Numbers 6:15 - Labrador Inuttitut Heritage Bible

¹⁵ Amargaujarmiglo niaᴋôjaᴋtalingmik pubjusauteᴋangitunik, ᴋaᴋᴋôjaniglo sâtunik, senaugatsiarmik orᴋsumut akᴋusimajomik, ᴋaᴋᴋôjârsungniglo sâpatânik pubjusauteᴋangitunik orᴋsumut mingoarsimajunik, tunergutiksaᴋ senaugaᴋ tunergutiksarlo imiksaᴋ ilagilugik.

Numbers 6:15 Iomraidhean Croise

Exodus 29:2

ᴋakᴋôjamiglo sêrnarsauteᴋangitomik, ᴋakᴋôjaniglo sâpatânik sêrnarsauteᴋangitunik orᴋsumut akᴋusimajunik, ᴋakᴋôjârsuniglo sâtunik orᴋsumut mingoarsimajunik: sanaugamit ᴋaᴋortamit sanajaksarivatit.

Jesaiase 62:9

Kattersoijulle tamakkoninga nerᴋiksarivaittauᴋ, Nâlegarlo nertoraksarivât; angeraudjijullo vainemik imiksarivât igluma ivsornaitoviksûb iglorusingine.

Joel 1:13

Kaigitse, poksajanik atisileritse, ogguarluselo, ilipse ajoᴋertuijose; ᴋeadlaritse, ilipse kivgartortose tunerguservingme; ᴋaigitse, poksajanik atisimavluse, inangagitse unnuaᴋ nâvlugo, ilipse kivgartortose Gudimnik; senaugaᴋ tunergutiksaᴋ, tunergutiksarlo imiksaᴋ ᴋaitaujungnairmatta Gudipse iglunganut.

Joel 1:9

Tunergutiksaᴋ nerᴋiksaᴋ tunergutiksarlo imiksaᴋ noᴋartitauvuk Nâlekab iglunganit; ajoᴋertuijut, Nâlekab kivgangit, ogguarput.

Joel 2:14

Kina ᴋaujimavâ anusingorniangimangât issumatârlunelo, ᴋemainiangimangâllo saimanartomik kingunermine, tunergutiksamik nerᴋiksamik tunergutiksamiglo imiksamik Nâlekamut Gudipsingnût?

Leviticus 2:4

Tunerguseruvillo tunergumik igasimajomik kiaksautime, sanaugatsiangojuksauvok pubjusauteᴋangitomik, orᴋsumut akusimajomik, sâtuniglônêt pubjusauteᴋangitunik, orᴋsumut mingoarsimajunik.

Leviticus 7:12

ᴋujaliutautilugo tunikpago, tunergutiksak ᴋujaliutiksak ilagellugo tunitjijuksauvok ᴋakᴋôjanik pubjusauteᴋangitunik orᴋsumut akusimajunik, ᴋakᴋôjârsungniglo sâpatânik orᴋsumut mingoartaumajunik, ᴋakᴋôjaniglo orᴋsumut akusimajunik sanaugatsiarmit kinipajomit.

Leviticus 8:2

Aron erningillo ilagilugit tigukit, annorâllo, orᴋsôrlo mingoarutiksak, tuktuvâglo tunergutiksak ajoᴋêrutiksak, saugâglo angusâluk maggûk, amargaujarlo pubjusauteᴋangitomik niaᴋojaktalik;

Leviticus 9:4

Tuktuvangmiglo saugarmiglo angusâlornik tunergutiksângnik ᴋujaliutiksângnik, tunergutauᴋovlugik Nâlekab sângane; tunergutiksamiglo sanaugamik orᴋsumut akusimajomik; uvlome Nâlekab sakᴋervigilârmase.

Numbers 15:10

Tunergutiksamiglo imiksamik tunitjijuksauvoᴋ vainemik hinib abvanganik, tunergutiksauᴋovlugo ikomakut, tipitsiariksautiksamik Nâlekamut.

Numbers 6:16

Ajoᴋertuijûblo âtaksarivait Nâlekab sânganut, tunergutiksaᴋ ajortoêrutiksaᴋ, tunergutiksarlo ôtaksaᴋ, tunergutigijaksarivak;

I Korintemiunut 10:31

Taimaimat, nerrijarangapselônêt, imerangapselônêt, sumiglônêt piniarmangâpse, tamaita piniarsigik Gûde nertortauᴋovlugo.

I Korintemiunut 11:26

ᴋakᴋôjak tamanna nerrilerangapsiuk, ermgusiarsungmillo tâpsomangat imilerangapse, Nâlekab toᴋunga oᴋautigijaksarivase tikerᴋârtingao.