Numbers 3:13 - Labrador Inuttitut Heritage Bible

¹³ Erniangoᴋârtut tamaita perᴋutigigapkit, uvlorme taipsomane erniangoᴋârtut tamaita nuname Egipteneme anaulaurapkit, erniangoᴋârtut ilûnaita inungnelo nergjutinelo Israêleme annerilauᴋpakka; perᴋutaujuksauvut uvamnut; Uvangauvunga Nâlegaᴋ.

Numbers 3:13 Iomraidhean Croise

Nehemia 10:36

Ernivullo erneriᴋârtavut, nergjuteᴋotiptalo Erniariᴋârtangit, sôrlo aglaksimangmat malligaksane, Tuktuvaᴋotiptalo, saugaᴋotiptalo erniariᴋârtangit, tamakkoa tamaita âtaksarigaptigik ajoᴋertuijunut, Gûdib iglungane kivgartortunut.

Exodus 13:12

Ilingatitaksarivatit Nâlekamut tamaita angmaijut igliarmik, nergjuteᴋotivillo erniarirᴋârtangit tamaita; angutaujut perᴋutaujuksauvut Nâlekamut.

Exodus 13:15

Faraublo ᴋununermut aularᴋojomangimatigut, Nâlekab toᴋorarpait erniangorᴋârtut tamaita nuname Egipteneme, inuit erniarirᴋârtangit nergjutillo erniarirᴋârtangit: Tamanna pivlugo tunergutigivakka Nâlekamut angutaujut tamaita angmaijut igliarmik; ᴋitorngamale erniarirᴋârtangit taukserlugit uttertipakka.

Exodus 13:2

Ivlernartikit uvamnut erniangorᴋârtut tamaita, igliarmik angmaijut tamaita Israêlikune, inungnelo nergjutinelo: Uvanga pigivakka.

Exodus 22:29

Mulludlartuksaungilatit paungavit innertut, imiksavillo sivorlerpângit tunerguserilugit; ernivillo angajuklingat tunijaksarivat uvamnut.

Exodus 34:19

Igliarmik angmaijut ilûnnaita perᴋutigivakka; nergjutivillo erniarirᴋârtangit angutaujut tamaita, tuktuvaglônêt saugarlônêt.

Hesekiel 44:30

Sunatuinaillo pijariorutingita sivorlerpângit, tunijaujullo ilûnatik sunatuinaujut, tunergutise ilûnatik, ajoᴋertuijut pigijaksarivait; senaugapselo pijariorutingit tunijaksarivase ajoᴋertuijunut, saimanartoᴋ iniᴋatsainarᴋovlugo iglupsingne.

Leviticus 27:26

Nergjutille pijariorutingit, pijariorutiksautitaujut Nâlekamut, tunergutiksautitaujuksaungilat; tuktuvaumangâllônêt saugaumangâllônêt, Nâlekab perᴋutigivâ.

Numbers 18:15

Igliamik angmaijut uvinilingne tamaine tunijaujut Nâlekamut, inômangât nergjuteomangâllônêt, perᴋutiginiarpatit; erniangoᴋârtorlo inungne pisiarijaksarivat, nergjutillo ivsornartut erniariᴋârtangit pisiarijaksarivatit.

Numbers 18:6

Uvangalo, ahâk, ᴋatangutise Levikut tiguvakka Israêlikut akornganit; ilipsingnut tunergusiangovut tunijaumajut Nâlekamut, kivgartorᴋovlugit ilagêktut tupingane.

Numbers 3:41

Levikullo ingmigolingatitaksarivatit uvamnut, (Uvangaugama Nâlegaᴋ) erniangoᴋârtut ilûnaita Israêlib ᴋitorngangine simerlugit; Levikullo nergjuteᴋotingit, pijariorutit Israêlib ᴋitorngangita nergjuteᴋotingine simerlugit.

Numbers 33:4

Egiptenemiut iluversitilugit erniariᴋârtamingnik, Nâlekab toᴋotanginik tâpkonane; gudingoangillotauᴋ Nâlekab erᴋartorivait.

Lukase 2:23

(Sorlo aglaksimangmat Nâlekab perᴋojangine: Angutiarsuit ᴋitorngingautit anânaminit anerᴋârtut tunijaksauvut Nâlekamut.)

Ebrêerinut 12:23

Erniangoᴋârtullo illagêngninginut, ᴋilangme aglaksimajunut, Gûdemullo tamainik erᴋartuijomut, idluartullo pijarêrsimajut anerninginut,