Numbers 28:3 - Labrador Inuttitut Heritage Bible

³ Oᴋautijaksarivatillo: Tamadja tunergutiksat ikomakut tunijaksarijase Nâlekamut: saugârsûk angutîk atautsimik jârelîk, ᴋanoetoᴋangitûk, maggûk ᴋaut tamât, tunergutiksamut ôtaksamut noᴋᴋajuitomut.

Numbers 28:3 Iomraidhean Croise

I Kronika 16:40

Uvlut tamaita tunnijiᴋovlugit Nalekamut tunnergutinik ôtaksanik, Altarib tunnergutiksanut ôtaksanut ilingajub ᴋângine, uvlarme unnungmelo, sorlo aglaksimangmat Nalekab perᴋojangine, Israelitinut perᴋolauktangine.

II Kronika 8:13

Tunnergutiksallo uvlunut tamainut illingajut, tunnivait Mosesib perᴋojangit malliklugit, Sabbatine, taᴋᴋêlanelo, uvloksiorvingnelo, pingasuêrtorlune Jareme, tagva uvloksiorvingme ᴋaᴋᴋojanik sêrnaᴋangitunik, Wochillo uvloksiorvinganelo, uvloksiorvingmelo igloᴋarvingmik akkerᴋunik milluᴋattalingnik.

Esra 3:5

Kingurnganelotauk tunninivait tunnergutit ôtaksat pitsainartuksat taᴋᴋêlanelo, Nalekablo uvloksiorvingine tamaine, ivsornaititaumajune, tunnergutillo pijarijut, tunnijangit pijarellutik Nalekamut.

Daniel 11:31

Sakkolijartullo ililitoromârpât, sujuijomârpullo ivsornaitovingmik taluksoarniglo; soraititsijomârpullo tunigutinik ôtaksanik noᴋajuiᴋojaujunik nungutsiviublo maggojungnarninga âᴋiksoromârpât.

Daniel 12:11

Naliunimillo tunigutit ôtaksat nokajuiᴋojaujut soraititauvianit, nungutsiviublo maggojungnartut âᴋiksortauninganit, uvlut 1,290 nâlârput.

Daniel 8:11

katimgajoᴋsuit nâliganganut aglât angijorortipoᴋ, aᴋsârpâlo tunigutinik nokᴋajuitunik, iningalo ivsornaitovik oggotitauvoᴋ.

Daniel 8:13

Ivsornaitullo ilangat oᴋartoᴋ tusarpara; ivsornaitorlo tâpsoma assia oᴋarpoᴋ tâpsomunga oᴋartomut: Kanoᴋ sivitutigilârᴋâ takotitjut tunigutit noᴋajuitut pivlugit, idluinilo assirosaijoᴋ pivlugo, ivsornaitovik katimgajoᴋsuillo tullirajârtaungmattâ?

Leviticus 3:5

Aroniblo erningita ôtitaksarivait tunerguservingme tunergutib ôtaksab ᴋângane, ᴋejuit ikomamêtut ᴋângane: tunergutauvok ôtâk, tunergut ikomakut, tipitsiariktoᴋutaujok Nâlekamut.

Leviticus 6:9

Aron erningillo perᴋokit, oᴋarlutit: Tamadja perᴋojat tunergutiksak ôtaksak pivlugo; tunergut ôtâk tunerguserviub ᴋânganêtuksauvok unnuak nâvlugo uvlâk tikidlugo; tunerguserviublo ikomanga ᴋamituksaungilak.

Amos 4:4

ᴋaileritse Betelemut, idluituliluselo; Gilgalemullo, idluituliniselo unuksitilugit; tunergutiksase toᴋotaksat ᴋaisigik ᴋaut tamât uvlâkut, katersortapselo talimaujortoanik uvlut pingajuangne.

Numbers 28:10

Tamadja tunergutiksauvoᴋ ôtaksamik sabbatine tamaine, tunergutiksaᴋ ôtaksaᴋ soraijuitoᴋ, tunergutiksangalo imiksaᴋ tapilugo.

Numbers 28:15

Tuktungajorlo angusâloᴋ atauseᴋ tunergutaujuksauvoᴋ ajortoêrutiksamik Nâlekamut; tapiksaujuksauvoᴋ tunergumut ôtaksamut soraijuitomut tunergumullo imiksamut.

Numbers 28:23

Tamakkoa tunergutigijaksarivase tunergutiksaᴋ ôtaksaᴋ uvlâᴋsiut tapilugo, tâmna tunergutiksaungmat ôtaksamik soraijuitomik.

Numbers 28:24

Taimailiorluse uvlut sevenit nâvlugit tunitjijuksauvose tunergutiksanik nerᴋiksanik tunergutaujunik ikomakut tipitsiariksautiksamik Nâlekamut; tunergutiksaᴋ ôtaksaᴋ soraijuitoᴋ, tunergutiksarlo imiksaᴋ tâpsoma ilanga, tapigilugo.

Numbers 28:31

Tunergutiksaᴋ ôtaksaᴋ soraijuitoᴋ tunergutiksarlo nerᴋiksaᴋ tâpsoma ilaksanga tapilugo, tunergutigijaksarivase (ᴋanoetoᴋangitunik annerosuktuksauvose), tâpkoalo ilaksanginik tunergutiksanik imiksanik.

Numbers 28:4

Saugârsuk atauseᴋ tunergutiksarivat uvlâkut, saugârsûblo aipanga tunergutiksarivat unnukut;

Numbers 29:11

Tuktungajomiglo angutimik atautsemik tunergutiksamik ajortoêrutiksamik; tunergutiksaᴋ ajortoêrutiksaᴋ ulapirᴋsartaujutiksaᴋ tunergutiksarlo ôtaksaᴋ soraijuitoᴋ, tunergutiksallo nerᴋiksat tunergutiksallo imiksat tâpsomunga ilingajut, tapilugit.

Numbers 29:16

Tuktungajomiglo angutimik atautsemik ajortoêrutiksamik; tunergutiksaᴋ ôtaksaᴋ soraijuitoᴋ, tunergutiksarlo nerᴋiksaᴋ, tunergutiksarlo imiksaᴋ tâpsomunga ilingajoᴋ, tapilugit.

Numbers 29:6

Tunergutiksaᴋ ôtaksaᴋ taᴋᴋêlaᴋsiut tapilugo, tunergutiksarlo ôtaksaᴋ soraijuitoᴋ, tâpsomalo tapiksanga tunergutiksaᴋ nerᴋiksaᴋ, tunergutiksarlo imiksaᴋ ilagilugo, ilusioᴋojaᴋ maliklugo, tipitsiariksauᴋovlugo, tunergutiksaᴋ ikomakut Nâlekamut.

Johannese 1:29

Uvlub aippangane Johannesib Jêsuse nelipsariartortine takovâ oᴋarlunelo: Ahâk tagga Gûdib saugârsunga silaᴋsoarmiut ajorninginik nangmartok!

Ebrêerinut 9:6

Tamakkoa tagva taimailingatitaungmatta, ajoᴋertuijut ᴋaut tamât itilauᴋput tupiub pârdlinganut, (ivsornaitovingmut,) kivgartornerlo Gûdemik piniarlugo.

Takotitaunermik 13:8

Tuksiarvigivâllo nunaksoarmiut ilûnatik ateᴋartut aglaksimangitunik silaᴋsub pigiarninganit Saugârsûb toᴋotaujub aglangine ômanartune.