Numbers 4:15 - Labrador Inuttitut Heritage Bible

¹⁵ Aroniblo erningitalo ivsornaitovik ivsornaitoviublo perᴋutingit immugêrpatigik, tangmârtertut nûtuksaulertilugit; Kohatib erningit ᴋaijuksauvut akkigaromavlugit; aktuijuksaungilalle ivsornaidlartunik, toᴋoᴋonagit. Tamadja Kohatib erningita akkigaraksarijangit ilagêktut tupingane.

Numbers 4:15 Iomraidhean Croise

II Samuel 15:24

Ahâglo Zadok tagvanêlaurivok, Levitillo illunatik tapsomanêlauktut, akkigarlutiglo Gudib angerningata iklervinganik, illilâlo tagvunga. Abjatharelo kagverpok innugatsuit illunatik iglugasaksoarnint anniᴋârtinnagit.

II Samuel 6:13

Tapkoalo Nalekab iklervinganik akkigartut sivumualauᴋârlutik ablornernik pingasojortunik, tunnergumik tunnijijoᴋarpok tuktuvangmik attautsemik, saukamiglo ᴋoinijomik attautsemik.

I Atannit 8:3

Israelitillo angajoᴋaunerojungit ilûnnatik tikkimatta; ajuᴋertuijut Nâlekab iklervinga kivikpât,

I Kronika 15:15

Leviblo ᴋitorngangita Gûdib Nalekab iklervinga akkigarpât ikkautingnut erksuklugo, sorlo Mosese perᴋojilaungmat Nalekab oᴋausingit malliklugit.

I Kronika 15:2

Taipsomane Davide oᴋarpok: Gûdib iklervinga Levitit asinginut akkigartaujuksaungilak; tapkoa Nalekab annerilaungmagit Nalekab iklervinga akkigarlugo piᴋovlugit, kivgartorᴋovlugillo tapsominga soraijuitomik.

I Kronika 23:26

Taimaglo Levitit akjarsijariaᴋarungnaiput iglomik, illulerᴋutiniglo kivgartornermut pijariaᴋartunik.

Exodus 19:12

Inuillo kiglilerveᴋartitaksarivatit avatâgut, oᴋarlutit: Ulloreasugitse ᴋakᴋamut majorarᴋonase, aktornagolônêt kiglinga: naliat aktuijok ᴋakᴋamik toᴋotaksauvok.

Exodus 19:21

Nâlekablo Mosese oᴋautivâ: Atersarit, inuillo inerterkit kibliguterᴋonagit Nâlekamut takojomamut, unuktullo tâpkonangat aserorᴋonagit.

Exodus 27:7

Akigautîglo ilijaujuksauvuk nuklûngnut, akigautîglo tunerguserviub sanerâgingnêtuksauvuk, akigarianganut.

Leviticus 16:13

Isserluanerutiksallo pititaksarivait ikomamut Nâlekab sângane, isserluanerutiksat issingat uliᴋovlugo iksivavingmik saimarvigijauvingmik kigligiutjineᴋtaliub ᴋânganêtomik, toᴋoᴋonago;

Numbers 1:50

Levikulle kamajuksangortitaksarivatit kigligiutjineᴋtaliub tupinganik, tâpsomalo perᴋutinginik, ilûnainiglo tâpsomunga ilingajunik; akjarsijuksauvut tupermik perᴋutinginiglo; udjertortuksauvullo tâpsominga, tangmârtuksauvullo tupiub avatânut.

Numbers 1:51

Tuperlo kigligiutjineᴋtalik nûtaugiaᴋarpat, Levikut kissimik nûgaksarivât, tuperlo aᴋiktaugiaᴋalermikpat, Levikut kissimik âᴋigaksarivât; takorngartablo ᴋanilerpago toᴋotaujuksauvoᴋ.

Numbers 10:21

Kohatekullo aularput, ivsornaitovik akkigarlugo; ipkoalo (Gersonib Merariblo erningita) tupeᴋ napartipât tikiᴋârtinagit.

Numbers 18:3

Tâpkoalo udjertoraksarivâtit, udjertoraksarivâttauᴋ tupiub ilûnanga; kissiane najorniktuksaungilat ivsornaitoviub perᴋutinginik tunerguservingmiglo, tâpkoalo ilipselo toᴋoᴋonase.

Numbers 3:38

Moseselo Aronelo tâpsomalo erningit tangmârtuksauvut ilagêktut tupingata sângane kitâne seᴋiniub nuivingata nelâne, kamatsiarᴋovlugit ivsornaitoviub kivgartortaujariaᴋarninganik Israêlib ᴋitorngangit pivlugit; takorngartarlo ᴋanilertoᴋ tagvunga toᴋotaujuksauvoᴋ.

Numbers 4:14

Tagvungalo ilijijuksauvut perᴋutinginik tamainik atorsôngojunik tâpsomunga; argjaᴋautinik, kapoᴋautiniglo, ᴋalugautiniglo, pôgutaujaniglo, tunerguserviub perᴋutinginik tamainik; issivitsijuksauvullo ulingmik ᴋabvit aminginit senasimajomik tâpsoma ᴋânganut, akkigautîgiglo ililugik.

Numbers 4:19

Imailiorvigilugille, inôᴋovlugit toᴋoᴋonagillo ᴋanilerpatta ivsornainerpângojunut: Aron erningillo itertuksauvut tâpkoalo atunit oᴋautilugit piniaraksarijanginik akkigaraksarijanginiglo;

Numbers 4:20

Tâpkoale itertuksaungilat ivsornaidlartut takojomavlugit, anikitomiglônêt, toᴋoᴋonagit.

Numbers 7:9

Kohatekulle tunitjivigilaungilait sumik, ivlernartoviub kivgartortauninga tâpkonunga ilingamat, erᴋsugiaᴋarpâllo.

Deuteronomy 31:9

Mosesiblo perᴋojat makkoa aglakpait tunilugillo ajuᴋertuijunut Levib erninginut, Nâlekab iklervinganik kigligiutjineᴋtalingmik akigartunut, Israêlekullo angajoᴋânginut tamainut.

Josua 4:10

Ajochertuijut iklervingmik akkigartut nangermatta Jordanib ᴋerᴋâne, tamaita sorartitauᴋârtinnagit Nalekab perᴋolauktangit Josuamut, innungnut oᴋauserilugit; sorlo Mosesib Josua perᴋolaungmago. Innuillo tuavilukarput ailutiglo akkianut.

I Samuel 6:19

Bethsemesemiullo illangit annaujauvut tamana pivlugo Nalekab iklervinga takkolaungmatsuk. Tapsomalo innuksoarnit annauvait 50,000 dit 70 gillo. Tagva innugatsuit kiksalerput Nalegak taimak unnuktigijunik toᴋᴋoᴋojilaungmat innugatsuit akkorngane.