Numbers 30:13 - Labrador Inuttitut Heritage Bible

¹³ Angermaringnerit tamaita, oᴋautsillo ᴋelaksûtaujut oᴋumaiksartitsijut tarnemik tamaita, uingata maliktauᴋojungnarpait inerterutigijungnarpaillônêt.

Numbers 30:13 Iomraidhean Croise

Esra 8:21

Tagvanelo kôngme Ahevametome nerritailinek akpautigijauᴋovara, nikkanarsarluta Gudipta sângane piᴋovluta, ᴋennerluta tapsomangat apᴋomik tammarnangitomik uvaptingnut ᴋittorngaptingnullo, perᴋutiptingnullo tamainut.

Imgerut 35:13

Uvangale ᴋanimalaurangatta annorângmik pôksaijamik attilaukpunga, oᴋumaitilungalo nerritailinermut, tuksiatsainalauktungalo illungertorlunga.

Jesaiase 58:5

Tamannauvâ nerritailineᴋ anerijara, uvloᴋ inûb piojorijungnairtitsivia tarniminik, okkungajoᴋarpat iviksoatut, pititsijoᴋarpat pôksajanik argjaniglo attiminut? Tamanna taijomaviûk nerritailinermik uvlormiglo Nâlekab ᴋuviagijanganik?

Leviticus 16:29

Tamadjalo iluserijaksarivase soᴋosijuitomik, takᴋit seveningita uvlungita teningane tarnise nikanarsartitaksarivase suliaᴋartaililuselo sunamiglônêt, mânemiorlônêt tujormijarlônêt akunapsingnêtok;

Leviticus 23:27

Takᴋille seveningata uvlungita teningane uvlok ulapirᴋsartauviksak naliutivok; opinadlartomik katimaniksaᴋartuksauvose, tarniselo manigôtititaksarivase; tunergusertuksauvoselo tunergutimik ikomakut Nâlekamut.

Leviticus 23:32

Sabbateojuksauvok merngoerserviksak kuksasungnartok ilipsingnut, tarniselo manigôtititaksarivase: takᴋiub uvlungita 9ingane unnungme, unungmit unungmut sabbatesiortuksauvose.

Numbers 29:7

Takkillo seveningata tâpsoma uvlungita teningane, katimaniksaᴋartuksauvose opinadlartomik; oᴋumaitomik suliaᴋartailijuksauvose, uvloᴋsiortuksauvoselo Nâlekamut uvlut sevenit nâvlugit;

Numbers 30:12

Uingatale sulingitilauᴋpagit nelautsititaksaujungnaitilugillo uvlorme tusarvigijamine tâpkoninga, tagva anilauᴋtut ilûnatik ᴋaninganit angermaringningit pitjutigilugit, ᴋelaᴋsûtillo tarniminik pitjutigilugit, soᴋosertuksauvut; uingata sulingitipait; Nâlekablo issumagijungnaiviginiarpâ.

Numbers 30:14

Uingatale uvlormit uvlormut nipangervigênarpago, tagva palangatipait angermaringningit tamaita, ᴋelaksûtingillo erᴋsuktangit tamaita; palangatipait nipangervigingmago uvlorme tusarvigijamine tâpkoninga.

I Korintemiunut 11:3

ᴋaujimaᴋovapsele, angutit naliatalônêt Kristûse niaᴋoringmago, arnable angut niaᴋorivâ, Kristûsible Gûde niaᴋorivâ.

I Korintemiunut 11:9

Angut pingortisimanginivok arnak pivlugo, arnarle angut pivlugo.

I Korintemiunut 7:5

Avisârtoᴋarniarane aiparminit; kissiane tamaptik sivikitomik pijomavlutik issumaᴋaᴋatigêkuptik, nerritailinermut tuksiarnermullo piviksaᴋarᴋovlutik; ama katingmigitik, Sâtanasemut ôktorluktaukonatik, ikliguktailinek ajorapsiuk.