingata aipangane, oᴋarlune:

Numbers 11:17

Aᴋᴋalârpungalo oᴋaᴋatigilutillo tagvane anernerublo ilingnêtûb ilanga tigulârpara pitilugolo tâpkonunga; ilagilutillo tâpkoa nangmaᴋtaulârput inugiartoᴋsuit oᴋumainarninginik, kissivitôvlutit nangmariaᴋarᴋonak tamattominga.

Numbers 12:8

Tâmna oᴋaᴋatigijomavara ᴋanermit ᴋanermut, tukisinartomik, adsiujoku-ungitorlo; sôᴋ tagva ilerasulaungilatîk kivgara Mosese oᴋarnilugvigilugô?

Numbers 8:1

Nalekablo Mosese oᴋarvigivâ, oᴋarlune:

Ebrêerinut 4:16

Taimaimat sivôralugata iksivautaᴋsoaᴋ saimarvigijauvik nellipsarlavut, nâpkigijaulerᴋovluta, saimarsaumiglo nagvârᴋovluta piulijaujariaᴋarniptingne.

I Pêtrusib 1:12

Taipkoa nelojungnaititaulauᴋput, ingmingnut ilingangitut uvaptingnulle ilingajuksat oᴋautigigamigit; tamakkoa mâna oᴋautigijaumavut ilipsingnut, oᴋautsinik tussarnertunik ilipsingnut oᴋâlajunut, Anernikut ajunginikut ᴋilangmit tilijaumajokut; tamanna Engelittauᴋ tukkisijomavlugo kajungilârivut.

I Samuel 4:4

Innugatsuillo tilliklerput Silomut, aijauᴋolugolo tagvangat Nalekab Zebaothib, Kerubimib ᴋollâne iksivajub, iklervinga angersimanetalik. Taikanelaukpuglo Elib ernigik Hofni Pinehaselo, Gudib angersimaningata iklervinga najorlugo.