Numbers 33:55 - Labrador Inuttitut Heritage Bible

⁵⁵ Nunable inungit ᴋemâtingikupsigik sivunapsigut, amiakôtitase kakkilautititut ijipsingnut itsomârput, kakkilautititullo senerapsingne, pagvisâdlaromârpâselo nuname nunagijapsingne.

Numbers 33:55 Iomraidhean Croise

Exodus 23:33

Ineᴋartuksaungilat nunangne idluitulitidlaroarmatit uvamnut: tagva gûdingit kivgartorungne, tamanna nigarniutitut ilingnut ilinganajarmat.

Hesekiel 28:24

Kingornganelo kakkilauteᴋalulângilaᴋ Israêlib ᴋitornganginut, kapinartoᴋalulângilarlônêt tâpkonangat avatânêtunit pagvisalauᴋtunit tâpkoninga; ᴋaujijuksauvullo uvangaugama Nâlegaᴋ Nâlegaujoᴋ.

Numbers 33:56

Imailingalârporlo: sorlo issumaᴋalaurama tâpkoa piniarvigijomavlugit, taimailiorvigijomârpapse.

II Korintemiunut 12:7

Ilingaᴋonangalo pingijaidlarnermut takotitjutit ussornarnartut pivlugit, kaputimik pititsiviovunga uvinipkut, tagva Satanasib tilijanganik sugiartimnik, pingijaidlarᴋonanga.

Deuteronomy 7:16

Inôᴋatigêksuillo Nâlekab Gûdivît tunijomârtangit ilingnut tamaita nungutaksarivatit; ijivît nâpkigijaksaringilait, Gûdingoangillo kivgartoraksaringilatit; napperniutaunajarmatta ilingnut.

Deuteronomy 7:4

Tâpsoma ernît sangutiniarmago maligungnaiᴋovlugo uvamnik, kivgartorᴋovlugo assimnik Gûdingoarnik; taimaglo Nâlekab ningarninga ilingnut katsungaililârpok, asserorsarniarpâselo.

Josua 23:7

Inuᴋattigêt amiakojut makkoa illipsingnetut akkornganut piᴋonase; issumaksarsiorᴋonaselo angerᴋonaselo Gudingoata attingine, kivgartorᴋonaselonêt tapkoninga, tuksiarviginagillonêt.

Idluarsaijut 2:3

Tagva oᴋalaurivunga: Pêjaromangilakka sivunapsingne, kellerutiksangolerᴋovlugit illipsingnut, Gûdingoangillo nulluangolerᴋovlugit.