Numbers 28:7 - Labrador Inuttitut Heritage Bible

⁷ Tunergutiksamiglo imiksamik ilakartuksauvok kinib sitamanganik saugârsungmut atautsemut; ivsornaitovingme kovisijuksauvotit tunergutiksamik imiksamik pitsartujomik Nâlekamut.

Numbers 28:7 Iomraidhean Croise

Exodus 29:40

Saugârsuglo aipâ ilagivlugo sanaugarmik îfab tallimaujoanik akkusimajomik orksumut kaugaktamut hinib sitamanganik; vainemiglo hinib sitamanganik tunergutiksauvlune imiksamik.

Exodus 29:42

Tamanna tunergutiksauvok ôtaksak soraijuitok kinguvâksapsigut tupiub kigligiutjineliub pângane Nâlekab sângane: Tagvane naipitsomavagit oᴋaᴋatigivlutillo.

Exodus 30:9

Tipigiksaumik takorngartamik tunergusertuksaungilase ᴋângane tunergutimiglônêt ôtaksamik, tunergutimiglônêt nerᴋêjamik; kovisivigijaksaringilaselônêt tunergutimik imiksamik.

Jesaiase 57:6

Kôt ujaraᴋtangit anerivattit pinnârivlugillo; taipkonunga tunergutiksanik imiksanik kovisivotit, tunergutiksanik nerᴋiksanik âtsivotit taipkonunga. Tamanna manigorutigijaksarivigô?

Joel 1:13

Kaigitse, poksajanik atisileritse, ogguarluselo, ilipse ajoᴋertuijose; ᴋeadlaritse, ilipse kivgartortose tunerguservingme; ᴋaigitse, poksajanik atisimavluse, inangagitse unnuaᴋ nâvlugo, ilipse kivgartortose Gudimnik; senaugaᴋ tunergutiksaᴋ, tunergutiksarlo imiksaᴋ ᴋaitaujungnairmatta Gudipse iglunganut.

Joel 1:9

Tunergutiksaᴋ nerᴋiksaᴋ tunergutiksarlo imiksaᴋ noᴋartitauvuk Nâlekab iglunganit; ajoᴋertuijut, Nâlekab kivgangit, ogguarput.

Joel 2:14

Kina ᴋaujimavâ anusingorniangimangât issumatârlunelo, ᴋemainiangimangâllo saimanartomik kingunermine, tunergutiksamik nerᴋiksamik tunergutiksamiglo imiksamik Nâlekamut Gudipsingnût?

Leviticus 1:9

Erᴋavingille niungillo ergortoraksarivait imermut; ajoᴋertuijûblo ôtitaksarivâ ilûnât tunerguservingme, tunergutautilugillo ôtaksamik, tunergut ikomakut, tipitsiariktoᴋutaujok Nâlekamut.

Leviticus 23:13

Tâmnalo ilaᴋartuksauvok tunergutiksamik nerᴋiksamik sanaugamik piojomik efab tallimaujoa maggoertorlugo akusimatilugo orᴋsumut, tunergutiksamik ikomakut Nâlekamut tipitsiariksautiksamik; tunergutiksangalo imiksak vaineojuksauvok, hinib sitamanganik.

Numbers 15:10

Tunergutiksamiglo imiksamik tunitjijuksauvoᴋ vainemik hinib abvanganik, tunergutiksauᴋovlugo ikomakut, tipitsiariksautiksamik Nâlekamut.

Numbers 15:5

Vainemiglo tunergutiksamik imiksamik hinib sitamaulimajûb sitamanganik atuinaruterijuksauvoᴋ, tunergutiksaᴋ ôtaksaᴋ toᴋotaksarlônêt ilagilugo aipiujaksamik saugârsungmut atautsemut.

Numbers 15:7

Tunergutiksamiglo imiksamik tunitjijuksauvoᴋ vainemik hinib pingasôlimajûb pingajuanik, tipitsiariksautiksamik Nâlekamut.

Numbers 28:14

Tunergutiksangillo imiksat imaituksauvut: vainemik hinib abvanganik tuktuvangmut atautsemut, hiniblo pingajuanik saugarmut angusalormut, hiniblo sittamanganik saugârsungmut; tamadja tunergutiksaᴋ ôtaksaᴋ taᴋᴋine tamaine jârib taᴋᴋingit nâvlugit.

Numbers 28:31

Tunergutiksaᴋ ôtaksaᴋ soraijuitoᴋ tunergutiksarlo nerᴋiksaᴋ tâpsoma ilaksanga tapilugo, tunergutigijaksarivase (ᴋanoetoᴋangitunik annerosuktuksauvose), tâpkoalo ilaksanginik tunergutiksanik imiksanik.

Numbers 28:6

Tunergutiksauvoᴋ ôtaksamik soraijuitomik, aulataulauᴋtomik ᴋaᴋᴋame Sinaime, tipagiktôvlune naimajominartoᴋ, tunergutiksamik ikomakut Nâlekamut.

Numbers 28:8

Saugârsûblo aippanga tunergutigijaksarivat unnukut; tunergutiksatut nerᴋiksatut uvlâkut, tunergutiksatullo imiksatut ilingavlune tunergutigijaksarivat, tunergutiksaᴋ ikomakut, tipiksaᴋ naimajominartoᴋ Nâlekamut.

Filippimiunut 2:17

Augale kovijaukpallônêt okpernipsingnut, Gûdemik kivgartûtigijapsingnut, tunergutaujomut sorlo, ᴋuviasukpunga, ilûnaselo ᴋuviasuᴋatigiluse.