Numbers 29:7 - Labrador Inuttitut Heritage Bible

⁷ Takkillo seveningata tâpsoma uvlungita teningane, katimaniksaᴋartuksauvose opinadlartomik; oᴋumaitomik suliaᴋartailijuksauvose, uvloᴋsiortuksauvoselo Nâlekamut uvlut sevenit nâvlugit;

Numbers 29:7 Iomraidhean Croise

Esra 8:21

Tagvanelo kôngme Ahevametome nerritailinek akpautigijauᴋovara, nikkanarsarluta Gudipta sângane piᴋovluta, ᴋennerluta tapsomangat apᴋomik tammarnangitomik uvaptingnut ᴋittorngaptingnullo, perᴋutiptingnullo tamainut.

Imgerut 35:13

Uvangale ᴋanimalaurangatta annorângmik pôksaijamik attilaukpunga, oᴋumaitilungalo nerritailinermut, tuksiatsainalauktungalo illungertorlunga.

Jesaiase 22:12

Nalliutomelo taipsomane Nâlegaᴋ, ᴋilangmiugasaksuit Nâlegangat ᴋearᴋojijomârpoᴋ ogguarᴋojivlunelo, sallimajoᴋarᴋojijomârpoᴋ pôksajaniglo annorâᴋartoᴋarᴋojivlune.

Saggaria 12:10

Dâvidiblo kinguvânginut Jerusalemiunullo kovijomârpara anernek saimanartitsijok ᴋenutitsijorlo; takojomârpullo kapilauktamingnik; ᴋeagijomârpâllo sorlo ernetuak ᴋeagijaungmat, ogguarutigijomârpâllo sorlo ᴋitorngak angajuklek oggorijaungmat.

Saggaria 7:3

Oᴋarᴋovlugillo ajoᴋertuijunut Gudib Zebaotib iglunganêtunut nâlautaijunullo oᴋarlutik: ᴋeajuksauvêk sulle takᴋit tallimangane, ingmigolingatilungalo uvamnik, sorlo pinialaurama jârit makoa sutaijartut nâvlugît?

Mattêuse 5:4

Piloridlarput kiksartut; manigortaujomârmatta.

Lukase 13:3

Aukârpunga; sâgiarniangikupsele, tamapsetauk taimâk asseroromârivose.

Lukase 13:5

Aukârpunga; sâgiarniangiᴋupsele tamapsetauk taimâk asseroromârivose.

Apostelit Piniarningit 27:9

Akunêdlalaurapta, umiaktornerlo mâna nangiarnalermat, nerrititailiviglo ᴋângiutilermat, Paulusib kaiblarpait,

Rômiunut 6:6

Kaujimavluta, tâpsoma inutoᴋavut kikiaktortauᴋatigingmago saningajolingmut, time, ajornerub pinga, atorungnairᴋovlugo, ajortomik kivgartorᴋonata kingorngane.

I Korintemiunut 9:27

Timigale aᴋtorsartidlarlugo kivgautipara, assimnut oᴋâlajunga nangminek egitaksaujomananga.