Numbers 7:13 - Labrador Inuttitut Heritage Bible

¹³ Tâpsomalo tunergutingit imaiput: pogutaujaᴋ silbereojoᴋ atauseᴋ, sekeletut 130tut oᴋumaitigijoᴋ, maggaujaᴋ silbereojoᴋ atauseᴋ, sekeletut 70tut, ivsornaitoviub sekelinga maliklugo; tamarmik tatalutik senaugatsiarmik orᴋsumut akusimajomik, tunergutiksamik nerᴋiksamik;

Numbers 7:13 Iomraidhean Croise

I Atannit 7:43

Taimâktauk ikkovret tallimaujortut, ukkusillo tallimaujortut, ikkovret ᴋânginelauktut;

I Atannit 7:45

Ukkusillo poagillo itteringojallo, illulerᴋutillo tamakkoa ilûnnaita Hiramib sanajangit Salomomut, Nâlekab iglunganut illingajut, kannujatuinarmit sanajaulaukput.

Esra 8:25

Kiktitarivigivakkalo Silberemik, Goldemiglo Gudib iglungata tunnergusianganik, attanniub attannertuijoᴋotingitalo, angajoᴋâᴋotingitalo, Israelitillo najutilauktut illunatik tunnilauktanginik.

Exodus 25:29

Pôgutanginiglo, allupsautinginiglo, ᴋajutanginiglo ᴋalutanginiglo ᴋaluviojungnarᴋovlugo, sanajuksauvotit goldemit ilaᴋangitomit.

Exodus 30:13

Kititaumajunut ilaujut atunit tunitjijuksauvut sêkelib abvangatut, ivsornaitoviub sêkelinga maliklugo: (sêkele geratut 20tut akitutigivok:) sêkelib abvangatut Nâlekab tunergusiarijaksarivâ. (Sêkele 50census-tut akitutigingoarpok.)

Exodus 37:16

Perᴋuteliorporlo sâmiutanik goldeojunik ilaᴋangitomik, pôgutanginik, alupsautinginiglo, ᴋajutanginiglo, ᴋallutanginiglo ᴋalluviojungnarᴋovlugo.

Jeremia 52:19

Kajûtallo, aumaᴋautillo, pogutaujallo, ukkusillo, nanneroaᴋarvîllo, alupsautillo, ᴋalutallo; goldinaujut goldeovlutik, silberinaujut silbereovlutik, ataniub udjertortingita angajoᴋâᴋsoangata aularutivait.

Daniel 5:2

Vainitorsimavlunilo Belsazar piᴋojivoᴋ ᴋajûtat goldiojut silbiriojullo ᴋaitauᴋovlugit, atâtami Nebukadnezarib aᴋsârnigarijaviningit katimaviksoarmit Jerusalimêtomit; ataniᴋ nâlikanilo nuliangillo panervgangillo imirungnarᴋovlugit tâpkonangat.

Leviticus 2:1

Tunergusertoᴋarpallo tunergumik nerᴋiksamik Nâlekamut, tunergutiksaᴋartuksauvok sanaugatsiarmik, orᴋsumiglo koverijaksarivâ, ilijivigivlugolo tipitsiariksaumik:

Leviticus 27:25

Akkeᴋarᴋojatillo ilûnatik maliktuksauvut ivsornaitoviub sekelinganik; gêrat 20 sekeleojuksauvut atautsemik.

Leviticus 27:3

Imâglo akkeᴋariaᴋarneraraksarivatit; jâreᴋarninganit 20nik jâreᴋarninganut 60nik akkeᴋariaᴋarneraraksarivat sekelenik silberenik 50nik, ivsornaitoviub sekelinga ôktûtigilugo;

Saggaria 14:20

Uvlorme tâpsomane sivaniarsuit horsinêtut aglagviolârput: Ivsornaitok Nâlekamut; ukkusillo Nâlekab iglunganêtut pôgutatitut tunerguserviub sânganêtutitut ituksauvut.

Numbers 15:4

Tunitjijomajoᴋ tunergutimik, tunitjijuksauvoᴋ Nâlekamut senaugatsiarmik efab tellimaujoanik akusimajomik orᴋsumut hinib sitamaulimajûb sitamanganik;

Numbers 28:5

Senaugatsiarmiglo, tunergutiksamik nerᴋiksamik, efab tellimaujoanik, akusimajomik orᴋsumut katjuksimajomut, hinib sitamanganut.

Numbers 29:6

Tunergutiksaᴋ ôtaksaᴋ taᴋᴋêlaᴋsiut tapilugo, tunergutiksarlo ôtaksaᴋ soraijuitoᴋ, tâpsomalo tapiksanga tunergutiksaᴋ nerᴋiksaᴋ, tunergutiksarlo imiksaᴋ ilagilugo, ilusioᴋojaᴋ maliklugo, tipitsiariksauᴋovlugo, tunergutiksaᴋ ikomakut Nâlekamut.

Numbers 3:47

Tigusijutigijaksarivatit atunit kênaujanik sekelenik tellimanik; ivsornaitoviub sekelinga maliklugo tigujaksarivatit (sekele atauseᴋ geratut 20tut akkitutigivoᴋ);

Numbers 7:12

Nasoniblo, Amminadab erningata, kinguvârênut Judakunut ilingajûb, tunergutine tunivâ uvlut sivorlerpângane;

Numbers 7:14

ᴋallutarlo goldeojoᴋ atauseᴋ, sekeletut 10tut oᴋumaitigijoᴋ, isserluanerutiksamik tatatoᴋ;

Numbers 7:73

Tâpsoma tunergutingit imaiput: pogutaujaᴋ silbereojoᴋ atauseᴋ, sekeletut 130tut oᴋumaitigijoᴋ, maggaujaᴋ silbereojoᴋ atauseᴋ, sekeletut 70tut, ivsornaitoviub sekelinga maliklugo; tamarmik tatalutik senaugatsiarmik orᴋsumut akusimajomik, tunergutiksamik nerᴋiksamik;

Mattêuse 14:11

Niaᴋoalo pôgutamut ilimajoᴋ ᴋaitaulerpok, tunijaularmelo niviarsiamut; tâpsomalo âpâ anânaminut.

Mattêuse 14:8

Anânaminulle ajoᴋertortaulaukârdlune oᴋarpok: ᴋaitsilerit uvamnut Johannesib baptiterijub niaᴋoanik, pôgutamut ilimajomik.