Numbers 29:13 - Labrador Inuttitut Heritage Bible

¹³ Tunergusertuksauvoselo tunergutiksamik ôtaksamik, tunergutiksamik ikomakut, tipitsiariksautiksamik Nâlekamut; tuktuvangnik inôtsunik 13nik, saukângniglo angusâlûngnik maggûngnik, saugârsungniglo angutînik 14nik, atautsemik jârelingnik; ᴋanoetoᴋartuksaungilallo;

Numbers 29:13 Iomraidhean Croise

Esra 3:4

Uvloksiorlutiglo uvloksiorvingmik igloᴋarnermik akkerᴋunik milluᴋatalingnik, sorlo aglaksimangmat; tunnijilutiglo tunnergutinik ôtaksanik uvlut tamaita unnurningit, sorlo pijuksaungmatta, uvlut attunit tunnergutinginik,

Leviticus 1:3

Tunergutiksak ôtaksaukpat tuktuvangnit, tunergusertuksauvok angusâlormik ᴋanoêtoᴋangitomik: tunergutigijaksarivâ ilagêktut tupingata upkoangata sângane, ᴋuviagijauᴋovlugo Nâlekamut.

Numbers 28:11

Takkillo pigiarningine tunergusertuksauvose tunergutiksamik ôtaksamik Nâlekamut; tuktuvângnik inôtsûngnik maggûngnik, saugarmiglo angusalormik, saugârsungniglo angutinik sevenenik, atautsemik jârelingnik, ᴋanoetoᴋangitunik;

Numbers 28:19

Tunergusertuksauvosele tunergutiksamik ikomakut, tunergutiksamik ôtaksamik Nâlekamut; tuktuvângnik inôtsûngnik maggûngnik, saugarmiglo angusâlormik atautsemik, saugârsungniglo angutînik 7nik, atautsemik jârelingnik; ᴋanoetoᴋangitunik annerosuktuksauvose;

Numbers 28:27

Tunergutiksamigle ôtaksamik tunergusertuksauvose tipitsiariksautiksamik Nâlekamut; tuktuvângnik inôtsûngnik maggûngnik, saukamik angusâlormik atautsemik, saugârsungniglo angutinik sevenenik, atautsemik jârelingnik;

Numbers 29:12

Takkillo 7ingita uvlungita 15ingane katimaniksaᴋartuksauvose opinadlartomik; oᴋumaitomik suliaᴋartailijuksauvose, uvloᴋsiortuksauvoselo Nâlekamut uvlut 7 nâvlugit;

Numbers 29:14

Tunergutiksamiglo nerᴋiksamik tâpkoa ilaksanginik, senaugatsiarmik orᴋsumut akᴋusimajomik, tellimaujoanik pingasunik tuktuvangmut atautsemut tuktuvait 13 ilûnatik nâvlugit, tellimaujoângnik maggûngnik saukângnut tamangnut atunit.

Numbers 29:2

Tunergusertuksauvoselo tunergutiksamik ôtaksamik tipitsiariksautiksamik Nâlekamut; tuktuvangmik inôtsungmik atautsemik, saukamik angusâlormik atautsemik, saugârsungnik angutinik sevenenik, atautsemik jârelingnik, ᴋanoetoᴋangitunik;

Numbers 29:8

Tunergutiksamigle ôtaksamik tunergusertuksauvose tipitsiariksautiksamik Nâlekamut; tuktuvangmik inôtsungmik atautsemik, saukamiglo angusâlomik atautsemik, saugârsungniglo angutinik 7nik, atautsemik jârelingnik ᴋanoetoᴋangitunik annerosuktuksauvose;

Rômiunut 12:1

Taimaimat kaiblarpapse, ᴋatangutikka, Gûdib nâpkiningninga pivlugo, timise tunisigik tunergutiksatut ômajotut, ivjornaitotut Gûdemullo ᴋuviagijaujotut; taimailiorupse, Gûde tukkeᴋartomik kivgartutsiarpase (anernerme.)