Numbers 4:25 - Labrador Inuttitut Heritage Bible

²⁵ Akkigartuksauvut tupiub ivsornaitûb itsaksanginik, ilagêktullo tupinganik, tâpsoma matuksanganik, ulingmiglo ᴋabvit aminginit senasimajomik tâpsoma ᴋanganêtomik, ilagêktullo tupingata upkoangata tâlutanganik;

Numbers 4:25 Iomraidhean Croise

Exodus 26:1

Tuperlo sanajaksarivat itsanit tallimaujortunit ᴋablunâktajatsiamit, tungujoktamillo, tungulângajomillo, aupalutsiartomillo; ânanausilugillo kerubingoanut sanajaksarivatit.

Exodus 26:14

Tupiublo mattuksanganik silallermik sanajuksauvotit saukat angusâluit aminginit mingoarsimajunit aupaluktamik, tâpsomalo ᴋânganut silalliksanganik ᴋabvît aminginit.

Exodus 40:19

Matuksarlo ilullerpâk isipterpâ tupiub ᴋolâgut, matuksarlo silallek tâpsoma ᴋânganut ilivlugo, sorlo Nâlekab Mosese perᴋongmago.

Numbers 1:50

Levikulle kamajuksangortitaksarivatit kigligiutjineᴋtaliub tupinganik, tâpsomalo perᴋutinginik, ilûnainiglo tâpsomunga ilingajunik; akjarsijuksauvut tupermik perᴋutinginiglo; udjertortuksauvullo tâpsominga, tangmârtuksauvullo tupiub avatânut.

Numbers 4:24

Tamadja Gersonekut ᴋitorngarêngita piniaraksarijangit kivgartornerme akkigarnermelo;

Numbers 4:6

Tâpsomalo ᴋânganut pititsijuksauvut ulingmik ᴋabvit aminginit senasimajomik, issivitsivigilugolo ulingmik ᴋablunâᴋtajamik tungujortamik, akkigautîgiglo ilijaksarivakit.