Numbers 30:12 - Labrador Inuttitut Heritage Bible

¹² Uingatale sulingitilauᴋpagit nelautsititaksaujungnaitilugillo uvlorme tusarvigijamine tâpkoninga, tagva anilauᴋtut ilûnatik ᴋaninganit angermaringningit pitjutigilugit, ᴋelaᴋsûtillo tarniminik pitjutigilugit, soᴋosertuksauvut; uingata sulingitipait; Nâlekablo issumagijungnaiviginiarpâ.

Numbers 30:12 Iomraidhean Croise

Jeremia 44:17

Oᴋautsille tamaita ᴋaniptingnit anitavut nâmaksititsomavavut; isserluanititsijomavluta tipigiksautinik ᴋilaub ataninganut arnamut, kovisijomavluta tunergutiksanik imiksanik tâpsomunga, sorlo piniarêrapta uvagut atâtavullo, atanivut angajoᴋâvullo, Judab iglugasaksoangine, Jerusalemiblo apᴋosineâlungine; taipsomane amigangitunik nerᴋiksaᴋalaurapta ᴋanoengitsialauᴋpogullo, idluitomiglo takolugata.

Jeremia 44:19

Isserluanititsilauraptalo arnamut ᴋilaub ataninganut, kovisigaptalo tunergutinik imiksanik tâpsomunga, ᴋaᴋᴋôjaliolauᴋitâ tâmna adsilivlugo, kovisilauᴋitâlo tunergutinik imiksanik tâpsomunga, uivut ᴋaujitinagît?

Numbers 15:25

Ajoᴋertuijûblo Israêlikut ilagêktoᴋsôningit ilûnaita ulapᴋoseraksarivait, issumagijungnaiviolârpullo; tammatoviniolaungmat, âtsimattalo tunergutiksamingnik, tunergutiksamik ikomakut Nâlekamut, tunergutiksamingniglo ajortoêrutiksamik Nâlekab sânganut, tammarnitik pivlugo.

Numbers 15:28

Ajoᴋertuijûblo idluitulijoᴋ ulapᴋoseraksarivâ, pijâringitomik idluitulilerpat Nâlekab sângane, ulapirᴋsartauᴋovlugo; issumagijungnaiviolârporlo.

Numbers 30:11

Uigilauᴋtangatalo tusalauᴋpago, nipangervigilugolo inerterlaungipago, tagva angermaringningit ilûnatik soᴋosingituksauvut, oᴋausingillo ᴋelaksûtigijangit tarniminik soᴋosingituksauvut.

Numbers 30:13

Angermaringnerit tamaita, oᴋautsillo ᴋelaksûtaujut oᴋumaiksartitsijut tarnemik tamaita, uingata maliktauᴋojungnarpait inerterutigijungnarpaillônêt.

Numbers 30:5

Atâtangatale inerterpago uvlorme tusarvigijamine, angerningita tarnimelônêt ᴋelaksûtigijangita neliat soᴋosingituksaungilaᴋ; Nâlekablo issumagijungnaiviginiarpâ, atâtangata inertermago.

Numbers 30:8

Uingatale inerterpago uvlorme tusarvigijamine tâpsominga, tagva angermaringninga erᴋsuktanga, oᴋausingalo silainartoᴋ, ᴋaninganit anijoᴋ, ᴋelaksûtigijanga tarniminik, sunaungititaksarivâ, Nâlekablo issumagijungnaiviginiarpâ.

I Korintemiunut 11:3

ᴋaujimaᴋovapsele, angutit naliatalônêt Kristûse niaᴋoringmago, arnable angut niaᴋorivâ, Kristûsible Gûde niaᴋorivâ.

I Samuel 1:23

Elkanab, uingata oᴋautiva: Taimailiorit sorlo namagijaungmat illingnut, nokᴋangarit amâmaktitsijungnaiᴋârtinnak tâpsominga; Nalekable oᴋauserilauktane nallautsitilerligit. Taimak arnak paivok, erninelo amâmaktipa, amâmaktitsijungnaiᴋârtinago tapsominga.