Numbers 31:28 - Labrador Inuttitut Heritage Bible

²⁸ Nâlekable ilangiusiarijaksanganik tigusigit sorᴋsuktuksanit unatarnermut ailauᴋtunit; tamât atautsemik 500nit, inungnit, tuktuvangnillo, siuteᴋortojunillo, saukanillo;

Numbers 31:28 Iomraidhean Croise

Genesis 14:20

Gûdelo ᴋotsingnerôjoᴋ nakorijaule, sorsugvigijarnik tunitjijoᴋ aggangnut. Abrablo tâmna tunitjivigivâ tigujame ilûnatik tallimaujoanik.

I Kronika 18:11

Tamakkoalotauk atanniub Davidib Silberit Goldillo inuᴋattigêksoarnit, tagva Edomiterinit, Moabiterinillo, Amoniterinillo, Filisterinillo, Amalekiterinillo, tigulauktangit ilaliudlugit perᴋotautipait Nalekamut.

II Kronika 15:11

Tunnijilutiglo uvlorme taipsomane tunnergutinik Nalekamut aksarnigavinernit tikkiutilauktamingnit, tuktuvait angusallunginik 700 dinik, saukaniglo 7,000 dinik.

Jesaiase 18:7

Tamanna nalliutilerpat, tunergutiksat ᴋaitaujomârput ᴋilangmiugasaksuit Nâlegangannut: nunaᴋatigêt angijut mingoarsimajullo, nunaᴋatigêt erᴋsinartut itsaᴋsoarnit mãnamut, nunaᴋatigêt aksorôdjijut asserorsaijut, nunaᴋartut kôksoaᴋtalingme — ᴋilangmiugasaksuit Nâlegangata attingata opigijauvianut, Zionib ᴋaᴋᴋanganut.

Jesaiase 23:18

Niuviangille piksarsiangillo tunergutaujomârput Nâlekamut; ᴋematullivingmut illijaujomângilat torᴋortaunatiglo, Nâlekable sângane inôjut pijomârput niuvianginik, nerᴋiksaᴋarᴋovlugit nãmaktomik annorâtsiaᴋarᴋovlugillo.

Jesaiase 60:9

Illa, ᴋikkertat utaᴋᴋivânga, umiaᴋsuillo Tarsusemẽtut sivorliovut, ᴋitorngatit tamaungartitsomavlugit ungasiktomit, silbereᴋotitik goldeᴋotitiglo naksarlugit Nâlekab Gûdivit attinga pitjutigivlugo, ivlernartitorlo Israêlikkune pitjutigivlugo, ânanausingmattit.

Numbers 18:21

Levikunullo ahâk Israêlikut perᴋutingita tellimaujungit tamaita kingormgutijaksautisimavakka, akkiksauᴋovlugit kivgartorninginut piniarnerijanginut ilagêktut tupingane.

Numbers 18:26

Levikut oᴋarvigijaksarivatit oᴋautilugillo: Tigusigupse Israêlikut perᴋutingita tellimaujoanik kingormgutijaksautitamnik ilipsingnut tâpkonangat, tunitjijuksauvose ilanganik, tellimaujoab tellimaujoanik, tunergutiksamik ᴋongmut isautijaksamik Nâlekamut.

Numbers 31:29

Tâpkoa abvanginit tigukit, tunilugillo Eliasaremut ajoᴋertuijomut, tunergutiksauᴋovlugit isautijauᴋattartut Nâlekamut.

Numbers 31:30

Israêlikullo abvanginit tigusijuksauvotit atautsemik 50nit tamainit, inungnit, tuktuvangnillo, siuteᴋortojunillo, saukanillo, tagva nergjutinit tamainit, tunilugillo Levikunut, Nâlekab tupinganik udjertortunut.

Numbers 31:47

Israêlikut abvasiarijanginit Mosese tigusivoᴋ tamât atautsemik 50nit, inungnillo nergjutinillo, tunilugillo Levikunut udjertortunut Nâlekab tupinganik; sôrlo Nâlekab Mosese perᴋongmago.

Mattêuse 22:21

Kiovât: Ataniviksûb. Tagva oᴋautivait. Taimaimat ataniviksoarmut tunisiuk ataniviksûb pinga, Gûdemullo Gûdib pinga.

Josua 6:19

Silberele, Goldelo tamaita, illulerkutit kannujat kikkiello illaliudlugit ivsornaititaksauvut Nalekamut, pilerᴋovlugit Nalekab ivlernartoᴋotinginnut.

Josua 6:24

Iglugasaksuille ikkipait ikkomamut, illuanetullo tamaita illaliudlugit. Silberele Goldelo, illulerᴋutillo kannujat kikkiello pitipait ivlernartunnut Nalekab iglunganut.

Josua 9:27

Taimak Josuab uvlorme taipsomane ᴋitsiortungortilaukpait, imertartungortilugillo illagêktunut, Nalekablo Altaringanut uvlok tamanna tikkilugo, iniksame anneriniartamine (Altaremut).