Numbers 36:1 - Labrador Inuttitut Heritage Bible

¹ Josefiblo erningita kinguvângita, Manassib erningata, Makirib erningata, Gileadib ᴋitorngangita kinguvângita angajoᴋângit tikilerput oᴋauseᴋarlutiglo Mosesib sângane, Israêlikullo kinguvârêngita angajoᴋângita sângine:

Numbers 36:1 Iomraidhean Croise

Genesis 50:23

Efraimiblo kinguvârêngningita pingajungit Josefib takovait; taimaktauᴋ Maggerib, Manassib erningata, erningit inôlerput Josefib sângane.

Numbers 27:1

Josefiblo erningata Manassib kinguvângita ilangata erningata Makirib erningata Gileadib erningata Heferib erningata Zelofehadib paningit tikilerput; paningillo attingit imaiput: Mala, Noa, Hogla, Milka, Tirzalo.

Numbers 27:2

Nangerpullo Mosesib Eliasariblo ajoᴋertuijûb, angajoᴋâllo, ilagêktoᴋsuillo ilûnatik, sângane, ilagêktut tupingata upkoangane, oᴋarlutik:

Numbers 27:7

Zelofehadib paningit idluartomik oᴋarput: kingormgutijaksamik nangminerijamingnik tunitjivigijaksarivatit atâtangita ᴋatangutingita akorngane; atâtangita kingormgutijaksanga tunijaksarivat tâpkonunga.