Numbers 28:11 - Labrador Inuttitut Heritage Bible

¹¹ Takkillo pigiarningine tunergusertuksauvose tunergutiksamik ôtaksamik Nâlekamut; tuktuvângnik inôtsûngnik maggûngnik, saugarmiglo angusalormik, saugârsungniglo angutinik sevenenik, atautsemik jârelingnik, ᴋanoetoᴋangitunik;

Numbers 28:11 Iomraidhean Croise

II Atannit 4:23

Tamna oᴋarpok: Sôg aivigijomaviûk? Uvlome takᴋêlaulungimat Sabbateolungilarlonêt. Tamna (arnak) oᴋarpok: Nipportuinarit.

I Kronika 23:31

Tunnergutiksallo ôtaksat ilûnaita tunnilugit Nalekamut Sabbatine, takᴋêlânelo uvloksiorvingnelo, unurningit sorlo pijariaᴋarmatta malliklugit, taimailiutsainarᴋovlugit Nalekab sângane;

II Kronika 2:3

Salomolo tilliklerpok Hiramemut, Tirusib attannertanganut, oᴋautsauᴋovâlo: Sorlo atâtaga Davide pinniarvigilaurangne, tillikliutjivigilugolo Cederinik igloliorungnarᴋovlugo ingminut, taimailiorvigilaungatauk.

II Kronika 2:4

Ahâk, Nalekab Gudima attinga iglomik iglolioromavara, ivsornaititaujutiksamik tapsomunga, isserluanijutiksanik tippitsiariktunik ikkitsiviksamik sângane, ᴋaᴋᴋojaniglo takkojaksanik âᴋiksoiviksamik, tunnergutiksaniglo ôtaksanik tunnijiviksamik uvlâne unnunelo, Sabbatinelo, taᴋᴋêlanelo, Nalekablo Gudipta uvloksiorvingine. Soraijuitomik Israelitit taimailioriaᴋarput.

II Kronika 8:13

Tunnergutiksallo uvlunut tamainut illingajut, tunnivait Mosesib perᴋojangit malliklugit, Sabbatine, taᴋᴋêlanelo, uvloksiorvingnelo, pingasuêrtorlune Jareme, tagva uvloksiorvingme ᴋaᴋᴋojanik sêrnaᴋangitunik, Wochillo uvloksiorvinganelo, uvloksiorvingmelo igloᴋarvingmik akkerᴋunik milluᴋattalingnik.

Esra 3:5

Kingurnganelotauk tunninivait tunnergutit ôtaksat pitsainartuksat taᴋᴋêlanelo, Nalekablo uvloksiorvingine tamaine, ivsornaititaumajune, tunnergutillo pijarijut, tunnijangit pijarellutik Nalekamut.

Nehemia 10:33

Tagva ᴋakᴋojaksanut takkojaksanut, tunnergutiksanullo nerᴋiksanut uvlunut tamainut ilingajunut, tunnergutiksanullo otaksanut uvlunut tamainut, Sabbatinullo, takkêlanullo uvloksiorvingnullo ilingajunut, ivsornaititaumajunut, tunnergutiksanullo ajortoêrutiksanut, Israelitit ullapᴋosertauᴋovlugit, pinniaraksanullo tamainut Gûdipta iglungine.

Imgerut 40:6

Tunnergutiksat toᴋᴋotaksat tunnergutiksallo nerᴋiksat kuvigagingilattit; siutimnigle angmaivigimavarma. Tunnergutiksat ôtaksat, tunnergutiksallonêt ajortoêrutiksat pijomangilattit.

Imgerut 40:8

Pijomajat Gudiga piniarânérivara, malligaksauᴋojattillo ômattimnêput.

Imgerut 81:3

Takkêlame tiptulausijaritse: taᴋᴋiub angmaloriksiningane, uvloksiorvipta uvlungane.

Imgerut 81:4

Taimaitomik illuseᴋarmat Israeleme, perᴋojangôlunelo Jakob Gûdinganit.

Jesaiase 66:23

Taᴋᴋeᴋ nutaulerangat, sabbateᴋalerangallo uviniggit illũnamatsiatik tikkitsomârput tuksiaromavlutik sâmne, oᴋarpoᴋ Nâlegaᴋ.

Hesekiel 46:1

Imak oᴋarpoᴋ Nâlegaᴋ Nâlegaujoᴋ: Avaluliorsimajub ilulliub itertarvinga ununga sângajoᴋ parngnanairsimajuksauvoᴋ uvlut 6 suliaᴋarviosût nâvlugit; sabbatemele upkoêraksauvoᴋ, taᴋᴋêlablo uvlungane upkoêraksauvoᴋ.

Hesekiel 46:6

Taᴋᴋêlablo uvlungane tunitjijuksauvoᴋ tuktuvangmik angusalormik ᴋanoetoᴋangitomik, saugârangniglo 6nik, saugarmiglo parngnermik; tâpkoatauᴋ ᴋanoetoᴋartuksaungilat;

Hesekiel 46:7

Atuinaruterijuksauvorlo tunergutiksamik nerᴋiksamik êfamik tuktuvangmut, êfamiglo saugarmut parngnermut, saugârsungnullo pijungnartanga maliklugo, orᴋsumiglo hinemik êfamut atausermut.

Hosea 2:11

Aliagijangit tamaita sorairtitsomavakka, uvloᴋsiorvingit, taᴋᴋêlaᴋsiorvingillo, sabbatingillo, katimaviksauᴋojangillo tamaita.

Leviticus 1:13

Erᴋaville niullo ergortoraksarivait imermut: ajoᴋertuijûblo tunergutigijaksarivâ ilûnât, ôtilugolo tunerguservingme: tunergutauvok ôtâk, tunergut ikomakut, tipitsiariktoᴋutaujok Nâlekamut.

Leviticus 1:3

Tunergutiksak ôtaksaukpat tuktuvangnit, tunergusertuksauvok angusâlormik ᴋanoêtoᴋangitomik: tunergutigijaksarivâ ilagêktut tupingata upkoangata sângane, ᴋuviagijauᴋovlugo Nâlekamut.

Leviticus 1:9

Erᴋavingille niungillo ergortoraksarivait imermut; ajoᴋertuijûblo ôtitaksarivâ ilûnât tunerguservingme, tunergutautilugillo ôtaksamik, tunergut ikomakut, tipitsiariktoᴋutaujok Nâlekamut.

Amos 3:5

Tingmiak nigaktitaujungnarᴋâ nuname, nigarniuteᴋangipat atuinaujomik tâpsomungâ? Nigarniut ᴋangatarniarᴋâ nunamit nigartitsingikunê?

Amos 8:5

Oᴋarluse: ᴋanga takᴋêlak ᴋângersimaniarᴋâ, aulaijungnarᴋovluta sanaugaksanîk? Sabbatelô, saᴋᴋijârtitsijungnarᴋovluta senaugaksanîk? Oktût efa miklilitilugo, kênaujarlo sekele akkitunersautilugo, nalâgôngitomiglo piniarluta kiktitautinut nalautsilungitunut;

Numbers 10:10

Taimaktauᴋ uvlorme ᴋuviasugvigijapsingne, uvloᴋsiorvipsingnelo, taᴋᴋipselo pigiarningine, tiptulausijartuksauvose tunergutiksase pivlugit, tunergutiksaselo ᴋujaliutiksat tunergusertaujut pivlugit; erᴋaititsijutigijaksarivaselo Gûdipse sângane; Uvangauvunga Gûdise.

Numbers 28:19

Tunergusertuksauvosele tunergutiksamik ikomakut, tunergutiksamik ôtaksamik Nâlekamut; tuktuvângnik inôtsûngnik maggûngnik, saugarmiglo angusâlormik atautsemik, saugârsungniglo angutînik 7nik, atautsemik jârelingnik; ᴋanoetoᴋangitunik annerosuktuksauvose;

Galâtsiamiunut 4:10

Uvlut, taᴋᴋillo, neliutullo, jârillo uvloᴋsiorutigivase (Jûdititut).

Kolossamiunut 2:16

Taimaimat erᴋartortaujariaᴋatsangilase kimut nerᴋiksarlônêt imiksarlônêt pivlugik, uvloksiorvîllônêt, takᴋêlaillônêt, Sabatillônêt pivlugit.

Kolossamiunut 2:6

Tagva sorlo Kristûse Jêsuse ilaliulaurapsiuk, arvertarniaritse tâpsomane.

I Samuel 20:5

Davide oᴋarpok tapsomunga: Ahâk, ᴋaupat takᴋêlauvok, attannek illagilugo iksivaᴋattaujuksauviga nerrimârvingme; ailanga tagva, natername ijerᴋovlunga uvluk pingajuak unnunga tikkidlugo.

I Samuel 9:12

Tapkoa ᴋiovakit oᴋarlutiglo: Ahaila, ahâk, tagvanêpok; tuavilerit, uvlome iglugasaksoarnut tikkisimavok, innugatsuit uvlome tunnergutinik tunnijijomangmatta ᴋakᴋarolângme.