Numbers 27:18 - Labrador Inuttitut Heritage Bible

¹⁸ Nâlekablo Mosese oᴋautivâ: Josua, Nunib erninga, ilagiuk, angutaujoᴋ anernermik ilumilik, aggangnullo patingmiuk;

Numbers 27:18 Iomraidhean Croise

Genesis 41:38

Faraublo kivgane oᴋautivait: Nagvârniaralloarᴋitâ angumik ôma assianik, Gûdib anerninganik illumilingmik?

I Kronika 7:27

Tapsoma erninga Nuneôlaukpok, tapsoma erninga Josuaôlaukpok.

Exodus 17:9

Moseselo Josuamut oᴋarpok: Angutinik anerosugit uvaptingnut, anilutillo Amalekiterinut sorsuklutit: ᴋaupat nangeromavunga ᴋakᴋaub ᴋângane Gûdib ajaupianga aggamnêtilugo.

Daniel 5:14

Tusaumavagit gudit aniningat ilumigigangni, ᴋaumarsartaunilo, issumatonilo, silatunilo piojoᴋ naipitaungmatta ilingni.

Numbers 11:17

Aᴋᴋalârpungalo oᴋaᴋatigilutillo tagvane anernerublo ilingnêtûb ilanga tigulârpara pitilugolo tâpkonunga; ilagilutillo tâpkoa nangmaᴋtaulârput inugiartoᴋsuit oᴋumainarninginik, kissivitôvlutit nangmariaᴋarᴋonak tamattominga.

Numbers 13:16

Tâpkoangovut angutit nautsertoriartortuksat nunamik, Mosesib tilijangita attingit. Mosesiblo Hosea, Nunib erninga, atserarpâ Josuamik.

Numbers 13:8

Kinguvârênit Efraimekunit, Hosea, Nunib erninga.

Numbers 27:23

Patingmivâlo aggangminut perᴋolugolo sôrlo Nâlegaᴋ oᴋalaungmat Mosesemut.

Johannese 3:34

Gûdib tilijangata Gûdib oᴋausingit oᴋautigingmagit; Gûdib Anerneᴋ tuningmago ôktûmut ôktornago (amigangitomigle).

Apostelit Piniarningit 13:3

Tagva nerritaililutik tuksiarput, aggangmingnullo patingmivlugik tilivakit.

Apostelit Piniarningit 19:6

Paulusiblo patingmingmagit aggangminut, Anernerub ajunginerub tikivigivait; oᴋâlalerpullo takorngartat oᴋausinginut, oᴋâlalilarmiglo pijomârtuksanik.

Apostelit Piniarningit 6:3

Taimaimat, erdlingnartose ᴋatangutigêt, angutinik 7 nik ᴋenilauritse akunapsingne, idluartoᴋutaujunik Anernermiglo ajunginermik silatunermiglo ilumertaujunik, kivgartorᴋojaksaptingnik tamattomunga.

Apostelit Piniarningit 6:6

Tâpkoa Apostelit sânganut pitipait, tuksiarlutiglo aggangmingnullo patingmivlugit.

Deuteronomy 1:37

Nâlekablo ningarilaurivânga ilipse pitjutigivluse, oᴋarlune: Igvittauᴋ tagvunga pijuksaungilatit;

Deuteronomy 3:21

Neliutomelo tâpsomane Josua perᴋolauᴋpara, oᴋarlunga: Ijîkik tautukpuk tamainik Nâlekab Gûdivît piniarninginik atanîngnut tâpkungnunga maggûngnut: taimailioromârivait ataniovit tamaita ikârvigijase.

Deuteronomy 3:28

Josuale perᴋoleruk, maksuatilugolo, pitsartutilugolo; tâmna ikârtuksaungmat inuit ukkua sângine, tâpsomalo kingormgujitilârpait nunamik takojaksarnik.

Deuteronomy 31:14

Nâlekablo Mosese oᴋautivâ: Ahâk, neliuneᴋ toᴋoviksat ᴋanilivok; Josua ᴋaiᴋoguk, sakᴋijâritiglo ilagêktut tupingane, tunitjijungnarᴋovlunga perᴋojamik tâpsomunga. Moseselo Josualo saᴋᴋijâriartorpuk ilagêktut tupingane.

Deuteronomy 31:23

Josualo, Nunib erninga, perᴋovâ, oᴋarlune: Sôngosilerit maksuavlutillo; Israêlekut tikiutijaksarigangne nunamut nelautsimariklunga angerutigilauᴋtamnut tâpkonunga; ilagijomavagillo.

Deuteronomy 31:3

Nâlegak Gûdît sivorlivlutit ikâromavok; tâpsoma inôᴋatigêksuit makkoa nungutsomârpait sivunerne, igvillo aᴋsârnigarilârpatit; Josualo sivorlivlutit ikârtuksauvok, sorlo Nâlegak oᴋarsimangmat.

Deuteronomy 34:9

Josualo, Nunib erninga, ilumertauvok anernermik silatunermik, Mosesib aggane ililaungmagit tâpsomunga; Israêliblo ᴋitorngangita nâlakpât, piniarlutiglo sorlo Nâlekab Mosese perᴋolaungmago.

I Timôteusemut 4:14

Issumagitsainaleruk tunergut saimanartok, ilungnêtok, tunergutaumajok ilingnut nelautaijut oᴋausingit maliklugit, angajoᴋaunerit aggangmingnut patingmingmatit.

I Timôteusemut 5:22

Naliat aggangnut tuavidlutit patingmingniarnago; illangiubviginiarnagittauk assivît ajorningit. Nangminek ivsornaitsainarit.

Ebrêerinut 6:2

Ajoᴋertûtsemiglo baptijut pivlugo, patingmijaunermiglo aggangnut, toᴋungajuniglo makkitsomârtunik, pidlartaujomârnermiglo issoᴋangitomut.

Josua 1:17

Sorlo Mosese nalalauraptigo, taimak igvittauk nalagomavaptigit; kissiane Nalekab Gudivit illagituinarpattit, sorlo Mosese illagilaungmago.

Idluarsaijut 11:29

Tagva Nâlekab Annerninga Jeftamut pivok, aularporlo Gileadekut, Mânnaseᴋullo, Mizpakullo Gileademetokut, Mizpamillo Gileademetomit Amonib ᴋitornganginut.

Idluarsaijut 3:10

Nâlekablo Annerninga illumigiva, idluarsaijolaukporlo Israelitinik, aularlunelo unatadlarnermut; Nâlekablo Siriab atanertanga Kusan-Risathaime tunniva tapsoma agganginut, aggangit tapsomunga songolualilaungmatta.

I Samuel 16:18

Tagva nukapitset tapkoa illangat kiovok, oᴋarlunelo: Ahâk, takkolaukpara Isaib Bethlehemiub erningita illangat, tamna nokakseralingmik attutsiarungnarpok, anguteôjok erᴋinaitok, sorsugungnartok, sillatôjorlo sunatuinarne, pinnarnartorlo, Nalekablo illagiva.