Numbers 32:29 - Labrador Inuttitut Heritage Bible

²⁹ Mosesiblo oᴋautivait: Gadib kinguvângita Rubeniblo kinguvângita ilagiluse Jordan ikarniarpatsuk, angutît ilûnatik sakkolijartut unatarnermut, Nâlekab sângane, nunalo sâlagijaukpat sâpsingne; tagva nuna Gileade tuniniarpase tâpkonunga perᴋutauᴋovlugo;

Numbers 32:29 Iomraidhean Croise

Numbers 32:17

Uvagulle sakkogiluta atuinaujomavogut Israêlikut sivorleromavlugit tikiutiᴋârtinagit nunagijaksanginut; ᴋitorngavullo iniksaᴋarniarput iglugasaksoarne avalulingne nunab inungit pivlugit.

Numbers 32:28

Taimaimat Mosesib Eliasar ajoᴋertuijoᴋ, Josualo, Nunib erninga, Israêlikullo kinguvârêngita angajoᴋângit erᴋanarnerpât perᴋovait tâpkoa pitjutigilugit.

Numbers 32:30

Sakkolijarlutigle ikârᴋatigijomangipase, tagva akunapsingne pigijaksaᴋartuksauvut nuname Kanaaneme.

Josua 12:6

Mosesib Nalekab kivgangata Israeliblo ᴋittorngangita ullimarlaukpait. Mosesiblo Nalekab kivgangata tunnilaukpait perᴋutautilugit Rubenakunut Gadekunullo, kinguvarrêllo Manassekut ᴋetterᴋanginut.

Josua 13:11

Tappilugillo Gilead, Gesuriblo Maachatiblo kiglilervigik, ᴋaᴋᴋarlo Hermon illunât, Basanelo illunât Salcha tikkilugo;

Josua 14:3

Kinguvarêlle maggoit kinguvarêllo attautsit ketterᴋangit Mosesib kingormgutijaksamik tunnitsivigilaukpait Jordanib akkiane. Levitille kingormgutijaksamik tunnitsivigilaungilait tapkoa akkorngane.

Josua 18:7

Levitille ikkupiaᴋangilat akkunapsingne, Nalekable ajochertuiviksanga kingormgutigivât. Gadekulle Rubenakullo, kinguvarêllo Manassekut ketterᴋangit ikkupiangmingnik pijarêrput Jordanib akkiane kittane, Mosesib Nalekab kivgangata tunnilauktanganik tapkonunga.

Josua 22:9

Taimak Rubenakut Gadekullo, kinguvarêllo Manassekut ketterᴋangit utterput, aularlutiglo Israêlib ᴋittornganginit Silomit, Kanaanib nunanganetomit, aiᴋovlugit nunamut Gileademik attelingmut, nunamut kingormgutijamingnut, kenuarijamingnut Nalekab perᴋojininga malliklugo Mosesekut.

Idluarsaijut 10:3

Tapsoma kingorngane makkilerpok Jair, Gileademiok, idluarsailunelo Israelitinik jârinik 22 ginik;

I Samuel 18:17

Saulelo Davidemut oᴋarpok: Ahâk, panniga angajudlek Merobe tunnijomavara illingnut, nulliangôᴋovlugo illingnut; sivurajuituinarit, aulatsilerlutillo Nalekab unatadlarninginik. Saule issumaᴋalaurame: Aggama âktoraksaringilât, Filisterille aggangita.