Numbers 3:10 - Labrador Inuttitut Heritage Bible

¹⁰ Aronelo erningillo ilijaksarivatit, tâpkoalo ivlersijuksauvut ajoᴋertuijônermingnik; takorngartarlo ᴋanilertoᴋ toᴋotaujuksauvoᴋ.

Numbers 3:10 Iomraidhean Croise

II Samuel 6:7

Tagva Nalekab Usa illungertorlune ningaumajarvigilerpa, Gudiblo annauva tagvane idluitullininga pivlugo, toᴋᴋoᴋovlugo Gudib iklervingata tungâne.

I Atannit 12:31

Iglomiglo igloliorpoktauk poktôjune, ajuᴋertuijungortitsivorlo inugasaksoarnit erᴋanangitonerpaujunit, Levib ᴋitornganginit pingitunik.

I Kronika 6:32

Kivgartorlutiglo iglub tupiub katimaviojub sângane imgerlutik, Salomo Nalekab iglunganik Jerusaleme igloliorᴋârtinnago, nangerlutiglo illuserijatik pinniarᴋojaunermingne malliklugit.

Nehemia 6:11

Uvangale oᴋarpunga: Angut uvaptun-îtok ᴋemâjuksauva? Angullo taimaitok uvaptut Tempelemut aijuksaunajarᴋa Inoᴋojomavlune? Kamungaromalungitunga.

Exodus 29:9

Tapseruseraksarivatillo tapserutinut, Arone erningillo, ilijivigivlugillo nasarluganik: tâpkoalo ajoᴋertuinermik suliaksaᴋalârput soraijuitomik: Aronelo erningillo ivsornaititaksarivatit.

Hesekiel 44:8

Pairᴋsitsialungilaselo pimnik ivsornaitunik, ilijivosele simmertiksapsingnik pairᴋsijuksanik pimnik ivsornaitovimne.

Leviticus 22:10

Takorngartak nerrijuksaungilak ivsornaitomik. Ajoᴋertuijûb najortigijanga kivgangalônêt attartugak nerrijuksaungilak tunergutinik ivsornaitunik.

Numbers 1:51

Tuperlo kigligiutjineᴋtalik nûtaugiaᴋarpat, Levikut kissimik nûgaksarivât, tuperlo aᴋiktaugiaᴋalermikpat, Levikut kissimik âᴋigaksarivât; takorngartablo ᴋanilerpago toᴋotaujuksauvoᴋ.

Numbers 16:10

ᴋanilertilaungmatillo, igvit ᴋatangutitillo ilûnaita Levib erningit ilagilugît? Ajoᴋertuineroneᴋ pinasuarᴋisiûktauᴋ?

Numbers 16:35

Ikomalo anivoᴋ Nâlekamit, nungutsilunelo angutinik ipkoninga 250nik tunergusertunik isserluanerutiksanik.

Numbers 16:40

Erᴋaumajutiksauᴋovlugo Israêlikunut, takorngartaᴋ, Aronib kinguvânginit pingitoᴋ, najorniᴋonago isserluanerutitsijomavlune Nâlekab sângane; ilingaᴋonago Koratut ilagijangititullo; sôrlo Nâlekab oᴋautilaungmago Mosesekut.

Numbers 18:3

Tâpkoalo udjertoraksarivâtit, udjertoraksarivâttauᴋ tupiub ilûnanga; kissiane najorniktuksaungilat ivsornaitoviub perᴋutinginik tunerguservingmiglo, tâpkoalo ilipselo toᴋoᴋonase.

Numbers 18:7

Igvillo ernitillo ilagilutit ajoᴋertuijônipsingnik udjertortuksauvose tunerguserviub perᴋutingit tamaita pivlugit upkûblo iluanêtut pivlugit; kivgartortuksauvoselo; ajoᴋertuijôneᴋ tunivara ilipsingnut perᴋutauᴋovlugo; takorngartarlo najorniktoᴋ toᴋotaujuksauvoᴋ.

Numbers 3:11

Nâlekablo Mosese oᴋarvigivâ, oᴋarlune:

Numbers 3:38

Moseselo Aronelo tâpsomalo erningit tangmârtuksauvut ilagêktut tupingata sângane kitâne seᴋiniub nuivingata nelâne, kamatsiarᴋovlugit ivsornaitoviub kivgartortaujariaᴋarninganik Israêlib ᴋitorngangit pivlugit; takorngartarlo ᴋanilertoᴋ tagvunga toᴋotaujuksauvoᴋ.

Rômiunut 12:7

Naliat nalautaijungnarune, okperneᴋ maliklugo (nalautaile). Naliat kivgartorteogune, kivgartutsiarle. Naliat ajoᴋertuigune, ajoᴋertûseᴋ atutsiarliuk.

Efêsusemiunut 2:19

Mâna tujormiangojungnailuselo takorngartaujungnairpose, ivjornaitulle kinguvânguᴋatigivâse, Gûdiblo iglungane iglomioᴋatauvluse;

Deuteronomy 18:5

Nâlekab Gûdivît anneringmago kinguvângoᴋatigêngnipsingnit tamainit, nangerᴋovlugo kivgartorluse Nâlekab atingane, tâmna erningillo soraijuitomik.

Ebrêerinut 8:4

Nunamêkunele ajoᴋertuijônajangilaᴋ; ajoᴋertuijut tagvanêngmatta, tunergusertut perᴋojat maliklugit.

Idluarsaijut 17:5

Angullo tamna Micha taimak igloᴋalaukpok Gûdelingmik, sanalunelo ikkiarmik ivsornaitovingmiglo, ernimelo illangat saimarsarpa, ajuᴋertuijoᴋovlugo tapsomunga.

I Samuel 6:19

Bethsemesemiullo illangit annaujauvut tamana pivlugo Nalekab iklervinga takkolaungmatsuk. Tapsomalo innuksoarnit annauvait 50,000 dit 70 gillo. Tagva innugatsuit kiksalerput Nalegak taimak unnuktigijunik toᴋᴋoᴋojilaungmat innugatsuit akkorngane.