Numbers 27:21 - Labrador Inuttitut Heritage Bible

²¹ Eliasariblo ajoᴋertuijûb sângane nangertuksauvoᴋ, tâpsomalo ᴋaumaᴋutib idluarsaininga atorlugo Nâlekab sângane aperᴋutigijaksarivâ; tâpsoma oᴋausinga maliklugo anijuksauvut, tâpsomalo oᴋausinga maliklugo itertuksauvut, tâmna, Israêlikullo ilûnatik tâmna ilagilugo, tagva ilagêktoᴋsuit iluengartut.

Numbers 27:21 Iomraidhean Croise

II Samuel 21:1

Davidib nalliuningane kângnartoᴋalaurivoktauk Jarine tuglerêne pingasune. Davidiblo Nalekab kênanga ᴋennerpa. Nalegarlo oᴋarpok: Saule pivlugo, iglolo aulik pivlugo Gibeonemiut toᴋᴋolaungmagit.

Esra 2:63

Hathirsatablo oᴋautivait nerrijuksaungimatta ivsornainerpangôjomit, ajochertuijoᴋarᴋârtinago kaumaniutiksalijartomik idluarsaijutiksalijartomiglo.

Nehemia 7:65

Hatirsastablo (nunab aulatingata) oᴋautivait, nerrijuksaungimatta ivsornainerpângojomit, ajoᴋertuijoᴋarᴋârtinago ᴋaumaniutiksalijartomik, idluarsaijutiksalijartomiglo.

Exodus 28:30

Sagvingmiutarmullo erᴋartuinermut ilingajomut ilijaksarivakik ᴋaumaᴋut idluaᴋullo; tâpkoalo Aronib ômmatingata nalânêtuksauvuk iterangame Nâlekab sânganut: Aroniblo Israêlikut idluarsaijutiksangat nangmaraksarivâ Nâlekab sângane soraijuitomik.

Leviticus 8:8

Sagvingmiutarlo pitipâ tâpsomunga, ᴋaumaᴋûllo idluarᴋûllo ilivâk sagvingmiutarmut.

Mâlaki 2:7

Ajoᴋertuijûb ᴋangasinâgik piulimaklertuksaungmanik ilisimanermik, perᴋojallo ᴋenertaujuksaungmatta tâpsoma ᴋaninganit, Nâlekab Zebaotib tilijaringmago.

Numbers 27:17

Anisârtuksaᴋ tâpkoa sivuningine, itersârtuksarlo tâpkoa sivuningine, tesiortuksaᴋ tâpkoninga aulartilugit tikitilugillo; Nâlekab ilagêktoᴋotingit saukatitut mianerijeᴋangitutitut iᴋonagit.

Numbers 27:2

Nangerpullo Mosesib Eliasariblo ajoᴋertuijûb, angajoᴋâllo, ilagêktoᴋsuillo ilûnatik, sângane, ilagêktut tupingata upkoangane, oᴋarlutik:

Numbers 27:20

Opinautigijavillo ilanga iliuk tâpsomunga, ilagêktoᴋsuit Israêlikut iluengartut tusâᴋovlugit.

Numbers 27:22

Moseselo taimailiorpoᴋ, sôrlo Nâlekab perᴋongmago; Josualo ilagivâ pitilugolo Eliasarib ajoᴋertuijûb sânganut, ilagêktullo iluengartut sânginut;

Numbers 27:5

Mosesiblo tâpkoa pitjutigijangat âpâ Nâlekab sânganut.

Deuteronomy 31:3

Nâlegak Gûdît sivorlivlutit ikâromavok; tâpsoma inôᴋatigêksuit makkoa nungutsomârpait sivunerne, igvillo aᴋsârnigarilârpatit; Josualo sivorlivlutit ikârtuksauvok, sorlo Nâlegak oᴋarsimangmat.

Deuteronomy 33:8

Levilo pivlugo oᴋarpok: ᴋaumaᴋutît idluarᴋutîllo angutimêpuᴋ nagligijarne, ôktolauᴋtarne Massame, akkerartortigilauᴋtarne Merribame;

Josua 9:14

Tagva angajoᴋajat tapkoa nerᴋingit illalliorpait, appertsoratiglo Nalekab ᴋanninganik.

Idluarsaijut 1:1

Josuab toᴋongata kingorngane Israelib ᴋitorngangita Nâlegak appertsorpât, oᴋarlutiglo: Kina akkunaptingne unatadlarnermik Kanaaniterinut aulatsijuksauva?

Idluarsaijut 20:18

Tapkoa parngnailerput, takpaungarlutiglo Gûdib iglunganut, Gûdelo appertsorpât, oᴋarlutiglo: Kikut uvaptingnit aularᴋârtuksauvât, unatadlarnek pigiarlugo Benjaminib ᴋitornganginut? Nâlegak oᴋarpok: Judakut pigiartuksauvut.

Idluarsaijut 20:23

Israeliblo ᴋitorngangit takpaungarput, kugviorlutiglo Nâlekab sângane unnuk tikkilugo, Nâlegarlo appertsorpât, oᴋarlutiglo: Ama aijuksauvita sorsukluta Benjaminib ᴋitornganginut ᴋatangutiptingnut? Nâlegak oᴋarpok: Takpaungarvigisigik.

I Samuel 14:19

Saulelo oᴋartillugo sulle ajochertuijomut, aulajadlarnek, akpangernerlo Filisterit tangmarvingane angivalliavok. Saulelo ajochertuijomut okarpok: Tallit erᴋititsuk.

I Samuel 23:9

Davidele mallugosulerame Saulib idluitomik issumagingmago, oᴋarpok ajochertuijomut Abjatharemut: Ikkiak ᴋaitsuk.

I Samuel 28:6

Tapsomalo Nalegak apperiva; Nalekable kiolungila, sinniktomanekullonêt, kaumaniutiksakullonêt nallautaijokullonêt.

I Samuel 30:7

Oᴋarlunelo Abjatharemut ajochertuijomut, Ahimelechib erninganut: Kaitsivigilaunga ikkiamik. Abjathariblo ikkiak ᴋailaungmago Davidemut,