Numbers 30:8 - Labrador Inuttitut Heritage Bible

⁸ Uingatale inerterpago uvlorme tusarvigijamine tâpsominga, tagva angermaringninga erᴋsuktanga, oᴋausingalo silainartoᴋ, ᴋaninganit anijoᴋ, ᴋelaksûtigijanga tarniminik, sunaungititaksarivâ, Nâlekablo issumagijungnaiviginiarpâ.

Numbers 30:8 Iomraidhean Croise

Genesis 3:16

Arnamullo oᴋarpoᴋ: Anernartomik ikpigititsomârpagit singailerangavit, âniadlarlutillo ernisugomârpotit, uillo kajungerijomârpat, tâmnale nâlegaujomârpoᴋ illingnut.

Jeremia 44:19

Isserluanititsilauraptalo arnamut ᴋilaub ataninganut, kovisigaptalo tunergutinik imiksanik tâpsomunga, ᴋaᴋᴋôjaliolauᴋitâ tâmna adsilivlugo, kovisilauᴋitâlo tunergutinik imiksanik tâpsomunga, uivut ᴋaujitinagît?

Leviticus 5:4

Udjertorluganelônêt angermariktoᴋarpat idluitulijomavlune idluartulijomavlunelônêt, sunaugaloarpat inûb angerutigijanga udjertorlugane angerutigikpago, nalovlune, ᴋaujimaleruniuk, pasijaksaulârpok tâpkoa naliat pivlugo;

Numbers 30:5

Atâtangatale inerterpago uvlorme tusarvigijamine, angerningita tarnimelônêt ᴋelaksûtigijangita neliat soᴋosingituksaungilaᴋ; Nâlekablo issumagijungnaiviginiarpâ, atâtangata inertermago.

Numbers 30:7

Uingatalo tusarpago inertertaililugolo uvlorme tusarvigijamine, tagva angerningit soᴋosingituksauvut, oᴋausingillo ᴋelaksûtigijangit tarniminik soᴋosingituksauvut.

Numbers 30:9

Uigarnerûble avitaumajûblônêt angermaringninga, tarniminiglo ᴋelaksûtigijanga sunaugaloarpat, soᴋosingituksauvoᴋ.

I Korintemiunut 14:34

Arnase nippangerlit katimavingme; oᴋâlanermik perᴋojautsangimatta, nâlektuksautuinarlutigle, sorlo perᴋojattauk oᴋarmatta.

I Korintemiunut 7:4

Uilik timiminut ataniungilak, uingale; taimâktauk nulialik timiminut ataniunginivok, nuliangale.

I Samuel 1:23

Elkanab, uingata oᴋautiva: Taimailiorit sorlo namagijaungmat illingnut, nokᴋangarit amâmaktitsijungnaiᴋârtinnak tâpsominga; Nalekable oᴋauserilauktane nallautsitilerligit. Taimak arnak paivok, erninelo amâmaktipa, amâmaktitsijungnaiᴋârtinago tapsominga.