Numbers 28:26 - Labrador Inuttitut Heritage Bible

²⁶ Taimaktauk uvlorme pijariorutit uvloᴋsiorutauvingane, tunitjitiluse tunergutiksamik senaukamik nutâmik Nâlekamut vôgesiorvipsingne, katimaniksaᴋartuksauvose opinadlartomik; oᴋumaitomik suliaᴋartuksaungilase;

Numbers 28:26 Iomraidhean Croise

Exodus 12:16

Uvlormelo sivorlerpâme ivlernartomik katimaniksaᴋartuksauvok, uvlullo 7ingane ivlernartomik katimaniksaᴋartuksaugivok ilipsingnut; sumiglônêt suliviojuksaungilak, kisiane tarnelingnut nerᴋiksaujut, tâpkoa suliarijaksatuarivase.

Exodus 23:16

Uvloksiorviglo sulinivit paungangita sivorlerpât, karngasortavinivit perorsêvingnut, katersivingat: uvloksiorviglo katersivik, jârib nâningane naliutijok, perutsiatit perorsêvingnit katersorêrungne.

Exodus 34:22

ᴋakᴋôjaksallo sivorlerpât katersivingata naliuninga uvloksiorvigijaksarivat, taimâktauk katersiviub jârib nâninganêtub uvloksiorvinga.

Leviticus 23:10

Israêlib ᴋitorngangit oᴋarvigikit, oᴋautilugillo: Tikisimagupse nunamut tunijomârtamnut ilipsingnut, katersoigupselo perutsianginik, katersortapse pijariorutit ᴋepitaumajut sivorlerpângat âtaksarivase ajoᴋertuijomut:

Leviticus 23:8

Tunergusertuksauvosele tunergutiksamik ikomakut Nâlekamut uvlut sevenit kingorlerêklutik; uvlullo seveningane opinadlartomik katimaniksaᴋartuksauvose; oᴋumaitomik suliaᴋartailijuksauvose.

Numbers 28:18

Uvlut tâpkoa sivorlerpângane katimaniksaᴋartuksauvose opinartoᴋsoarmik; oᴋumaitomik suliaᴋartailijuksauvose;

Numbers 28:27

Tunergutiksamigle ôtaksamik tunergusertuksauvose tipitsiariksautiksamik Nâlekamut; tuktuvângnik inôtsûngnik maggûngnik, saukamik angusâlormik atautsemik, saugârsungniglo angutinik sevenenik, atautsemik jârelingnik;

Numbers 29:1

Takkillo seveningata uvlungita sivorlerpângane katimaniksaᴋartuksauvose opinadlartomik; oᴋumaitomik suliaᴋartuksaungilase; uvloᴋ tâmna tiptulausijarviksauvoᴋ ilipsingne.

I Korintemiunut 15:20

Mânale Kristûse toᴋungajunit makisimavok, sivorlerpângovorlo sinisimajut akornganit.

Jâkobusib 1:18

Issumaminik tâpsoma ernertârilaukpâtigut, mikseᴋârnerub oᴋausertanginut; sivorliojôᴋovluta pingortitanginit.