Numbers 5:9 - Labrador Inuttitut Heritage Bible

⁹ Tunergutillo isautijauᴋattartut, Israêlikut tunijangit ivsornaititamingnit tamainit ajoᴋertuijomut, ajoᴋertuijûb perᴋutigivait.

Numbers 5:9 Iomraidhean Croise

Exodus 29:28

Aroniblo erningitalo ningeksiarijaksarivait Israêlikunit maligaksakut soraijuitokut; tunergutaungmat isautijaujok ᴋongmut: Tunergutaujuksauvorlo isautijaujok ᴋongmut Israêlikunit, tunergutinginit ᴋujalijutinit tunergusertaujunit, llâ, tunergut isautijaujok ᴋongmut Nâlekamut.

Leviticus 10:13

Ivsornaitovingmelo nerrijaksarivase, igvit ernivillo ilangiusiarigapsiuk tunergutaujunit Nâlekamut ikomakut; taimâk perᴋojaugama.

Leviticus 10:14

Sakiarlo sanervaiᴋitârtitaujok tallerlo issârutaujok nerrijaksarivase ivsornaitovingme, igvit ernivillo pannivillo ilagilutit; tunijaungmatta igvit ernivillo ilangiusiarijaksapsingnik Israêlib ᴋitorngangita tunergutinginit ᴋujaliutiksanit.

Leviticus 10:15

Talleᴋ issârutaujok sakiarlo sanervaiᴋitârtitaujok ᴋaitaksarivait tunnok tunergutiksak ikomakut ilagilugo sanervaiᴋitârtitauᴋattarᴋovlugo tunergutauvlune sanervaiᴋitârtitaujok Nâlekab sângane; igvit ernivillo perᴋutigijaksarivase, ilangiusiaksase soᴋosijuitok; sôrlo Nâlegak perᴋojingmat.

Leviticus 6:26

Ajoᴋertuijûb tunergusertûb tâpsominga ajornek pivlugo nerrijaksarivâ; nerrijaujuksauvok ivsornaitovingme, ilagêktut tupingata avatâne avaluliorsimajome.

Leviticus 7:32

Tallerle tallerpik tunijaksarivase ajoᴋertuijomut tunergutauᴋovlugo issârutiksamik tunergutipsingnit ᴋujaliutiksanit.

Leviticus 7:34

Sakiak sannervaiᴋitârtitaksak tallerlo issârutiksak tigugapkit Israêlib ᴋitorngangita tunergutiksanginit ᴋujaliutiksanit tunilugillo ajoᴋertuijomut Aronemut erninginullo soᴋosijuitomik perᴋutauᴋovlugit tâpkonunga Israêlib ᴋitornganginit.

Numbers 18:19

Tunergutit ᴋongmut isautijaujut ilûnaita ivsornaitut, Israêlikut tunijangit Nâlekamut, tunimavakka ilingnut, ernernullo paningnullo ilagilutit, soᴋoserniangitomik pigênalârpase; angerᴋatigêngniovoᴋ angermaringnermik soraijuitomik Nâlekab sângane ilingnut kinguvângnullo ilagilutit.

Numbers 31:41

Mosesiblo ilangertaujut, Nâlekab tunergusiarijangit isautijauᴋattartut, tunivait Eliasaremut ajoᴋertuijomut, sôrlo Nâlekab Mosese perᴋongmago.

Numbers 5:8

Inugle (idluituliviolauᴋtoᴋ) kingormgujijuksaᴋangipat tauᴋsiutiksamik idluitulinerub akiksanganik, idluitulijutaujûb tauᴋsiutiksanga, Nâlekamut ilingajoᴋ, perᴋutaujuksauvoᴋ ajoᴋertuijomut; saugaᴋ angusâloᴋ ulapirᴋsautaujoᴋ ulapirᴋsartaujutigijanga tapilugo.

Deuteronomy 12:26

Tunergutiksangortitatit angerutigisimajatillo kissimik tigumiarlugit aijuksauvotit iniksamut Nâlekab annerijanganut;