Numbers 5:18 - Labrador Inuttitut Heritage Bible

¹⁸ Ajoᴋertuijûblo arnaᴋ pititaksarivâ Nâlekab sânganut, ajoᴋertuijûblo arnab niaᴋoata nujangit ᴋelarudjâraksarivait, tunergutiksarlo senaugaᴋ erᴋaumajutiksaᴋ ilijaksarivâ arnab agganginut, tagva tunergut senaugaᴋ idluigosungneᴋ pitjutigivlugo; ajoᴋertuijûblo imeᴋ sungarnitoᴋ ôminarsijutiksaᴋ tigumiaraksarivâ aggangminut;

Numbers 5:18 Iomraidhean Croise

Salomob Okâl 5:4

Kingorngagulle kassilingnarpok Wermutetut, ippiktoksolarmelo saviksoatut igluktut kênaliktut.

Okaluktok 7:26

Nachvâlaukpungalo kassilinersamik tokᴋomit: arnamik ômatelingmik nulluangojomik aklunângojomiglo, aggalingmiglo kellarutiksaujunik. Gûdemut nâmagijaujok anigoiniarpok tâpsomangat, idluitorle angujauniarpok tâpsomunga.

Jesaiase 38:17

Ahâk, kappiasungnerilauᴋtara illingavoᴋ idluarᴋutiksamnut. Igvit tarniga erᴋilugo piulivat ittersâlungmit asserortauvingmit. Idluinikka tamaita tunnungnut egipattit.

Jeremia 2:19

Idluitulinivît sugialârpâtit, kingupiartornivîllo inertilârpâtit. Taimaimat ᴋaujimalerit tukkisilutillo idluitoᴋsôdlarmat kiksarnarlarmelo Nâlagaᴋ Gudît ᴋemakangne, sivôranarneralo ilingnêngimat, Nâlagaᴋ Nâlagak Zebaot oᴋarpoᴋ.

Leviticus 13:45

Kalaᴋadlartublo ᴋanimaseliub annorângit aliktortaujuksauvut, nessalijartuksaungilarlo, ᴋangasinânalo mattujaksarivâ, ᴋaigarsuktuksauvorlo: Ivsornartomik, ivsornartomik.

Numbers 5:15

Tagva angutib nuliane âtaksarivâ ajoᴋertuijomut, tâpsomalo nuliame tunergutiksanganik, senaugakullungmik efab tellimaujoanik; orᴋsumik koverijaksarilungilâ, tipitsiariksautiksamiglônêt pititsiviginago; tunergutiksaungmat senaukamik idluigosungneᴋ pitjutigivlugo, tunergutiksaᴋ erᴋaumajutiksaᴋ; erᴋaititsijoᴋ idluitulinermik.

Numbers 5:17

Ajokertuijorlo tigusijuksauvoᴋ imermik ivsornaitomik ᴋajûtarme maggarme, sanningmiglo ivsornaitoviub nettinganit ajoᴋertuijoᴋ tigusijuksauvoᴋ, pitilugolo imermut;

Numbers 5:19

Ajoᴋertuijûblo arnaᴋ kigligiksarᴋojaksarivâ, oᴋautilugolo: Angutit neliata tutilaungipatit, uingnillo assinialaungikuvit ivsornarnermut, tagva imermut omunga sungarnitomut ôminarsijutiksamut pijauniarnak;

Numbers 5:22

Imerlo tamanna ôminarsijutiksaᴋ pullarle erᴋavingnut, nâllo publertilugo, ᴋoktoraillo uvinêrutiliuk; arnarlo oᴋartuksauvoᴋ: Amen, amen.

I Korintemiunut 11:15

Arnable nujane takijorortikunigit, pinnarnautigingmagît? Nujarminik tunitjiviongmat ulliktaujutigivlugit.

I Korintemiunut 11:6

Arnak nessarsimajomangikune, kipjartaugilît nujangit. Arnarle nujaᴋarune kipjarsimajunik salimajuniglônêt nachonadlarmat, nessarsimavlune pile.

Deuteronomy 29:18

Akunapsingnêtoᴋarᴋonago angutimiglônêt, arnarmiglônêt, ᴋitorngarêngniglônêt, kinguvârêngniglônêt, ômatekut tunutomik Nâlekamik Gûdiptingnik, inôᴋatigêksuit tâpkoa Gûdingoangit kivgartoromavlugit; amâᴋarᴋonago akunapsingne mamaitoâlungmik tipilingmik, ᴋasilinartomiglo nutaijoktotaᴋartomik;

Ebrêerinut 13:4

Nuliarêngneᴋ idluatsainarle tamaine, nuliarêllo innangaviat ivsornaile; assiniartulle nuliarêngnermiglo asseroijut Gûdib erᴋartoromârpait.

I Samuel 15:32

Samuel oᴋarpok: Agag Amalekiterit attaningat ᴋaitaule uvamnut. Agagiblo sivuranane aivigiva, oᴋarlunelo: Taimak tokkub ᴋassilinarninga pêrtaujariaᴋarpok.