Numbers 4:10 - Labrador Inuttitut Heritage Bible

¹⁰ Tâmnalo perᴋutingillo tamaita ilijaksarivait uliubᴋabvit aminginit senasimajûb atânut, pitilugolo akkigautimut.

Numbers 4:10 Iomraidhean Croise

Exodus 25:31

Naneroaᴋaviliortuksauvotillo goldemit ilaᴋangitomit: Sanajaujuksauvok katjuksimajomit: ikogganga, akkerungillo, ᴋingmingoangoangillo, paungangoangillo, nuvugulângoangillo tâmnatsainaujuksauvut.

Exodus 25:5

Saukallo angusâluit amingit aupaluktitaumajut, ᴋabvîllo amingit, ᴋejutsiarsajallo;

Numbers 4:11

Tunerguserviublo goldeojûb ᴋânganut issivitsijuksauvut ulingmik tungujortamik, uliklugolo ulingmut ᴋabvit aminginit senasimajomut, akkigautîgiglo ilijaksarivakit;

Numbers 4:12

Atorialillo ilûnaita kivgartornermut, kivgartûtigijangit ivsornaitovingme tigujaksarivait immulugillo immûtemut tungujortamut, uliklugillo ulingmut ᴋabvit aminginit senasimajomut, pitilugillo akkigautemut.

Numbers 4:6

Tâpsomalo ᴋânganut pititsijuksauvut ulingmik ᴋabvit aminginit senasimajomik, issivitsivigilugolo ulingmik ᴋablunâᴋtajamik tungujortamik, akkigautîgiglo ilijaksarivakit.

Numbers 4:9

Tigusijuksauvullo ulingmik tungujortamik, uliklugillo ikomab nenneroaᴋarvinga, akᴋisûtingillo, taᴋᴋersûtingillo, argjaᴋautingillo orᴋsuᴋautingillo tamaita atorialit tâpsomunga;