Numbers 4:14 - Labrador Inuttitut Heritage Bible

¹⁴ Tagvungalo ilijijuksauvut perᴋutinginik tamainik atorsôngojunik tâpsomunga; argjaᴋautinik, kapoᴋautiniglo, ᴋalugautiniglo, pôgutaujaniglo, tunerguserviub perᴋutinginik tamainik; issivitsijuksauvullo ulingmik ᴋabvit aminginit senasimajomik tâpsoma ᴋânganut, akkigautîgiglo ililugik.

Numbers 4:14 Iomraidhean Croise

II Kronika 4:19

Salomoblo perᴋutit tamaita Gudib iglungata illuanut illingajut sannavait: tagva Altare Goldeôjok, sâlo, ᴋaᴋᴋojallo takkojaksat ᴋânginetuksat;

Exodus 27:1

Tunerguserviliortuksauvotillo ᴋejutsiarsajamit, talertut tallimatut takitigivlune, talertullo tallimatut siliktigivlune; tunerguservik iktoᴋeriktuksauvok: talertullo pingasutut poktotigijuksauvok.

Exodus 27:3

Sanajuksauvotillo argjaᴋautinginik, ᴋalugautinginiglo, pôgutaujanginiglo, kapoᴋautinginiglo, aumaᴋautinginiglo; perᴋutingit ilûnnatik ᴋaᴋorleojuksauvut.

Numbers 4:13

Argjallo pêjaraksarivait tunerguservingmit, issivitsilutiglo ulingmik tungulângajomik ᴋânganut;

Numbers 4:15

Aroniblo erningitalo ivsornaitovik ivsornaitoviublo perᴋutingit immugêrpatigik, tangmârtertut nûtuksaulertilugit; Kohatib erningit ᴋaijuksauvut akkigaromavlugit; aktuijuksaungilalle ivsornaidlartunik, toᴋoᴋonagit. Tamadja Kohatib erningita akkigaraksarijangit ilagêktut tupingane.

Numbers 4:6

Tâpsomalo ᴋânganut pititsijuksauvut ulingmik ᴋabvit aminginit senasimajomik, issivitsivigilugolo ulingmik ᴋablunâᴋtajamik tungujortamik, akkigautîgiglo ilijaksarivakit.