Numbers 28:2 - Labrador Inuttitut Heritage Bible

² Israêlikut perᴋokit oᴋautilugilo: Piliusiaksakka, tunergutiksat ôtaksat ikomakut, tipitsiariksautiksat, tunijaksarivase uvamnut neliutsiarningane.

Numbers 28:2 Iomraidhean Croise

Genesis 8:21

Nâlekablo naimavâ tippitsiariktoᴋ, ômamigullo oᴋarpoᴋ: Kingorngane nuna ominarsititsomairtara inuit pitjutigivlugit; inub ômatingata kajungilarningit ajortoᴋsôngmatta sorusioninganit, kingornganelo ômajut tamaita nungutitsomairtakka, sorlo pisimagama.

I Kronika 23:31

Tunnergutiksallo ôtaksat ilûnaita tunnilugit Nalekamut Sabbatine, takᴋêlânelo uvloksiorvingnelo, unurningit sorlo pijariaᴋarmatta malliklugit, taimailiutsainarᴋovlugit Nalekab sângane;

II Kronika 23:18

Jojadablo sullijaksat Nalekab iglungane perᴋovait ajochertuijunut, Levitinullo Davidib ingmigolingatilauktanginut, Nalekab iglungane tunnergutinik ôtaksanik tunnilutik Nalekamut piᴋovlugit, sorlo aglaksimangmat Mosesib perᴋojangine, ᴋuviasuklutik, nertordlerutiksaᴋarlutiglo Davidib illusinga malliklugo.

II Kronika 31:3

Attanniublo perᴋutime illangit tunniᴋattarpait tunnergutiksanut ôtaksanut uvlaksiutinut, unnuksiutinullo, tunnergutiksanullo ôtaksanut, Sabbatesiutinut, taᴋᴋêlasiutinullo, uvloksiorviksiutinullo; sorlo Nalekab perᴋojangine aglaksimangmat.

Esra 3:2

Jesualo Jozadakib erninga, ᴋattangutingillo ajochertuijut, Serubabelelo, Sealthib erninga ᴋattangutingillo parngnailerput, sannalutiglo Israelib Gudingata Altaringanik, tunnergutinik ôtaksanik tunijilune ᴋângane, sorlo aglaksimangmat Mosesib Gudib anguteᴋotingata perᴋojangine.

Esra 3:3

Sannavâllo Altare innigilauktangane (ᴋoaksarnermut tikkitaumagamik innuᴋattigêksuit nunane pivlugit) tunnijilutiglo ᴋângane Nalekamut tunnergutinik ôtaksanik, uvlâne unnunelo.

Nehemia 10:34

Imeraut attorpavuttauk ajoᴋertuijunut, Levitinullo, inugasaksoarnullo, ᴋejuit pivlugit tunnergutiksanut attoriaᴋartut, Nâlekab Gûdipta iglunganut âtaksaulauktut, atâtagijapta iglungit malliklugit, nalliutune nallonairsimajune, jârine tamaine, ikkoalaᴋovlugit Nâlekab Gûdipta Altareᴋotingata ᴋângane, sôrlo malligaksane aglaksimangmat.

Imgerut 81:3

Takkêlame tiptulausijaritse: taᴋᴋiub angmaloriksiningane, uvloksiorvipta uvlungane.

Exodus 23:15

Uvloksiorvik sêrnarsauteᴋangitunik ᴋakᴋôjaktorvik uvloksiorutigijaksarivat: ᴋakᴋôjaktortuksauvotit sêrnarsauteᴋangitunik uvlunik 7nenik, sorlo perᴋogapkit, takᴋiub Abibib naliuningane: tâpsomane anilauravit Egiptenemit: tunergutiksalijaranelo sakᴋertoᴋartuksaungilak sâmne:

Exodus 29:18

Angusâloklo ilûnât ôtitaksarivat tunerguservingme: tunergutiksauvok ôtaksak Nâlekamut: tamadja tipigiksautauvok, tunergut ôtâk Nâlekamut.

Hesekiel 16:19

Nerᴋiksaralotauᴋ tunijara ilingnut, senaugatsiaᴋ, orᴋsorlo, igupsaujârtullo orᴋsungat, nerᴋiksautilauᴋtakka ilingnut, aglât tâpkoa ililauᴋpatit taipᴋoa sânginut tipigiksauteoᴋovlugit; taimaiporlo, oᴋarpoᴋ Nâlegaᴋ Nâlegaujoᴋ.

Hesekiel 20:41

Tippe naimajominartoᴋ naivlugo ilalioromavapse, anitikupse inôᴋatigêksuit akornganit, katersorupselo nunanit siamarvigijapsingnit; ivsornaititaujomavungalo ilipsigut inôᴋatigêksuit takoane.

Hesekiel 45:17

Angajoᴋâᴋsublo tunijaksarivait tunergutiksat ôtaksat, tunergutiksallo nerᴋiksat, tunergutiksallo imiksat uvloᴋsiorvingne, taᴋᴋêlarnelo, sabbatinelo, Israêlib ᴋitorngangita uvloᴋsiorvioᴋojangine tamaine, tâpsoma atuinarutitaksarivait tunergutiksat ajortoêrutiksat, tunergutiksallo nerᴋiksat, tunergutiksallo ôtaksat, tunergutiksallo ulapᴋosertaujutiksat, Israêlib ᴋitorngangita ulapᴋosertaujutiksangat.

Leviticus 1:13

Erᴋaville niullo ergortoraksarivait imermut: ajoᴋertuijûblo tunergutigijaksarivâ ilûnât, ôtilugolo tunerguservingme: tunergutauvok ôtâk, tunergut ikomakut, tipitsiariktoᴋutaujok Nâlekamut.

Leviticus 1:17

Isarokullo ᴋopijaksarivâ avgornagole: ajoᴋertuijûblo ôtitaksarivâ tunerguservingme, ᴋejuit ikomamêtut ᴋângane: tunergutauvok ôtâk, tunergut ikomakut, tipitsiariktoᴋutaujok Nâlekamut.

Leviticus 1:9

Erᴋavingille niungillo ergortoraksarivait imermut; ajoᴋertuijûblo ôtitaksarivâ ilûnât tunerguservingme, tunergutautilugillo ôtaksamik, tunergut ikomakut, tipitsiariktoᴋutaujok Nâlekamut.

Leviticus 21:6

Ivsornaituksauvut Gûdimingnut, Gûdimiglo atinga naggonartitaililugo; tunergusermatta tunijaumajunik Nâlekamut ikomakut, Gûdimik nerᴋinganik; tamanna pivlugo ivsornaituksauvut.

Leviticus 21:8

Taimaimat ivsornaititaksarivat, Gûdivit nerᴋinga tunergutigingmago; ivsornaitokutigijaksarivat; Uvanga Nâlegaujunga ivsornaititise ivsornaidlarama.

Leviticus 3:11

Ajoᴋertuijûblo ôtitaksarivait tunerguservingme: nerᴋiksauvok tunergusertaujok ikomakut Nâlekamut.

Mâlaki 1:12

Ilipsele ivsornartipâse, oᴋarapse: Nâlekab nerrivia ivsornarmat, pitangillo nerᴋiksaungmatta naggonadlartut.

Mâlaki 1:7

Nerᴋiksat maᴋojungnartut tunergutigivase tunerguservimne. Oᴋarposelo: sunakut maᴋojungnartipitigît? oᴋarapse: Nâlekab nerrivia suglunarsivoᴋ.

Numbers 15:24

Piniarutaukpat pijâringitomik ilagêktoᴋsuillo ᴋaujitinagit, ilagêktoᴋsuit tunergusertuksauvut tuktuvârangmik atautsemik tunergutiksamik ôtaksamik, tipitsiariksautiksamik Nâlekamut, tunergutiksaᴋ nerᴋiksaᴋ ilaksanga ilagilugo, tunergutiksangalo imiksaᴋ, perᴋojaᴋ maliklugo, tuktungajomiglo angutimik tunergutiksamik ajortoêrutiksamik.

Numbers 15:3

Tunerguseromavluselo ikomakut Nâlekamut, tunergutiksamik ôtaksamik, toᴋotaksamiglônêt angerviviksiorutiksamik, tujutiksamiglônêt, uvloᴋsiorutiksamiglônêt, tipigiksaijomavluse Nâlekamut tuktuvangnillônêt saukanillônêt;

Numbers 15:7

Tunergutiksamiglo imiksamik tunitjijuksauvoᴋ vainemik hinib pingasôlimajûb pingajuanik, tipitsiariksautiksamik Nâlekamut.

Numbers 28:1

Nalekablo Mosese oᴋarvigivâ, oᴋarlune:

Numbers 29:39

Tamakkoa tunijaksarivase Nâlekamut uvloᴋsiorvipsingne, angerutigijase, pijârijomiglo tunergutigijase erᴋaginagit, tunergutigisigik ôtaksanik, tunergutigisigiglo nerᴋiksanik, tunergutigisigiglo imiksanik, tunergutigisigiglo ᴋujaliutiksanik.

Numbers 9:13

Inugle ivsornartitaungitoᴋ aularsimangitorlo uvloᴋsiorᴋatautailijorle uvloᴋsiorvingmik, tâmna avitaujuksauvoᴋ inôᴋatiminit; tunitjilaunginame Nâlekab tunergusiarijaksanganik neliutome perᴋojaujome, tâmna nangmartuksauvoᴋ idluinerminik.

Numbers 9:7

Oᴋautilugiglo: Ivsornarpogut inuk toᴋungajoᴋ pivlugo; suna pivlugole agviartauvitâ tunitjiᴋataujungnarluta Nâlekab tunergusiarijaksanganik neliutome perᴋojaujome Israêlikut akornganê?

II Korintemiunut 2:15

Kristûsib tippigiksautigingmatigut Gûdemut, piulijaujomârtunelo assiojomârtunêlô:

Efêsusemiunut 5:2

Naglingnermelo arvertaritse, sorlotauᴋ Kristusib nagligilaungmatigut, ingminiglo tunilaungmat pivluta, tunergutiksaujomavlune toᴋotaksamik, Gûdemut tipitsiariksautiksamik.

Filippimiunut 4:18

Tamainigle peᴋarpunga, peᴋaluarlunga aglât; ununârviovlunga neksartitaunipsingnik pigama Epafroditusemit, tamadja tipitsiariksautiksaᴋ, tunergut takominartoᴋ, ᴋuvianartorlo Gûdemut.