Numbers 31:29 - Labrador Inuttitut Heritage Bible

²⁹ Tâpkoa abvanginit tigukit, tunilugillo Eliasaremut ajoᴋertuijomut, tunergutiksauᴋovlugit isautijauᴋattartut Nâlekamut.

Numbers 31:29 Iomraidhean Croise

Exodus 29:27

Ivsornaititaksarivatillo sakiangit tunergutaujut isautijauᴋatartut, talerlo tunergutaujok isautijaujok ᴋongmut, isautijauᴋatartok isautijaujorlo ᴋongmut Angusâlormit ivsornaijutiksaujomit, Aronemut erninginullo ilingajomit:

Numbers 18:26

Levikut oᴋarvigijaksarivatit oᴋautilugillo: Tigusigupse Israêlikut perᴋutingita tellimaujoanik kingormgutijaksautitamnik ilipsingnut tâpkonangat, tunitjijuksauvose ilanganik, tellimaujoab tellimaujoanik, tunergutiksamik ᴋongmut isautijaksamik Nâlekamut.

Numbers 18:28

Taimaidluse tunitjilârivose tunergutiksanik ᴋongmut isautijaksamik Nâlekamut tellimaujoanit pijapsingnit Israêlikunit; tagvangallo tunitjijuksauvose Nâlekab tunergusiarijaksanganik ᴋongmut isautijaksamik Aronemut ajoᴋertuijomut.

Numbers 31:28

Nâlekable ilangiusiarijaksanganik tigusigit sorᴋsuktuksanit unatarnermut ailauᴋtunit; tamât atautsemik 500nit, inungnit, tuktuvangnillo, siuteᴋortojunillo, saukanillo;

Numbers 31:30

Israêlikullo abvanginit tigusijuksauvotit atautsemik 50nit tamainit, inungnit, tuktuvangnillo, siuteᴋortojunillo, saukanillo, tagva nergjutinit tamainit, tunilugillo Levikunut, Nâlekab tupinganik udjertortunut.

Deuteronomy 12:12

ᴋuviasudlartuksauvoselo Nâlekab Gûdipse sângane, ilipse, erniselo, paniselo, kivgaselo angutit, kivgaselo arnat, Levikullo itertarvipsingnêtut, tâpkoa avigaksarsiᴋatigilungimase kingormgutijaksarsiᴋatigingimaselônêt.

Deuteronomy 12:19

Udjertorit Levitiojok ᴋemadlartauᴋonago nunavit ᴋângane inôtilutit.