Numbers 6:18 - Labrador Inuttitut Heritage Bible

¹⁸ Apsimautijûblo niaᴋone, ingmigôlinganerminik nelonaijaijoᴋ, salijaksarivâ ilagêktut tupingata upkoangane, niaᴋomelo, ingmigôlinganerminik nelonaijaijûb, nujangit tigujaksarivait egilugillo ikomamut, tunergutiksab ᴋujaliutiksab atânêtomut.

Numbers 6:18 Iomraidhean Croise

Numbers 6:17

Angusalorlo tunergutigijaksarivâ tunergutiksaᴋ ᴋujaliutiksaᴋ Nâlekamut, amargaujaᴋ pubjusauteᴋangitunik niaᴋôjaᴋtalik ilagilugo; tunergutiksarlo senaugaᴋ, tunergutiksarlo imiksaᴋ ajoᴋertuijûb tunergutigijaksarivak.

Numbers 6:5

Angervigijame aglernermik uvlungit nâvlugit, kibjautik atortuksaungilak niaᴋunganut, uvlut, angerutigijane ingmigolingajomavlune Nâlekamut, nâmaksiᴋârtinagit, ivsornaidlartuksauvoᴋ, niaᴋome nujangit erᴋisulângajut takijororᴋojaksarivait.

Numbers 6:9

Tagvainârtomik inôjungnaitoᴋarpat tâpsoma seniane, tâmnalo ivsornartitsigune ingmigôlinganime niaᴋoanik; tagva niaᴋone salijaksarivâ ivsornaititaulervime uvlungane, uvlut seveningane sâlijaksarivâ.

Lukase 17:10

Taimâktauk ilipse, perᴋojaunise tamaita pinialaurupsigik oᴋaritse: Kivgakullôvogut; piniaraksavut kissêta pigaptigik.

Apostelit Piniarningit 18:18

Paulusele akunit sulle tagvanêlaukpok; kingorngagut ᴋatangutigêt sorairutiksamik oᴋautivait, Sîriamullo umiaktoromavlune Prisillalo Akvilalo ilagilugik; nujanelo (Paulusib) kipjarpait Kenᴋrêame, oᴋautsine maliklugit, taimak oᴋarsimagame.

Apostelit Piniarningit 21:23

Tamanna pivlugo oᴋausivut ilingnut malilaukit.

Apostelit Piniarningit 21:24

Anguteᴋarpok sitamanik ovane, tâpkoa maligaksaᴋarput angernerilauktamingnik. Tâpkoa ilingnut pikit, ilagilugillo sujungaititaulerit, akkilêrlutillo niaᴋungita nujangit salijauᴋovlugit, ilûnatiglo tukisilerᴋovlugit saglojutaunernik, igvilletauk nangminek perᴋojat malikangne.

Apostelit Piniarningit 21:26

Tagva Paulusib angutit tâpkoa ingminut pivait, ᴋaungmallo sujungailijauᴋatigivait; katimaviksoarmullo iteᴋattarpok, uvlut sujungaivît nâniardlugit takojaujomavlune; tunergutiksatik ingmigolingatilugit tunijaulerᴋârtinagit.

Efêsusemiunut 1:6

Saimarsautine ânanaujoᴋ nertortauᴋovlugo, tamattomunga ᴋuviagijautingmatigut erdlingnartome.