Numbers 29:39 - Labrador Inuttitut Heritage Bible

³⁹ Tamakkoa tunijaksarivase Nâlekamut uvloᴋsiorvipsingne, angerutigijase, pijârijomiglo tunergutigijase erᴋaginagit, tunergutigisigik ôtaksanik, tunergutigisigiglo nerᴋiksanik, tunergutigisigiglo imiksanik, tunergutigisigiglo ᴋujaliutiksanik.

Numbers 29:39 Iomraidhean Croise

I Kronika 23:31

Tunnergutiksallo ôtaksat ilûnaita tunnilugit Nalekamut Sabbatine, takᴋêlânelo uvloksiorvingnelo, unurningit sorlo pijariaᴋarmatta malliklugit, taimailiutsainarᴋovlugit Nalekab sângane;

II Kronika 31:14

Korelo Jemnab erninga Leviteôjok, udsertorte upkoamik kittanêtomik angajoᴋaulaukpok Gudib tunnergusianginut, pijarellune tunnijaulauktunut, aulailugit tunnergutit Nalekamut, ivsornainerpângôjunullo.

II Kronika 31:3

Attanniublo perᴋutime illangit tunniᴋattarpait tunnergutiksanut ôtaksanut uvlaksiutinut, unnuksiutinullo, tunnergutiksanullo ôtaksanut, Sabbatesiutinut, taᴋᴋêlasiutinullo, uvloksiorviksiutinullo; sorlo Nalekab perᴋojangine aglaksimangmat.

Esra 3:4

Uvloksiorlutiglo uvloksiorvingmik igloᴋarnermik akkerᴋunik milluᴋatalingnik, sorlo aglaksimangmat; tunnijilutiglo tunnergutinik ôtaksanik uvlut tamaita unnurningit, sorlo pijuksaungmatta, uvlut attunit tunnergutinginik,

Esra 3:5

Kingurnganelotauk tunninivait tunnergutit ôtaksat pitsainartuksat taᴋᴋêlanelo, Nalekablo uvloksiorvingine tamaine, ivsornaititaumajune, tunnergutillo pijarijut, tunnijangit pijarellutik Nalekamut.

Nehemia 10:33

Tagva ᴋakᴋojaksanut takkojaksanut, tunnergutiksanullo nerᴋiksanut uvlunut tamainut ilingajunut, tunnergutiksanullo otaksanut uvlunut tamainut, Sabbatinullo, takkêlanullo uvloksiorvingnullo ilingajunut, ivsornaititaumajunut, tunnergutiksanullo ajortoêrutiksanut, Israelitit ullapᴋosertauᴋovlugit, pinniaraksanullo tamainut Gûdipta iglungine.

Jesaiase 1:14

Taᴋᴋerub nutaulervingit (ivlerijase) uvloᴋsiorviselo tarnima ômigivait, tamakkoa oᴋumaigivakka, akkerartornagit merngortulerpunga.

Leviticus 23:2

Israêlib ᴋitorngangit oᴋarvigikit, oᴋautilugillo: Nâlekab uvloksiorvioᴋojangit katimaviksauᴋoniartase opinartunik, tamakkoangovut uvloksiorvioᴋojamnik.

Leviticus 23:28

Uvlormelo tâpsomane sumiglônêt suliaᴋartuksaungilase; uvlôngmat ulapirᴋsartauviksak, ulapᴋosertauᴋovluse Nâlekab Gûdipse sângane.

Leviticus 23:38

Nâlekab sabbateᴋotingit, tunergutiselo, angerutigijaselo tamaita, tunergutiselo opigosutiksat pijariutigijase tunivaktase Nâlekamut, tapilugit.

Leviticus 7:11

Tamadjalo perᴋojak tunergutiksak ᴋujaliutiksak tunergutaujok Nâlekamut pivlugo.

Amos 5:22

Ilâ, tunerguservigigaloarupsinga tunergutipsingnik ôtaksanik tunergutiniglo nerᴋiksanik, ilalioromangilakka; kamagijomangilakkalônêt tunergutise ᴋujalitiksat nergjutit ᴋoinijut.

Numbers 28:2

Israêlikut perᴋokit oᴋautilugilo: Piliusiaksakka, tunergutiksat ôtaksat ikomakut, tipitsiariksautiksat, tunijaksarivase uvamnut neliutsiarningane.

Numbers 29:38

Tuktungajomiglo angutimik atautsemik tunergutiksamik ajortoêrutiksamik; tunergutiksaᴋ ôtaksaᴋ soraijuitoᴋ, tunergutiksarlo nerᴋiksaᴋ, tunergutiksallo imiksat tâpsomunga ilingajut, tapilugit.

Numbers 29:40

Mosesiblo Israêlikut oᴋautivait tamainik Nâlekab unertutigijanginik Mosesemut.

Numbers 6:21

Tamadja perᴋojat apsimautijoᴋ angermariktoᴋ pivlugo, tunergutiksangalo ingmigôlingatinine nangminerminik Nâlekamut pivlugo, sapilungitanga tapiksautilugo; angernerijanga angerutigijanga maliklugo, taimailiortuksauvoᴋ perᴋojaᴋ ingmigôlingatitoᴋ pivlugo maliklugo.

I Korintemiunut 10:31

Taimaimat, nerrijarangapselônêt, imerangapselônêt, sumiglônêt piniarmangâpse, tamaita piniarsigik Gûde nertortauᴋovlugo.

Deuteronomy 12:6

Tagvungalo tunergutiksase ôtaksat, tunergutiselo toᴋotaksat, perᴋutipselo tellimaujoangit, aggapselo tunergutingit isautijaksat, angerutigijaselo, tunergutiselo pijârijut, tuktuvaᴋotipselo saugakotipselo pijariorutingit âtaksarivase;