Numbers 32:13 - Labrador Inuttitut Heritage Bible

¹³ Nâlekablo ningarninga katsungaipoᴋ Israêlikunut, utitarᴋattarlutiglo arvertartipait sunaᴋajuitome jârit 40 nâvlugit, kinguvârêt tâpkoa idluitulilauᴋtut Nâlekab takkoane nungutauᴋârtinagit.

Numbers 32:13 Iomraidhean Croise

Imgerut 107:4

Tammarlutik arvertalauktut sunaᴋangitome apᴋosiniôlungitome, iglugasaksoasilauratiglo igloᴋarvigijungnartamingnik;

Imgerut 78:33

Tamanna pivlugo maungatuinak toᴋᴋolaukpait, sunamik anguserᴋonagit, inôtsitiglo nâvlugit kappiasugariaᴋalaukput.

Imgerut 95:10

Jârinnik 40ginnik innuᴋattigêt taipkoa ᴋuvianailijutigilaukpakka, oᴋarlungalo: Inûvut ômattiggit apᴋome tammarnartome arvertaromatsainartunnik; apᴋosinikkalo illiniaromalaungilait.

Exodus 16:35

Israêlikullo nerrivut Mannanik jârit 40 nâvlugit, tikkerᴋârtinagit nunamut inulingmut; nerrivut Mannanik tikkerᴋârtinagit nunab Kânaanib kiglinganut.

Amos 2:10

Majorartilaukpapselo nunamit Egiptenemit, inuᴋajuitokullo tesiolaukpapse jârit 40 nâvlugit, Amoriterit nunangat perᴋutigilugo piᴋovluse.

Amos 2:9

Sivurânginele Amoriterit nungulaukpakka, tâpkoa napârtotut Sideretut poᴋtotigilaukput, sôngotigilutiglo napârtotut sitijuksajatut; paungangille asserolaukpakka pângat, amângillo unangat.

Numbers 14:32

Ilipsele timise toᴋungalârput sunaᴋajuitome tamattomane.

I Korintemiunut 10:5

Unuktulle tâpkonangat Gûdib ᴋuviagilaungilait; taimaimat inôjungnaititaulaukput inuᴋajuitome.

Deuteronomy 2:7

Nâlekab Gûdivit pilluangorᴋosimangmatit aggakpît piniarningine tamaine; ingergarnît sunaᴋajuitokut mattomûna ilisimavâ; jârit makkoa 40 nâvlugit Nâlekab Gûdivît najorpatit; sumiglônêt ajoksalungilatit.

Idluarsaijut 2:14

Taimak tagva Nâlekab ningarninga ilûngertudlalaukpok Israelitit pivlugit, tunnivaillo arktainiktut tapkoninga agganginut, aksarniᴋovlugit tapkoninga, niorvgutigivaillo omigijingita avatânetut agganginut. Akkerartorungnarungnailaukpaillo omigijitik;

Idluarsaijut 2:20

Tamânna pivlugo Nâlekab ningarninga ilûngertulerlaukpok Israelitit pivlugit, oᴋarᴋovlugo: Inugasaksuit ukkoa angernera tappagilaungmatsuk atâtagijanginut perᴋolauktara, nippigalo Nâlelungimatsuk,