Numbers 32:33 - Labrador Inuttitut Heritage Bible

³³ Mosesiblo Gadib kinguvângit, Rubeniblo kinguvângit, Manassiblo Josefib erningata kinguvângita abvangit tunitjivigivait Sihonib, Basanib ataningata, ataniovinganik, nuna iglugasaksoangillo tagvanêtut kiglingit tikidlugit, nuna iglugasaksoangillo avatânêtut.

Numbers 32:33 Iomraidhean Croise

I Kronika 12:31

Kinguvarêt Mânnassekut ketterᴋangit 18,000 attermikut taijaulauktut, ᴋaiᴋovlugit Davide atanningortilugo.

I Kronika 26:32

ᴋatangutingillo angutit erᴋinaitut 2,700, ilûnatik niaᴋôjut. Davidiblo angajoᴋângortipait Rubenekunut, Gadekunullo, kinguvarêllo Mânnassekut ketterᴋanginut, Gûdib atanniublo illusionᴋojangit tamaita pitjutigellugit.

I Kronika 5:18

Rubenib erningit, Gadiblo erningit kinguvarêllo Mânnassekut ketterᴋangit, angutaujut tapkonangat sorsugungnartut, sappulutalijartut, saviksoalijartullo, pittiksaniglo ᴋellusijungnartut, unatarnermiglo illisimajut, tapkoa 44,760 ôlaukput, tapkoa aularput unatadlarnermut.

Numbers 32:1

Rubeniblo kinguvângit Gadiblo kinguvângit nergjuteᴋoteᴋarput unuktovaksoarnik, nunalo Jazer nunalo Gileade takungmatikik, nute, nergjuteᴋautiksatsiangovoᴋ.

Numbers 32:32

Sakkolijarluta ikâromavogut Nâlekab sângane nunamut Kanaanemut, kingormgutijaksavullo pigijaksasiarijomavavut Jordanib miksâne.

Numbers 34:14

Kinguvârêt Rubenekut atâtamik iglungit maliklugit, kinguvârêlo Gadekut atâtamik iglungit maliklugit, kinguvârêllo Manassekut abvangit pisimajarêrmatta kingormgutijaksamingnik;

Numbers 34:15

Kinguvârêt magguit abvalo pisimajarêrput kingormgutijaksamingnik Jordanib miksâne Jerikome unane, seᴋerngûb nuiviata nelâne.

Deuteronomy 29:8

Nunangallo tiguvavut tunilugollo kingormgutijaksautilugo Rubenekunut, Gadekunullo, Manassekullo kinguvârêngita abvanginut.

Josua 12:1

Tamadsa nunab attanertangit Israelitit ullimarlauktangit aksarnivigijangillo nunanginik Jordanib akkiane kittane, kongmit Arnonemetomit ᴋaᴋᴋak Hermon tikkilugo, naternarlo illunât kittâne.

Josua 12:6

Mosesib Nalekab kivgangata Israeliblo ᴋittorngangita ullimarlaukpait. Mosesiblo Nalekab kivgangata tunnilaukpait perᴋutautilugit Rubenakunut Gadekunullo, kinguvarrêllo Manassekut ᴋetterᴋanginut.

Josua 14:3

Kinguvarêlle maggoit kinguvarêllo attautsit ketterᴋangit Mosesib kingormgutijaksamik tunnitsivigilaukpait Jordanib akkiane. Levitille kingormgutijaksamik tunnitsivigilaungilait tapkoa akkorngane.

Josua 22:4

Nalekab Gudipse manna ᴋattangutise merngoêrservingmut âtsarêrmagit sorlo okarvigilaungmagit, tagva sanguleritse manna, ailuselo iglupsingnut, kingormgutijapse nunanganut, Mosesib Nalekab kivgangata tunnilauktanganut illipsingnut Jordanib akkiane.

Josua 22:7

Mosesib kinguvarêt Manassekut ketterᴋangit tunnitsivigilaukpait Basaneme, ketterᴋangillo aipaingit Josuab tunitsivigivait ᴋattangutingita akkorngane Jordanib miksâne kangiane. Aularᴋolaungmagillo iglunginut, saimarlauᴋârlugillo,

I Samuel 13:7

Ebreerille aivut Jordane ikârlugo Gadekut nunanganut, Gileademullo. Saulele Gilgalemetuarpok sulle, innuksuillo illunatik tamna malliklugo maksuajungnailerput.