Numbers 35:18 - Labrador Inuttitut Heritage Bible

¹⁸ Sakkomullônêt ᴋejungmut tigumiartaminut annauguniuk toᴋonartomik, tamattomunga inuk toᴋoᴋovlugo, tagva inuartôvoᴋ; inungmiglo inuartoᴋ toᴋotaujuksauvoᴋ.

Numbers 35:18 Iomraidhean Croise

Genesis 9:5

Illâle, ause inôtigijase aperᴋutigijomârpara, ômajunut tamainut aperᴋutigijomârpara; inublo inôtigijanga aperᴋutigijomârpara inungmut kinamullônêt, ᴋattangutigingmago.

Hesekiel 16:38

Erᴋartoromavagillo sorlo arnat nuliarêngnermik asseroijut aungmiglo kovisijut erᴋartortaungmatta; ningaumajârnerublo ilungertornerublo aunga tikiutijomavara ilingnut.

Numbers 35:17

Ujarᴋamullo tigumiartaminut miloruniuk toᴋonartomik, tamattomunga inuk toᴋoᴋovlugo, tagva inuartôvoᴋ; inungmiglo inuartoᴋ toᴋotaujuksauvoᴋ.

Numbers 35:19

Aungmik akkiniartûb nangmineᴋ inuartoᴋ toᴋotaksarivâ; naipituaruniuk toᴋotaksarivâ.